کر پشن کی بات کرنے والے بلاول سرے اوردبئی کے محل بھول گئے، چوہدری نثار
پیپلز پارٹی کا کرپشن کیخلاف مہم چلانا ایسے ہے جیسے بی جے پی مسلمانوں کے حقوق کیلئے مہم چلائے،پانامہ پانامہ کا شور کرنے والے بلاول اپنی والدہ کا کیس سپریم کورٹ لے جائیں بلاول کو”گا ،گی“ کا پتہ نہیں ، بچے کی الٹ پلٹ باتوں کا جواب نہ ما نگا جا ئے وزارت داخلہ کو کریڈٹ دیں پیسوں کی خاطر معصوم شہریوں کو جلانے والے سفاک قاتل کو تھائی لینڈ سے پکڑ کر لے آئی امریکی ہیلی کاپٹر نے ملکی خود مختاری کی خلاف ورزی کی ،ایبٹ آباد کمیشن کی رپورٹ منظر عام پر لانے کیلئے کابینہ سے کہوں گا،وزیر داخلہ گزشتہ حکومت میں دھماکے ہوتے رہے حکمران عوام کو میٹھی گولیاں دیتے رہے ،پولیس اہلکار حکومت کے نہیں مملکت پاکستان کے ملازم ہیں ،اسلام آباد پولیس نے بھرتیاں وزیر داخلہ یا کسی رکن پارلیمنٹ کی سفارش پر نہیں میرٹ پر ہوئیں، ریپڈرسپانس فورس کے پہلے بیچ کی پاسنگ آؤٹ پریڈ سے خطاب ،میڈیا سے گفتگو
بدھ 21 دسمبر 2016 10:27
اسلام آباد(اُردو پوائنٹ اخبارآن لائن۔21دسمبر۔2016ء) وفاقی وزیرداخلہ چوہدری نثار علی خان نے کہا ہے کہ امریکی ہیلی کاپٹر نے پاکستان کی خود مختاری کی خلاف ورزی کی تھی ،ایبٹ آباد کمیشن کی رپورٹ کو منظر عام پر لانا چاہیے اس حوالے سے کابینہ میں سے مطالبہ کروں گا،پانامہ پانامہ کا شور کرنے والا بلاول سرے اوردبئی کے محل بھول گئے۔ جس شخص کی والدہ کانام پانامالیکس پرہو وہ دوسروں پربات کرتاہے،بلاول کو اپنی والدہ کا کیس سپریم کورٹ لے جانا چاہیے، آصف زرداری کی ایک بات سے متفق ہوں کہ وہ کرپشن پر بات نہیں کرتے۔
عجب کرپشن کی غضب کہانی ہے جو کرپشن کے سوال پرجواب نہیں دیتے، پیپلز پارٹی کا کرپشن مخالف مہم چلانا ایسے ہے جیسے بھارت میں بی جے پی مسلمانوں کے حقوق کے لیے مہم چلائے۔(جاری ہے)
ان کا کہنا تھا کہ بلاول بھٹوکو” مذکر،مونث“ کا علم نہیں، ا مریکا میں الطاف کالیا کے پکڑے جانے پریہاں ایف آئی اے کو جھنجھوڑاتو انکوائری میں اس وقت کی پیپلزپارٹی حکومت لوگوں کی منی لانڈرنگ سامنے لے آئی، تھائی لینڈ سفاک قاتل کو بنکاک سے اٹھا کر لائے۔
منگل کے روز ریپڈرسپانس فورس کے پہلے بیچ کی پاسنگ آؤٹ پریڈ سے خطاب اور بعد ازاں میڈیا سے گفتگو کرتے ہوئے وفاقی وزیر داخلہ چوہدری نثار علی خان نے کہا ہے کہ جن کی والدہ کانام پانامالیکس میں ہے وہ دوسروں پراْنگلیاں اْٹھارہے ہیں،بلاول کو اپنی والدہ کا کیس سپریم کورٹ لے جانا چاہیے ،دوسروں کے نام پانامہ لیکس میں ہیں تو وہ سپریم کورٹ پہنچ گئے ہیں، پیپلز پارٹی کا کرپشن کے خلاف مہم چلانا ایسے ہی ہے جیسا کہ مودی کی بھارتی جنتا پارٹی ہندوستان میں مسلمانوں کے حقوق کے لیے تحریک چلائے ، سانحہ کوئٹہ رپورٹ پر بڑا شور مچایا جا رہا ہے ، ایبٹ آباد کمیشن کی رپورٹ سامنے لائی جانی چاہئیے ،ضمیر کے علاوہ مجھ پر کسی کا کوئی دباوٴ نہیں ہے ،ان کا کیا دباوٴ ہوگا جن کے پلے کچھ نہیں، ضمیر کے علاوہ مجھ پر کسی کا کوئی دباوٴ نہیں ہے ، مجھ سے استعفیٰ کا مطالبہ کرنے والوں کی اصلیت سب کے سامنے آ گئی ہے ، بلاول کو ”گا“ ”گی“ کا فرق نہیں پڑتا ان کی الٹ پلٹ باتوں کا جواب نہیں دینا چاہتا ، وزیر داخلہ نے کہا کہ ٹریفک قوانین کی پابندی سے سفارتخانے بھی مستثنیٰ نہیں ہیں امریکی سفارتخانے کوکہہ دیاکہ آئندہ ایساہواتوقانونی کارروائی کی جائیگی، ٹریفک قوانین سب کے لیے یکساں لاگو ہیں جو بھی خلاف ورزی کرے گا کارروائی ہو گی ۔ انہوں نے کہا کہ ماضی میں ملک میں دھماکے ہوتے رہے ، لوگ مرتے رہے ، ماضی میں کچہریوں میں بھی لوگ دہشت گردی کے واقعات میں شہید ہوتے رہے مگر ماضی کی حکومتوں نے کچھ نہ کیا اور لوگوں کو میٹھی گولیاں دیتے رہے، ہم نے آ کر ملک سے دہشتگردی کا خاتمہ کیا اور آپریشن ضرب عضب کے باوجود ملک کی اندرونی سکیورٹی کے لیے 30ہزار فوجی جوان تعینات کیے ،ایک سوال کے جواب میں انہوں نے کہا کہ ایبٹ آباد کمیشن کی رپورٹ پبلک کرنے کے حق میں ہوں ، وزیر اعظم کی منظوری کے بعد ایبٹ آباد کمیشن رپورٹ منظر عام پر لائی جائے گی ، امریکی فورسز نے یہاں آکر ایک شخص کو قتل کیا اورلے گئے، ہماری آزادی اور خودمختاری کو چیلنج کیا گیاتھا اور 65سالوں میں اس سے بڑی خودمختاری کوچیلنج نہیں کیا گیا۔انہوں نے کہا کہ بلاول کے کے کان میں کسی نے کہہ دیا ہے کہ عمران خان اسٹائل اپنانے سے کشتی پار لگ جائے گی، بلاول بھٹو کی اردو ٹھیک نہیں اسے مونث مذکر کا معلوم نہیں۔انہوں نے کہا کہ خانانی اور کالیا کے ذریعے پاکستان سے بڑ ے پیمانے پر منی لانڈرنگ ہوئی، گزشتہ حکومت کے اہلکار بھی شامل تھے ،آئندہ دو ہفتوں میں حقائق سے پردہ اٹھاؤں گا،امریکا میں الطاف کالیا کے پکڑے جانے پر یہاں ایف آئی اے کو جھنجھوڑا،میں نیخاموشی سے انکوائری کرائی تو تشویشناک صورتحال سامنے آئی۔چودھری نثار نے کہا کہ سانحہ بلدیہ ٹاؤن فیکٹری میں پیسے کی خاطر لوگوں کو زندہ جلایا گیا، تھائی لینڈ کے وزیر داخلہ کو خط لکھ رہا ہوں۔وفاقی وزیر داخلہ کا کہنا تھا کہ سندھ میں اے ڈی خواجہ جیسے ایماندار آئی جی کا برا حال کیا گیا،وزیرداخلہ نے سندھ حکومت پر تنقید کرتے ہوئے کہا کہ جبری رخصت پر بھیجنا افسوسناک عمل ہے۔وفاقی وزیر داخلہ نے کہا کہگزشتہ ڈیڑھ سے 2 سال میں ایف سی اوررینجرزپر75 ارب روپے خرچ کیے،کہ اسلام آباد کو پرسکون بنانے میں پولیس کا اہم کردار ہے،سخت سردی میں بھی پولیس کے جوان سینہ سپر ہوتے ہیں ، اللہ تعالی نے پولیس کے ہاتھ میں انصاف کی چھڑی دی ہے میں وزیرسے ہٹ کربڑاہونے کی حیثیت سے پولیس اہلکاروں سیالتجاکرتاہوں کہ لوگوں کوانصاف دیں اور مجرموں،ملزموں اورقبضہ مافیا کی زمینیں تنگ کردو،مجھے کرائم ریٹ زیرو چاہئے، پولیس