22اگست کی لندن گفتگو کو رد کرنے والوں کو گرفتار کیا جارہا ہے ، 22اگست سے جوڑنے کا سلسلہ جاری رہا تو کام نہیں کر سکیں گے ، ڈی جی رینجرز ، وزیراعظم اور آرمی چیف سے انصاف کی اپیل ہے
متحدہ قومی موومنٹ پاکستان کے سربراہ فاروق ستار کاپریس کانفرنس سے خطاب
کراچی(اُردو پوائنٹ اخبارآن لائن۔8اکتوبر۔2016ء)متحدہ قومی موومنٹ پاکستان کے سربراہ فاروق ستار نے کہا ہے کہ 22اگست کی لندن کی گفتگو کو رد کرنے والوں کو گرفتار کیا جارہا ہے ، 22اگست سے جوڑنے کا سلسلہ جاری رہا تو کام نہیں کر سکیں گے ۔ ڈی جی رینجرز ، وزیراعظم اور آرمی چیف سے انصاف کی اپیل ہے ۔ وہ جمعہ کو یہاں پریس کانفرنس سے خطاب کر رہے تھے ۔انہوں نے کہا کہ 22اگست کی لندن کی گفتگو کو رد کرنے والوں کو گرفتار کیا جا رہا ہے ، جو لوگ مطلوب نہیں تھے وہ کیسے مطلوب ہوگئے ، ہمارے کارکنوں کی گرفتاریوں پر تشویش ہے ۔
انہوں نے کہا کہ رابطہ کمیٹی کے رکن گل فراز خٹک کو بھی گرفتار کر لیا گیاجن پر اشتعال انگیز تقریرں کرنے کا الزام ہے ، ہمیں واضح جواب چاہیے تاکہ آئندہ لائحہ عمل طے کریں ۔(جاری ہے)
فاروق ستار نے کہا کہ قمر منصور 22اگست کو موجود نہیں تھے اس کے باوجود گرفتار کر لیا گیا ، ہمارے ایک ایک کارکن کو گرفتار نہ کیا جائے بلکہ گرفتاری کے لئے ہم سب تیار ہیں ، اس طرح اگر 22اگست سے جوڑنے کا سلسلہ جاری رہا تو ہم کا م نہیں کر سکیں گے ۔
انہوں نے مزید کہا کہ یہ واضح کیا جائے کہ گل فراز کی کس تقریر سے امن کو نقصان پہنچا ، اگر ہم نے استعفے دیے تو ہر جگہ سے استعفے دیں گے ۔ ایم کیو ایم پاکستان اپنی ضرورت کے تحت استعفے دے گی اور اگر استعفے دیے تو پورے سیاسی عمل سے ہی باہر آ جائیں گے ۔ استعفے دینے کے بعد مہاجروں کا مستقبل اﷲ کے سپرد کر دیں گے ۔مزید متعلقہ خبریں پڑھئیے :
متعلقہ عنوان :
