باہمی تنازعات کا پر امن اور مذاکراتی حل وقت کی اہم ضرورت ہے،نواز شریف
ہم کسی تصادم کے متحمل نہیں ہوسکتے،اگر ایسا ہوا تو اقتصادی اور سماجی میدان میں ہماری وہ پیش قدمی رک جائے گی ہم دْنیا بھر میں امن کے متلاشی ہیں لیکن وقار، عزت اور برابری کی بنیاد پر اور دوستانہ تعلقات کی کاوشوں کو کسی بھی طور ہماری کمزوری نہ سمجھا جائے، ہم باہمی مفاد ، ایک دوسرے کی خود مختاری اور سا لمیت کے احترام اور عدم مداخلت پر یقین رکھتے ہیں، ایک سفیر کی کامیابی یہی ہے کہ جس ملک میں وہ تعینات ہے،وہاں سبز پاسپورٹ عزت اور وقار کی علامت بن جائے، سیاست اور سفارت کاری دونوں اگر مشن نہ بنیں تونتیجہ خیز نہیں ہوتے،انشااللہ ہم سب کی کوششوں سے دْنیا روشن ،محفوظ اور مستحکم پاکستان سے متعارف ہوگی،وزیر اعظم کا سفیروں کی اختتامی اجلاس سے خطاب
جمعرات 4 اگست 2016 10:18
اسلام آباد(اُردو پوائنٹ اخبارآن لائن۔4اگست۔2016ء)وزیراعظم محمد نواز شریف نے اہم ممالک میں تعینات پاکستانی سفیروں کی کانفرنس کے اختتاحی اجلاس سے خطاب کے کرتے ہوئے کہا ہے کہ آج کا پاکستان 2013ء کے پاکستان سے کہیں زیادہ پر امن ،خوشحال اور مستحکم ہے۔وزیراعظم نے گزشتہ دو دنوں کے دوران سفیروں کی کانفرنس میں مرتب کی گئی سفارشات کی روشنی میں اپنے ویژن کو واضح کیا۔
پاکستانی سفیروں سے مخاطب ہوتے ہوئے وزیراعظم نے کہا کہ آج دْنیا کے سامنے پاکستان کا مقدمہ پیش کرنا کہیں آسان ہے، آپ پورے اطمینان کے ساتھ پاکستان کا تصور دْنیا کے سامنے رکھ سکتے ہیں اور عالمی برادری کو ایسے مستقبل کی طرف متوجہ کرسکتے ہیں جسے میں معاشی خوشحالی بھی ہے اور سرمایہ کا یقینی تحفظ بھی۔(جاری ہے)
وزیراعظم نے کہاکہ اگر کسی ملک کی قومی شنا خت ، علاقائی اور عالمی شناخت سے ہم آہنگ نہیں ہے تو اْسے بین الاقوامی سطح پر تنہائی کا سامنا کر نا پڑھ سکتا ہے۔
لہذا ہمیں اپنی اقدار کے ساتھ عالمی تہذیبی اقدار کا بھی خیال رکھنا ہے اور اس کے ساتھ اپنے مفادات کو عالمی اور عالمی مفادات سے بھی ہم آہنگ بنانا ہے۔علاقائی تناظر میں وزیراعظم محمد نواز شریف نے خطے میں پائیدار امن اور ترقی کی اہمیت کو اجاگر کرتے ہوئے کہا کہ باہمی تنازعات کا پر امن اور مذاکراتی حل وقت کی اہم ضرورت ہے۔ ہم کسی تصادم کے متحمل نہیں ہوسکتے۔ ہم اگر کسی تصادم میں الجھے گے تو ہماری وہ پیش قدمی رک جائے گی جو اقتصادی اور سماجی میدان میں جاری ہے۔ ہم دْنیا بھر میں امن کے متلاشی ہیں لیکن وقار، عزت اور برابری کی بنیاد پر اور دوستانہ تعلقات کی کاوشوں کو کسی بھی طور ہماری کمزوری نہ سمجھا جائے۔ ہم باہمی مفاد ، ایک دوسرے کی خود مختاری اور سا لمیت کے احترام اور عدم مداخلت پر یقین رکھتے ہیں۔ وزیراعظم نے سفیروں سے کہا کہ آج پاکستان کو بیک وقت کئی محاذوں پر پر سرگرم ہونا ہے۔ پاکستان کو دہشت گردی اور انتہا پسندی کے سائے سے نکال کر استحکام اور روشن خیالی کی فضاء میں لانا ہے۔ نیشنل ایکشن پلان اور ضرب عضب پاکستانی قوم، پاکستانی ریاست اور پاکستانی حکومت کے عزم اور یکسوئی کا اظہار ہے۔پاکستان دہشت گردی سے کم و بیش نجات پا چکا ہے۔ اب انتہا پسندی کو ختم کرنے کے لیے ایک جامع حکمتِ عملی تشکیل دی جارہی ہے تاکہ دہشت گردی جڑ سے ختم کردی جائے۔ اللہ کے فضل و کرم سے دہشت گردی کے مراکز کا خاتمہ کر دیا گیا ہے۔ اِس کے لیے پاک فوج، پولیس ، رینجرز ،سلامتی کے اداروں اور عوام نے جو قربانیاں دی ہیں پوری دنیا اْن کی معترف ہے۔چین ہمارا قابلِ بھروسہ دوست ملک ہے۔ یہ دوستی ہر دور میں اور ہر آزمائش میں مزید پختہ ہوئی ہے۔ہمیں خوشی ہے کہ یہ دوستی ایک کثیر الجہتی شراکت داری میں تبدیل ہوچکی ہے۔سی پیک کے منصوبوں پر ہم چینی حکومت اور عوام کے تہہ دل سے مشکور ہیں۔ ہم پاک چین دوستی کو مزید بلندیوں تک لے جانے کے لیے پرْ عزم ہیں۔سی پیک کی حیثیت ایکگیم چینجرکی ہے۔یہ صرف معاشی خوشحالی کا منصوبہ نہیں، بلکہ اس کے ذریعے ہم خطے میں باہمی تعلقات کا ایک نیا ویڑن متعارف کرا رہے ہیں۔یہ اقتصادی مفادات کے اشتراک کا منصوبہ ہے۔ اِس میں ایران، افغانستان اور وسطی ایشیا کے لیے بھی امکانات کی ایک پوری دنیا ہے۔ ہم اس منصوبے کوخطے میں نئے تعلقات کی بنیاد بنانا چاہتے ہیں تاکہ جنوبی ایشیا کو اس تاریخی رکاوٹ سے نکال سکیں جس کے باعث، ہمارے وسائل ایک ایسے تصادم کی نذر ہو رہے ہیں جس میں کسی کا مفاد نہیں۔سی پیک ایک مستحکم انفراسٹرکچر کی تشکیل کا منصوبہ ہے جو نہ صرف غیر ملکی سرمایہ کاروں کو مزید متوجہ کرسکے گا بلکہ علاقائی ترقی اور خوشحالی کا بھی ضامن ہوگا۔آج آپ نے اِس روشن پاکستان کا تعارف دنیا کے سامنے رکھنا ہے۔ آپ کی ذمہ داری ہے کہ آپ دنیا کو اْس پاکستان سے متعارف کرائیں جس کا شمار ابھرتی ہوئی معیشتوں میں ہورہا ہے جو ماضی کے مقابلے میں کہیں زیادہ مستحکم و محفوظ ہے۔ جہاں انسانی حقوق کا احترام پایا جاتا ہے۔ جہاں اقلیتیں پہلے سے کہیں زیادہ محفوظ ہیں۔ جہاں ایک ایسا مضبوط اقتصادی اور قانونی انفراسٹرکچر موجودہے جو سرمایے کو نہ صرف تحفظ فراہم کرتا ہے بلکہ اس کو نشوونما بھی دیتا ہے۔ آج پاکستان میں سرمایہ کاری کے وسیع امکانات موجود ہیں، جن میں آئے دن اضافہ ہو رہا ہے۔ پاکستان کے لیے سرمایہ کاری میں اضافہ آپ کا خصوصی مشن ہونا چاہیے۔یہ آپ کی اقتصادی سفارت کاری کا امتحان ہے۔اقوام متحدہ کی قراردادوں اور اہلِ کشمیر کی خواہشات کے مطابق مسئلہ کشمیر کا حل، پاکستان کی خارجہ پالیسی کا بنیادی ستون ہے۔ آج کشمیر میں آزادی کی نئی لہر ہے۔ بھارت سے آزادی کی تمنا،کشمیریوں کی تیسری نسل کے لہومیں جس شدت کے ساتھ دوڑ رہی ہے، اس کا مظاہرہ دنیا 8جولائی کے بعد اپنی آنکھوں سے دیکھ رہی ہے۔ آپ کو یہ معلوم ہونا چاہیے کہ کشمیریوں کی نئی نوجوان نسل آزدی کی تڑپ میں قربانیوں کی لازوال داستیں رقم کررہی ہے۔اْن کی آنکھیں گولیوں سے چھلنی ہیں لیکن آزادی کی روشنی اْن کی رہنمائی کررہی ہے۔ آپ نے دنیا کو باور کرانا ہے کہ مقبوضہ کشمیر بھارت کا داخلی معاملہ نہیں۔ بھارت نے اسے متنازعہ مانا ہے۔اقوامِ متحدہ نے اسے پاکستان اور بھارت کے ما بین ایک تنازعہ قرار دیا ہے جس میں کشمیری بھی ایک بنیادی فریق ہیں۔کشمیر انسانی حقوق کی پامالی کا مقدمہ بھی ہے۔ آج دنیا میں انسانی حقوق کو کسی ملک کا داخلی مسئلہ نہیں سمجھا جاتا۔ یہ ایک عالمی مسئلہ ہے۔ ان دو بنیادوں پر آپ نے کشمیر کا مقدمہ دنیا کے سامنے پیش کرنا ہے۔پاکستان دہشت گردی کا ہدف رہا ہے۔ دنیا میں دہشت گردی سے سب سے زیادہ متاثر ہونے والا ملک پاکستان ہے۔ آپ نے اس مقدمے کو دنیا کے سامنے شواہد اور استدلال کے ساتھ پیش کرنا ہے۔ آپ نے دنیا کو یہ باور کرانا ہے کہ پاکستانی عوام ،پاکستانی حکومت اورپاکستانی سکیورٹی کے ادارے دہشت گردی کی اس جنگ میں یکسو ہیں اور ایک بے مثال عزم کے ساتھ اس جنگ کو اپنے منطقی انجام تک پہنچانے والے ہیں۔آپ نے دْنیا کوپاکستانی قوم کی بے مثال قربانیوں سے آگاہ کرنا ہے۔افغانستان میں امن ،پاکستان کے امن کے لیے ضروری ہے۔اس کے لیے ہم نے چار فریقی مذاکراتی عمل کو آگے بڑھایا اورآئندہ بھی ہم افغانستان میں قیامِ امن کے لیے ہر کوشش کے ساتھ ہیں۔یہ بات اقوام عالم کو معلوم ہونی چاہیے کہ پاکستان اپنی زمین کو کسی ملک کے خلاف دہشت گردی کے لیے استعمال نہیں ہونے دے گا اور یہ پاکستان کا واضح ریاستی موقف ہے۔آخر میں وزیراعظم نے سیفران سے مخاطب ہوتے ہوئے کہا کہ پاکستان کا سفیر ہونا ایک اعزاز سے کم نہیں۔آپ کو اللہ تعالیٰ نے موقع دیا ہے کہ آپ دنیا کے سامنے ایک عظیم ملک اور ایک عظیم قوم کی نمائندگی کریں۔ مجھے امید ہے کہ آپ کی محنت سے پاکستان کا حقیقی تعارف دنیا کے سامنے آئے گا۔ ایک سفیر کی کامیابی یہی ہے کہ جس ملک میں وہ تعینات ہے،وہاں سبز پاسپورٹ عزت اور وقار کی علامت بن جائے۔ مجھے آپ کی صلاحیتوں اور حب الوطنی پرپورا اعتماد ہے۔سیاست اور سفارت کاری دونوں اگر مشن نہ بنیں تونتیجہ خیز نہیں ہوتے۔مجھے یقین ہے کہ آپ سفارت کاری کو ایک مشن سمجھتے ہیں اور انشااللہ ہم سب کی کوششوں سے دْنیا روشن ،محفوظ اور مستحکم پاکستان سے متعارف ہوگی۔مزید متعلقہ خبریں پڑھئیے :
متعلقہ عنوان :
جمعرات 4 اگست 2016 کی مزید خبریں
-
سہیل خان کی تیز باوٴلنگ اور پش اپ نے نئی بحث چھیڑ دی
-
نیپرا نے تاریخ کے مہنگے ترین ٹیرف کی منظوری دے دی
-
خیبرپختونخوااسمبلی میں احتساب کمیشن کی ترمیمی بل کو متفقہ طورپر منظور
-
کوئٹہ ، بلوچستان میگا کرپشن کیس میں اہم پیشرفت
-
پنجاب میں چینی انجینئرزسمیت غیر ملکیوں کی سیکورٹی کے لیے 5 ہزار اہلکاروں کی بھرتی کا فیصلہ
