سرحد پر کشیدگی کے باوجود ایندھن اسٹریٹجک سطح سے نیچے آ گیا
ملک میں تیل کی سپلائی میں خلل ، ذخیرہ کرنے کی جگہ نہ ہونے کی وجہ سے آئل کمپنیاں معیاری طریقہ کار سے ہٹ کر کام کرنے پر مجبور ملک بھر میں کہیں بھی پٹرولیم مصنوعات کی قلت نہیں، حکو متی عہدیدار
منگل 22 نومبر 2016 10:50
اسلام آباد(اُردو پوائنٹ اخبارآن لائن۔22نومبر۔2016ء) بندرگاہ پر رش اور پائپ لائن میں رکاوٹوں کی وجہ سے ملک میں تیل کی سپلائی میں خلل پیدا ہوگیا ہے جبکہ ذخیرہ کرنے کی جگہ نہ ہونے کی وجہ سے آئل کمپنیاں معیاری طریقہ کار سے ہٹ کر کام کرنے پر مجبور ہیں۔ میڈ یا رپو رٹ کے مطا بق ذرائع کا کہنا ہے کہ اس کے نتیجے میں دو اہم پٹرولیم مصنوعات موٹر پٹرول اور ہائی اسپیڈ ڈیزل کی سطح لازمی اسٹریٹجک سطح سے نیچے چلی گئی ہے اور یہ سب کچھ ایک ایسے وقت میں ہورہا ہے جب ملکی سرحدوں پر کشیدگی عروج پر ہے۔
ذرائع کا کہنا ہے کہ وزارت دفاع نے متعدد بار متعلقہ حلقوں کو اپنے خدشات سے آگاہ کیا کہ اسٹریٹیجک ذخیرے کے لیے سپلائی میں اضافہ کیا جائے لیکن حکومت اور آئل انڈسٹری دونوں ہی وزارت دفاع سے درخواست کرتے رہے ہیں کہ وہ اضافی ذخیرہ خانوں کی تعمیر کے لیے درخواستوں کی کلیئرنس کی رفتار تیز کرے۔(جاری ہے)
6 آئل مارکیٹنگ کمپنیوں (او ایم سیز) کی مجموعی طور پر 51 درخواستیں جو ملک کے مختلف علاقوں میں اسٹوریج ڈپوز بنانا چاہتی ہیں، وزارت دفاع کے پاس زیر التواء ہیں۔
سابق سیکریٹری پٹرولیم نے بتایا کہ ’اگر تمام این او سیز آج ہی جاری کردیے جائیں تو بھی ذخیرے کی استعداد میں کمی کو پورا کرنے میں ایک سال کا عرصہ لگے گا، انرجی سیکیورٹی کے تناظر میں یہ بہت ہی سنگین معاملہ ہے‘۔ایک حکومتی عہدے دار نے بتایا کہ وزارت پٹرولیم وزارت دفاع سے درخواست کرتی رہی ہے کہ مارکیٹنگ کمپنیوں کو نئے ذخیرہ خانے تعمیر کرنے کے لیے این او سی کے اجراء کے حوالے سے ایک وقتی میکینزم تیار کرلیا جائے۔موجودہ صورتحال کا ذمہ دار طلب میں اضافے، ذخیرے کی گنجائش میں کمی اور پورٹ پر رش کو قرار دیا جارہا ہے۔یہ معاملہ وزارت پٹرولیم و قدرتی وسائل، آئل ریفائنریز اور او ایم سیز کے نمائندوں کے درمیان ہونے والی ماہانہ پراڈکٹ ریویو میٹنگ میں اٹھایا جاتا رہا ہے۔حکومتی عہدے دار کا کہنا ہے کہ ’ملک بھر میں کہیں بھی پٹرولیم مصنوعات کی قلت نہیں تاہم پٹرول اور ہائی اسپیڈ ڈیزل کم سے کم 20 دن کا ذخیرہ رکھنے کے لازمی شرط سے کم ہے‘۔انہوں نے بتایا کہ ’پٹرول 2 لاکھ 57 ہزار ٹن جبکہ ہائی اسپیڈ ڈیزل میں 3 لاکھ 15 ہزار ٹن قلت کا سامنا ہے‘۔