Suraj Par Hakumat - Article No. 1666

سچی حکایات:
ایک روز مقامِ صہبا میں حضورﷺ نے نماز ظہر ادا کی اور پھر حضرت علی رضی اللہ عنہ کو کسی کام کے لئے روانہ فرمایا حضرت علی رضی اللہ عنہ کے واپس آنے تک حضور ﷺ نے نماز عصر بھی ادا فرمالی اور جب حضرت علی واپس آئے تو ان کی آغوش میں اپنا سر انور رکھ کر حضور سوگئے حضرت علی نے ابھی تک نماز ِ عصر ادانہ کی تھی ادھر سورج کودیکھا تو غروب ہونے والا تھا حضرتِ علی سوچنے لگے کہ ادھر رسول خدا آرام فرما ہیں اور ادھر نمار خدا کا وقت ہورہا ہے رسول خدا کی اسراحت کا خیال رکھوں تو نماز جاتی ہے اور نماز کا خیال کروں تو رسولِ خدا کی استراحت میں خلل واقع ہوتا ہے کروں تو کیا کروں؟ آکر مولا علی شیر خدا رضی اللہ عنہ نے فیصلہ کیا کہ نماز کو قضا ہونے دو مگر حضور کی نیند مبارک میں خلل نہ آئے چنانچہ سورج ڈوب گیا اور عصر کا وقت جاتا رہا ، حضور اٹھے تو حضرت علی کو مغموم دیکھ کر وجہ دریافت کی تو حضرت علی نے عرض کیا یارسول اللہ! میں نے آپ کی استراحت کے پیش نظر ابھی تک نماز عصر نہیں پڑھی اور سورج غروب ہوگیا ہے حضور نے فرمایا غم کس بات کا ، لو ابھی سورج واپس آتا ہے او رپھر اسی مقام پر آکر رکتا ہے جہاں وقت عصر ہوتا ہے چنانچہ حضور نے دعا فرمائی تو غروب شدہ سورج پھر نکلا اور الٹے قدم اسیی جگہ آکر ٹھہرگیا جہاں عصر کے وقت ہوتا ہے حضرت علی نے اٹھ کر عصر کی نماز پڑھی تو سورج غروب ہوگیا۔

(جاری ہے)

سبق:ہمارے حضور ﷺ کی حکومت سورج پر بھی جاری ہے اور آپ کائنات کے ہر وزہّ کے حاکم ومختار ہیں آپ جیسا نہ کوئی ہوا نہ ہوگا نہ سکتا ہے۔