اہلکار کسی حکومت کے نہیں پاکستان کے ملازم ہیں ،رینجرزکے جوان جب کھڑے ہوتے ہیں تواپنے فرائض بخوبی انجام دیتے ہیں اور پولیس کوبھی رینجرز کے جوانوں کو دیکھ کر سیکھنا چاہئے،انہوں نے کہا کہ سابق آرمی چیف راحیل شریف سے کہہ کر اسلام آباد میں رسپانس فورس قائم کیآپریشن ضرب عضب شروع ہواتوپولیس کوتھرڈلائن ڈیفنس پررکھا، پہلے ملک میں دھماکے ہوتے رہے اورحکومتیں باتیں کرتی رہیں، پولیس کے شہیدوں نے جان کانذرانہ دیکرملک کا نام روشن کیا۔ انہوں نے پولیس کے جوانوں کو مخالطب کرتے ہوئے کہا کہ حرام میں کوئی برکت نہیں،نیک نیتی اورانصاف میں سکون ہے،جوانوں نے اپنے خون کانذرانہ دیکرملک میں دہشت گردی کاخاتمہ کردیا ہے ، حکومت پولیس کے جوانوں کے مسائل بھی حل کرے گی پولیس کیلئے اعلیٰ ترین رہائش کابندوبست کیاجاچکاہے اور فروری 2017 سے یہ رہائش پولیس کے جوانوں کو مل جائے گی۔ وزیر داخلہ نے کہا کہ یہاں سب پاس آوٴٹ ہونے والے میرٹ پر آئے ہیں ،میں پاس آوٴٹ ہونے والوں کو مبارکباد پیش کرتا ہوں ،پاس آوٴٹ ہونیوالوں نے قانون کی پاسداری کرنی ہے، مجھے خوشی ہے آپ اس جہاد میں شامل ہورہے ہیں،پولیس میں شامل ہونیوالے پاکستان کا مان رکھیں۔انہوں نے کہا کہ پولیس کے حلف میں کہا گیا ہے کہ افسران بالا کا حکم مانوں گا، حلف میں یہ ہونا چاہئیے کہ افسران بالا کا جائز کام مانوں گا ، شی ہے ساڑھے3سالوں میں اسلام آبادپولیس میں بھرتی شفاف اندازمیں ہوئی اور وزیر داخلہ پاکستان نے بھی نائب قاصد کی بھرتی کی سفارش نہیں کی۔مزید متعلقہ خبریں پڑھئیے :
بدھ 21 دسمبر 2016 کی مزید خبریں
-
ہا کی کے نا مورکھلا ڑی سجاد علی عر ف شادا حر کت قلب بند ہو نے سے انتقال کر گئے
-
وفاقی حکومت نے 21 ویں ترمیم کی روشنی میں ملک میں بڑھتے ہوئے جرائم پر قابو پانے کیلئے سزاؤں میں اضافے کا نیا مسودہ تیار کرلیا
-
سپریم کورٹ کومشرف کے بیان پرکارروائی کرنی چاہئے،عبدالقادربلوچ ، رشیداے رضوی اور رکامران مرتضیٰ کا اتفاق
-
کھوسہ گروپ کے چار آزاد اراکین کا غیر مشروط طور پر مسلم لیگ ن کے نامزد میئر اور ڈپٹی میئر کے امیدوار کی حمایت کا اعلان
-
لاہور ہائیکورٹ نے پنجاب کے اراکین اسمبلی کو براہ راست ترقیاتی فنڈز جاری کرنے سے روک دیا
-
ساہیوال ، چینی باشندہ زیر تعمیر ٹاور سے گر کر ہلاک
-
بندوق اور بارود کے زور پر اپنا نظریہ مسلط کرنیوالے ناکام ہوگئے ہیں،لیفٹیننٹ جنرل عامر ریاض
-
آصف زرداری کا 23 دسمبر کو وطن واپس پہنچنے کے بعد کراچی ایئرپورٹ پر تاریخی استقبال کیا جائے گا،پیپلز پارٹی سندھ اورکراچی ڈویژن کے تمام اضلاع کا مشترکہ طور پر فیصلہ
-
اے این پی رہنماء عباس علی پیر علی زئی کراچی کے نجی ہسپتال میں انتقال کر گئے
-
وزیر اعظم کی ہدایت پر پہلی بار کرسمس ٹرین چلائی جائے گی ،کامران مائیکل
-
روسی سفیر کے قتل میں گولن کے حامی ملوث ہیں یہ بات دونوں ملک جانتے ہیں ،ترکی