حکومتی عہدے دار نے بتایا کہ وزارت پٹرولیم کے ڈائریکٹر جنرل آئل او ایم سیز سے درخواست کررہے تھے کہ کہ وہ اپنے انوینٹری لیول میں اضافہ کریں جبکہ پاک عرب ریفائنری (پارکو) کی ذیلی کمپنی پاک عرب پائپ لائن کمپنی (پیپکو) مسلسل یہ شکایتیں کررہی ہیں کہ او ایم سیز پائپ لائنز کا غلط استعمال کررہی ہیں اور پائپ میں ہی تیل ذخیرہ کررہی ہیں۔پیپکو اور پارکو نے شکایت کی کہ ’وائٹ آئل پائپ لائن (ڈبلیو او پی) سسٹم چوک تھا اور او ایم سیز اسے بطور اسٹوریج سسٹم استعمال کررہی تھیں، ڈبلیو او پی سسٹم ترسیلی نظام ہے نہ کہ اسٹوریج سسٹم‘۔پیپکو نے وضاحت کی کہ متوقع فروخت سے کہیں زیادہ مقدار میں تیل پائپ لائن میں داخل کردیا گیا اور او ایم سی کی جانب سے انہیں نکالا نہیں گیا۔نتیجتاً حکام کے لیے مزید آنے والے بحری جہازوں کو ہموار طریقے سے لنگر انداز کرنے میں مشکلات پیش آنے لگیں۔آئل کمپنیز ایڈوائزری کونسل ریفائنریز اور او ایم سیز کی جانب سے یہ مطالبہ کررہی ہے کہ پائپ لائن سسٹم میں موجود اسٹاک کا ریگولر ڈیٹا فراہم کیا جائے تاکہ رکن کمپنیوں کو کہا جاسکے کہ وہ اپنی مصنوعات کو جلد از جلد نکال لیں۔حکام کا کہنا ہے کہ، مثال کے طور پر پٹرول سے بھرے کم سے کم تین جہازوں کو جیٹی پر رش کی وجہ سے ستمبر 24/ ستمبر 29 کے شیڈول کے مطابق جگہ نہ مل سکی۔جب ایک جہاز بندرگاہ پر آتا ہے تو اس کے مالک کو ایک نوٹس دینا پڑتا ہے جس میں دو تاریخیں درج ہوتی ہیں ، ان میں سے ایک تاریخ جہاز کے لوڈنگ پورٹ پر آنے اور دوسری لنگر اندازی کے لیے تیار ہونے کی ہوتی ہے۔مزید متعلقہ خبریں پڑھئیے :
منگل 22 نومبر 2016 کی مزید خبریں
-
آرمی چیف نے الوداعی دوروں اور ملاقاتوں کا آغاز لاہور سے کردیا
-
بھارتی فوج کی ایل او سی کے مختلف سیکٹرز میں بلا اشتعال فائرنگ سے 4افراد شہید 10زخمی
-
پوری قوم آرمی چیف کوخراج تحسین پیش کرتی ہے ،امیدہے نئے آرمی چیف کاتقررمیرٹ پرہوگا،عمران خان
-
وزیر داخلہ ناکام ہوچکے ، نیشنل ایکشن پلان کو بند کر دیا گیا ہے، بلاول بھٹوزرداری
-
کشمیر میں فوج کو دشمن کی فائرنگ کا انتظار کئے بغیر حملے کا مکمل اختیار حاصل ہے ، منوہر پاریکر
-
فاٹا کو خیبرپختونخواہ میں ضم کرنے کا بل جلد ایوان میں پیش کردیا جائے گا،سرتاج عزیز
-
جلاوطن نہیں، خاموشی اورجلاوطنی کامقصدبلاول کوسیکھنے کاموقع دیناتھا،آصف زرداری
-
سبزی کی قیمتوں میں اضافہ بھارت سے درآمدپر پابندی کی وجہ سے ہوا،وزیرتجارت
-
سب کو عمران کی شادی کی فکر ہے میرا کسی کو خیال نہیں، مولانا فضل الرحمان
-
سینٹ ارکان کا ملک میں فوری مردم شماری کرانے کا مطالبہ
-
وزیر اعظم محمد نواز شریف 5 آرمی چیف نامزد کرنے والے پہلے پاکستانی وزیر اعظم بن گئے
-
پاکستان نے پہلی فوجی گاڑی بنا لی، آئیڈیاز ڈیفنس میں(آج) نمائش کیلئے پیش کی جائیگی
-