-
جماعت اسلامی کے صوبائی نائب امیر مولانا عبدالحئی مندوخیل قلعہ سیف اللہ ٹریفک حادثے میں جاں بحق
-
وفاق نے سیلاب سے بچاوٴ کے منصوبوں میں مد میں رکھے گئے فنڈز سے گزشتہ سال کے مقابلے میں اس سال نصف رقم کی کٹوتی کردی
-
پشاورمیں"دھرنے نہیں کام چاہئے "کے نام سے جلسے کے انعقادکااعلان کردیا،امیر مقام
-
لاہور،شہریوں کا اغوا کار کے شبے میں بچے کے باپ پر تشدد
-
باہمی تنازعات کا پر امن اور مذاکراتی حل وقت کی اہم ضرورت ہے،نواز شریف
-
رینجرز اختیارات ،وزارت داخلہ نے سندھ حکومت کی درخواست پر دو نوٹیفکیشن جاری کردئیے
-
پاکستان ،افغانستان ،چین اورتاجکستان کی مسلح افواج کی قیادت کا انسداددہشتگردی کے لئے تعاون پراتفاق
-
نادرا نے این اے 125 کے ووٹوں کی فرانزک تصدیق رپورٹ سپریم کورٹ میں جمع کرادی
-
نوازشریف نے پارلیمنٹ میں جھوٹ بولا پانامہ لیکس معاملہ پر سپریم کورٹ بھی جاسکتے ہیں،عمران خان
-
سپریم کورٹ لاہور رجسٹری میں پنجاب بھر سے بچوں کے اغوا سے متعلق ازخود نوٹس کیس کی سماعت
-
انسداد دہشت گردی کی عدالت نے انیس قائم خانی اور رؤف صدیقی کی درخواست ضمانت مسترد کر دی
-
احتجاجی تحریک :جماعت اسلامی نے تحریک انصاف اور عوامی تحریک سے راہیں جدا کر لیں
-
جماعةالدعوة پاکستان کی اپیل پر بھارتی وزیر داخلہ راجناتھ سنگھ کی پاکستان آمد کیخلاف ملک بھر میں زبردست احتجاجی مظاہرے وریلیاں
-
اے پی ایم ایل پورے ملک میں پھیل چکی، 2018ء کے انتخابات میں بھرپور حصہ لینگے، پرویز مشرف
-
ملک میں نجی لیبارٹریوں کا کوئی پرسان حال نہیں، لاہور میں میرے انکل نے ایک ٹیسٹ کرایا اور رپورٹ میں انکا پریگنینسی ٹیسٹ مثبت آیا: سائرہ افضل تارڑ
-
انڈونیشیاء ترجیحی تجارت کے معاہدے میں آنیوالی اشیاء پر کوٹہ کی پابندی ختم کرے ، خرم دستگیر
-
قابض بھارتی فوج کے سامنے غلیل تانے کشمیری بچے کی سوشل میڈیا پر دھوم
-
ایبٹ آباد، پولیس کی تفتیش سے مطمئن نہیں، راضی نامہ کیلئے دباؤ ڈالا جارہاہے، والدہ مقتولہ سمعیہ بی بی
-
دمام میں پھنسے پاکستانیوں کا بڑا مسئلہ تنخواہیں نہ ملنا ہے ، پاکستانی سفیر برائے سعودی عرب
-
یو اے ای کی پرواز کو دبئی ایئرپورٹ پر حادثہ، 275مسافر معجزانہ طور پر محفوظ رہے
-
ہیگ عالمی عدالت کی طرف سے بحرجنوبی چین کے معاملے پر چین کے خلاف فیصلہ آنے کے بعد صورتحال انتہائی سنگین ہو گئی
-
شام ، چند دنوں میں باغیوں نے ایک اور روسی ہیلی کاپٹر مار گرایا
-
رپبلکن جماعت کی جانب سے ڈونلڈ ٹرمپ کے حوالے سے پارٹی میں نئے اختلافات منظر عام پر
-
بھارتی جیلوں کی حفاظت خواجہ سراوٴں کے سپرد
-
بھارت کا چین کی ملحقہ سرحد پر براہموس میزائل نصب کرنے کا فیصلہ
-
سینیگال کی خادمہ کو’سعودی میں پھانسی دیئے جانے کا امکان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.