کسی ملک کو پاک،ایران تعلقات کو نقصان پہنچانے کی ہرگز اجازت نہیں دیں گے ٗ شمخانی
علاقائی بدامنی اور بین الاقوامی سطح پر بڑھتی ہوئی دہشتگردی دونوں ممالک کے لئے مشترکہ خطرہ ہے ٗناصر جنجوعہ سے گفتگو پاکستان ایران کے ساتھ سیکورٹی اور اقتصادی تعاون کو مزید بڑھانے کا خواہاں ہےٗ مشیر وزیر اعظم خارجی عناصر عالم اسلام کے درمیان سازشیں کر کے مسلمانوں کو آپس میں لڑانا چاہتے ہیں ٗ ملاقات میں گفتگو
تہران (اُردو پوائنٹ اخبارآن لائن۔26جولائی۔2016ء) اعلی قومی سلامتی کونسل کے سربراہ ایڈمرل علی شمخانی واضح کیا ہے کہ ہم ہرگز اس بات کی اجازت نہیں دیں گے کہ کوئی بھی ملک اسلحہ کی فراہمی اور دہشتگردوں کو کرایے پر استعمال کرتے ہوئے ایران اور پاکستان کے تعلقات کو نقصان پہنچائے ۔ان خیالات کا اظہار سپریم لیڈر کے نمائندے اور اسلامی جمہوریہ ایران کی اعلی قومی سلامتی کونسل کے سیکرٹری ایڈمرل علی شمخانی نے پیر کے روز ایران کے دورے پر آئے ہوئے پاکستان کے مشیر قومی سلامتی جنرل (ر) ناصر خان جنجوعہ کے ساتھ ایک ملاقات میں کیاپاکستانی وزیراعظم کے مشیر برائے قومی سلامتی ایران کے تین روزہ دورے پر تہران پہنچے علی شمخانی نے اپنے پاکستانی ہم منصب کے ساتھ ملاقات میں اس بات پر زور دیا کہ ہم ہرگز اس بات کی اجازت نہیں دیں گے کہ کوئی بھی ملک اسلحہ کی فراہمی اور دہشتگردوں کو کرایے پر استعمال کرتے ہوئے ایران اور پاکستان کے تعلقات کو نقصان پہنچائے یا ہماری مشترکہ سرحدوں پر بدامنی پھیلائے اس موقع پر اسلامی جمہوریہ ایران اور پاکستان کے درمیان تاریخی روابط اور دیرینہ تعلقات کا ذکر کرتے ہوئے ایڈمرل شمخانی نے دونوں ملکوں کے درمیان کثیرجہتی تعلقات کی وسعت پر زور دیا۔
(جاری ہے)
مزید متعلقہ خبریں پڑھئیے :