پا کستان اور چینی بحری افواج کے مابین ہونے والی دوطرفہ بحری مشقیں شمالی بحیرئہ عرب میں اختتام پذیر ہوگئیں
-
سعودی حکام نے پرائیویٹ کنٹریکٹرز کو 40 ارب ریال ادا کر دیئے
-
سرحد پر کشیدگی کے باوجود ایندھن اسٹریٹجک سطح سے نیچے آ گیا
-
ٹرمپ کی صدارت پر شہری کی حیثیت سے بات کروں گا،صدر اوباما
-
شام، حلب کے مشرقی حصے پر بمباری ،ماں بچے سمیت 21 افراد ہلاک
-
منتخب امریکی صدر ڈونلڈ ٹرمپ کیلئے جدید گاڑی کی تیاری
-
بھارت کا ذاکر نائیک کی گرفتاری کیلئے انٹرپول سے رابطے کا فیصلہ
-
بھارت: کسانوں کو 500 روپے کے نوٹ استعمال کرنے کی اجازت
-
صدر اوباما سبکدوشی کے بعد کرائے کے مکان میں رہیں گے
-
ارجنٹائن اور چلی میں زلزلہ،کسی نقصان کی اطلاعات نہیں ملیں
-
یونان کے سابق صدر کوسٹس سٹیفنو پولوس انتقال کرگئے
-
مالی ، جہادیوں نے پانچ فوجی اہلکاروں کو ہلاک کردیا
-
نومنتخب امریکی صدر ٹرمپ روس کے ساتھ تعلقات کو بہتر کرنا چاہتے ہیں،پیوٹن
-
قدیم مصری مگرمچھ نے ماہرین کو حیران کر دیا
-
یمن میں 48گھنٹے کا فائر بندی معاہدہ ٹوٹ گیا
-
یونیورسٹی آف بارکلے کیلی فورنیا کے تحقیق کاروں نے معذور افراد کو نقل و حرکت کے قابل بنانے کیلئے ظاہری ڈھانچہ تیار کرلیا
-
کابل،اہل تشیع کی مسجد میں خود کش دھماکہ،35افراد ہلاک، متعدد زخمی
-
سینٹ ، اسلامی نظریاتی کونسل میں خواتین کو متناسب نمائندگی،اسلام آباد کے تعلیمی اداروں میں موسمیاتی تبدیلی کا مضمون اور احتسا بی قوانین میں تبدیلی کی قرار داد یں بھاری اکثریت سے منظور
-
ایم کیوایم رابطہ کمیٹی پاکستان نے این اے 258کے ضمنی الیکشن کے بائیکاٹ کا اعلان کردیا
-
اختیارات نہ ہونے کے باعث پبلک اکاؤنٹس کمیٹی کرپشن کے خاتمے میں ناکام ہوئی،خورشیدشاہ
-
دوران سفر حاجیوں کو نماز کی سہولت کیلئے اقدام کریں، حکومت کی فضائی کمپنیوں کی ہدایت
-
ایس ای سی پی کا غیر ملکی کمپنیوں میں دس فی صد سے زیادہ شیئرز رکھنے والے پاکستانیوں کو شیئرز کی معلومات جمع کرانے کا حکم
-
عائشہ گلا لئی کی والدہ سرکاری سکول ٹیچر ہیں، اکثر سکول سے غائب رہتی ہیں، پارلیمانی سیکرٹری شاہین اشفاق کا قومی اسمبلی میں سوال کا جواب
-
سموگ نے پورے پنجاب کو لپیٹ میں لے لیا
-
اسلام آباد ہائیکورٹ ، 4سال سے ٹرائی ویژن سائن بورڈ ز کا قبضہ نہ دینے پر نجی ایڈورٹائزنگ کمپنی کی درخواست پر چیئرمین سی ڈی اے اور ڈائریکٹر ڈی ایم اے کو نوٹس جاری
-
ذیلی کمیٹی برائے خزانہ نے غیر منقولہ جائیداد کی منتقلی پر چار فیصد ٹیکس لینے کی تجویز دے دی،کمیٹی کی سفارشات آج خزانہ کمیٹی کی فل میٹنگ میں پیش کی جائیں گی
-
فیصل مسجد میں نماز پڑھنے پر ٹیکس عائد
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.