Neki Ka Ajar - Article No. 1789
نیکی کا اجر - تحریر نمبر 1789
کہا جاتا ہے ،ایک نیک خصلت نوجوان نے مصیبت کے وقت ایک بے آسرا بوڑھے کی مدد کی تھی ۔اس کے کچھ عرصہ کے بعد ایسا ہوا کہ اس نوجوان سے ایک جرم سرزد ہو گیا
جمعرات 18 اکتوبر 2018
حکایاتِ سعدی رحمتہ اللہ
کہا جاتا ہے ،ایک نیک خصلت نوجوان نے مصیبت کے وقت ایک بے آسرا بوڑھے کی مدد کی تھی ۔اس کے کچھ عرصہ کے بعد ایسا ہوا کہ اس نوجوان سے ایک جرم سرزد ہو گیا جس کی سزا موت تھی ،شاہی پیادوں نے اسے گرفتار کرکے بادشاہ کی کچہری میں پیش کر دیا اور اس نے مقدمہ سننے کے بعد ملک کے قانون کے مطابق اسے قتل کرنے کا حکم جاری کر دیا۔
مقدمہ کا فیصلہ ہونے کے بعد جلا د اس نوجوان کو مقتل میں لے گئے اور اس کے قتل کا منظر دیکھنے کے لیے اس زمانے کے دستور کے مطابق ہزاروں آدمی جمع ہو گئے ۔ان میں وہ بوڑھا بھی تھا جس کے ساتھ مجرم نوجوان نے نیکی کی تھی۔بوڑھے نے اپنے محسن کو اس حالت میں دیکھا تو اسے بہت افسوس ہوا۔وہ سوچنے لگا کہ اپنے محسن کی جان کس طرح بچاؤں آخر اس کے ذہن میں ایک ترکیب آئی اس نے دہائی مچادی کہ لوگو! غضب ہو گیا،ہمارے بادشاہ سلامت انتقال کرگئے ،ملک یتیم ہو گیا۔
(جاری ہے)
بوڑھے کی یہ بات سن کر لوگوں میں کھلبلی مچ گئی ،جلاد بھی اپنی تلوار پھینک کر شاہی محل کی طرف دوڑے اور اس افراتفری میں نوجوان کووہاں سے بھاگنے کا موقع مل گیا۔
بادشاہ کی موت کی خبر سچ تو نہ تھی ذرا دیر بعد ہی معلوم ہو گیا کہ بوڑھے نے مجرم کو بچانے کے لیے یہ حرکت کی تھی ۔شاہی پیادوں نے اسے گر فتار کر کے بادشاہ کے سامنے پیش کر دیا اور اس نے اس سے دریافت کیا کہ اے شخص تو نے یہ حرکت کیوں کی؟ساری رعایا کو معلوم ہے کہ ہم کوئی کام انصاف کے خلاف نہیں کرتے ،پھر تونے ہماری موت کی تمنا کیوں کی؟
بوڑھے آدمی نے ادب سے نوجوان کی نیکی کا حال بیان کیا اور پھریہ اعتراف کیا کہ میں نے صرف اس کی جان بچانے کے لیے جھوٹ گھڑا تھا ۔بادشاہ نیک دل اور خدا ترس تھا ۔اس نے نہ صرف بوڑھے کو معاف کر دیا بلکہ اسے انعام واکرام سے بھی نوازا!
نوجوان قتل سے فرار ہو کر افتاں وخیزاں چلا رہا جاتھا کہ ایک واقف حال نے اسے دیکھا تو پوچھا کہ تلوار سے کس طرح بچ گیا ؟نوجوان نے جواب دیا ،ایک ادنیٰ کسی نیکی کے باعث کہ نیکی معمولی سے معمولی ہو فائدہ پہنچاتی ہے ۔
Browse More Urdu Literature Articles
پانی کا تحفہ
Paani Ka Tohfa
بڑھیا کی بلی
Burhiya Ki Billi
ضمیر کی آواز
Zameer Ki Awaz
بیٹی کی شادی
Beti Ki Shaadi
Urdu AdabAdab Nobal PraizPakistan K Soufi ShaairOverseas PakistaniMushairyInternational Adab
Arabic AdabGreek AdabBangal AdabRussian AdabFrench AdabGerman AdabEnglish AdabTurkish AdabJapanes AdabAfrican AdabEgyptian AdabPersian AdabAmerican Adab
National Adab
ApbeetiAfsanaMazmoonInterviewsAdab NewsBooks CommentsNovelLiterary MagazinesComics WritersAik Kitab Aik Mazmoon100 Azeem AadmiHakayaatSafarnamaKahawatainAlif Laila Wa LailaTaqseem E Hind