-
برلن حملہ: برطانیہ میں سکیورٹی بڑھا دی گئی
-
ایران ،روس اور ترکی میں شام امن سمجھوتے پر اتفاق
-
اردنی فورسز کی مسلح افراد سے جھڑپ ،4 اہلکار ہلاک
-
چین نے امریکا کا زیرِ آب ڈرون واپس کر دیا
-
اقوام متحدہ کا فلپائنی صدر کے خلاف قتل کے الزام میں تحقیقات کا مطالبہ
-
برلن،مشتبہ ٹرک ڈرائیور کا حملے میں ملوث ہونے سے انکار،پولیس غیر یقینی کا شکار
-
طالبان کی قید میں کینیڈین فیملی اور اس کے بچوں کی ویڈیو جاری
-
عارضہ قلب کی پیشن گوئی، ’سستے بلڈ ٹیسٹ‘ سے ممکن
-
امریکہ جنر ل سلیمانی کی حلب میں موجودگی کا معاملہ سلامتی کونسل میں اٹھائے گا
-
بھارت : ہم جنس پرستی کی کوششیں کیخلاف علماء، پنڈت ،راہب پادریوں نے سر جوڑ لئے
-
کر پشن کی بات کرنے والے بلاول سرے اوردبئی کے محل بھول گئے، چوہدری نثار
-
الیکشن 2018 نئی مردم شماری کے تحت ہو نگے ،مردم شماری کا عمل مارچ 2017میں شروع ہو جا ئے گا ،قومی اسمبلی قائمہ کمیٹی خزانہ کا انکشاف
-
ماضی میں پی سی اوکی شکل میں شب خون مارنے سے کارکردگی پرمنفی اثرات مرتب ہوئے ،چیف جسٹس انورظہیرجمالی
-
ایکنک اجلاس، وزیر اعظم قومی صحت پروگرام اور تربیلا توسیعی منصوبے سمیت 145 ارب کے آٹھ ترقیاتی منصوبوں کی منظوری
-
قومی اسمبلی،ریگولیٹریاداروں کو متعلقہ وزارتوں کے ماتحت کرنے پراپوزیشن کی شدید تنقید
-
قومی اسمبلی،اسد عمر کو پانامہ لیکس پر بات کی اجازت نہ ملنے تحریک انصاف کا شدیداحتجاج
-
نئے انتخابی ایکٹ کا مسودہ قومی اسمبلی میں پیش کردیاگیا
-
قومی علماء مشائخ کونسل پہلی مرتبہ تشکیل دیدی ،تمام مکاتب فکر کو نمائندگی دی گئی ہے،سردار یوسف
-
ریگیولیٹری اتھارٹیز کے اختیارات متعلقہ وزارتوں کو دینے سے قبل مشترکہ مفادات کونسل سے منظور کرانے چاہیے تھا ،مراد علی شاہ
-
پرویز خٹک نے ضیاء اللہ آفریدی کیخلاف عدالت جانے کا اعلان کر دیا
-
جرمنی ، کرسمس مارکیٹ پر ٹرک حملے کے الزام میں گرفتار پاکستانی شہری کو رہا کر دیا گیا
-
بینک اکاونٹس تک رسائی، ایف بی آر اور اسٹیٹ بینک آمنے سامنے آگئے
-
2017 میں چوہدری نثار وزیرداخلہ نہیں رہیں گے،منظور حسین وسان کی پیشنگوئی
-
میجر جنرل محمد سعید ڈی جی رینجرز سندھ ،میجر جنرل ندیم احمد آئی جی ایف سی بلوچستان تعینات، نوٹیفکیشن جاری
-
بھارت برصغیر کی اخلاقی اور تہذیبی اقدار کا تمسخر اڑا رہا ہے ، طارق فاطمی
-
خیبر پختونخوا حکومت، بھارت اور امریکہ سی پیک کو نقصان پہنچانے کے در پے ہیں،مولانا فضل الرحمن
-
26 پاکستانی ماہی گیر اور کشتیاں پکڑ لیں،بھارتی میڈیا کا دعوی
-
اقتصادی شرح پیداوار اور سماجی استحکام میں توازن پاکستان کے لئے انتہائی اہمیت کا حامل ہے، جاپانی سفیر
-
22دسمبر کو سال 2016ء کی طویل ترین رات ہو گی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.