وزیر اعظم نواز شریف 25 نومبر کو دو روزہ سرکاری دورے پرترکمانستان جائیں گے

اتوار 20 نومبر 2016 08:25

اسلام آباد (اُردو پوائنٹ اخبارآن لائن۔20نومبر۔2016ء) وزیر اعظم نواز شریف جمعہ 25 نومبر سے دو روزہ سرکاری دورے پرترکمانستان جائیں گے ۔وزیر اعظم دورے میں ترکمانستان کے صدر اور دیگر اعلی عہدوں سے ملاقاتوں کے علاوہ توانائی ، تجارت اور تعلیم کے شعبوں میں معاہدے کریں گے ۔

(جاری ہے)

تفصیلات کے مطابق وزیر اعظم نواز شریف ترکمانستان کے صدر کی دعوت پر جمعہ 25 نومبر سے دور روزہ سرکاری دورے پر وفد کے ہمراہ ترکمانستان جائیں گے وزیر اعظم کے دو روزہ دورے میں دونوں ممالک کے درمیان توانائی ، تجارت اور تعلیم کے مختلف شعبوں میں معاہدے کئے جائیں گے وزیر اعظم نواز شریف ترکمانستان کے صدر اور دیگر اعلی عہدیداروں سے اہم ملاقاتیں بھی کریں گے ۔

دورے کے دوران تاپی گیس پائپ لائن منصوبے پر بھی تفصیلی بات چیت ہو گی تاپی منصوبے ترکمانستان ، افغانستان ، پاکستان اور بھارت میں شامل ہے ۔پاکستان نے توانائی کی ضروریات پوری کرنے کے لئے ترکمانستان سے ایک ہزار میگاواٹ بجلی درآمد کرنے کا معاہدہ بھی کر رکھا ہے جس پر جلد ہی عملدرآمد کئے جانے کا امکان ہے ۔