نواز شریف اپنی مودی دوستی اور کشمیر دشمن رویے کو ترک کر کے بھارتی حکومت کو کشمیر میں قتلِ عام روکنے کے لئے سخت ردِعمل دیں، بلاول بھٹو
عالمی برادری مقبوضہ کشمیر میں جاری انسانی حقوق کی کی سنگین خلاف ورزیوں کا نوٹس لیں آزاد کشمیر میں حویلی سے پی پی پی کے نامزد امیدوار فیصل راٹھور کے خلاف قتل کی ایف آئی آر کی مذمت
کراچی (اُردو پوائنٹ اخبارآن لائن۔11جولائی۔2016ء )چیئر مین پاکستان پیپلز پارٹی بلاول بھٹو زرداری کی جانب سے مقبوضہ کشمیر میں جاری فسادات اور بھارتی مظالم پر نواز شریف کی خاموشی پر کڑی تنقید حریت رہنما برہان وانی کے قتل کے خلاف مظاہروں پر قابض بھارتی افواج کی جانب سے فائرنگ کے نتیجے میں درجنوں مظاہرین شہید جبکہ سینکڑوں زخمی ہیں اور بین الاقوامی ذرائع ابلاغ کے مطابق کرفیو کے نفاذ کے بعد گزشتہ 30 گھنٹوں کے دوران بھارتی افواج کی جانب سے بلا اشتعال فائرنگ سے 50بے گناہ مظاہرین قتل جبکہ 300 سے زائد زخمی ہیں میڈیا کو جاری کیے گئے ایک بیان میں بلاول بھٹو نے کشمیر میں جاری ظلم و بر بریت اور ان مظالم پر نواز شریف کی مجرمانہ خاموشی کی شدید مذمت کرتے ہوئے کہا کہ اپنی اور مودی کی دوستی کی خاطر نواز شریف کشمیر میں جاری ظلم و تشدد پر خاموش ہیں- نواز مودی دوستی نے کشمیر کاز اور اْسکے نتائج کو ناقابلِ تلافی نقصان پہنچایا ہے ،معصوموں کے بہیمانہ قتلِ عام اور بھارتی افواج کے مظالم کے خلاف دفترِ خارجہ سے محط ایک مذمتی بیان ناکافی ہے بلاول بھٹو نے مطالبہ کیا کہ نواز شریف اپنی مودی دوستی اور کشمیر دشمن رویے کو ترک کرتے ہوئے بھارتی حکومت کو کشمیر میں قتلِ عام روکنے کے لئے سخت ردِعمل دیں ۔
(جاری ہے)
مزید متعلقہ خبریں پڑھئیے :
