- Home
- Business
- Business News
- پاکستان میں ٹیکس دہندگان کی تعداد ساڑھے آٹھ لاکھ سے بڑھ کر ساڑھے بارہ لاکھ ہو گئی ہے۔خواجہ ..
پاکستان میں ٹیکس دہندگان کی تعداد ساڑھے آٹھ لاکھ سے بڑھ کر ساڑھے بارہ لاکھ ہو گئی ہے۔خواجہ عدنان
پیر 25 ستمبر 2017 22:52
(جاری ہے)
انہوں نے ٹیکس ایجوکیشن کی ضرورت پر بھی زور دیا اور کہا کہ بڑے شہروں میں ٹیکس کے نئے زونز بھی بنائے جا رہے ہیں تا کہ ٹیکس نیٹ میں اضافہ کیا جا سکے اور اس حوالے سے ٹیکس دہندگان کو زیادہ سے زیادہ سہولتیں بھی مہیا کی جا سکیں۔
ودہولڈنگ ٹیکس کے بارے میں ایک سوال کے جواب میں انہوں نے کہا کہ یہ نظام پوری دنیا میں چل رہا ہے ۔ تاہم ودہولڈنگ ٹیکس دینے والے ہر شخص کی ذاتی لیجر تیار کیا جاتاہے جس میں اس کا پورا حساب کتاب رکھا جاتا ہے انہوں نے کہا کہ ابھی یہ سسٹم تیاری کے مراحل میں ہے اور امید ہے کہ اسے 30 جون 2018 تک مکمل کر لیا جائیگا۔ نیشنل ٹیکس نمبر اور سیلز ٹیکس نمبر لینے کے سلسلہ میں دشواریوں کا ذکر کرتے ہوئے انہوں نے کہا کہ کوئی بھی شخص اپنے کمپیوٹر پر بیٹھ کر این ٹی این حاصل کر سکتا ہے جبکہ سیلز ٹیکس ریٹرن نمبر کسی فرم کو نہیں بلکہ متعلقہ شخص کو جاری کیا جاتا ہے۔ ایک اور سوال کے جواب میں انہوں نے بتایا کہ ایکٹو ٹیکس دہندگان کی ویب سائٹ کو ہر اتوار کی رات بارہ بجے اپ ڈیٹ کیا جاتا ہے۔ اس سے قبل فیصل آباد چیمبر آف کامرس اینڈ انڈسٹری کے صدر انجینئر محمد سعید شیخ نے کہا کہ ملکی نظام کو چلانے کیلئے ٹیکسوں کو بنیادی اور کلیدی اہمیت حاصل ہے۔ حکومت اور بزنس کمیونٹی دونوں ہی ٹیکسز کی اہمیت کو سمجھتے ہیں ۔ اس سلسلہ میں وقتاً فوقتاً مسائل بھی پیدا ہوتے رہتے ہیں جن کو باہمی مشاورت سے حل کر لیا جاتا ہے ۔ تاہم بعض حقائق ایسے ہیں جن کا ذکر کرنا ضروری ہے۔ انہوں نے کہا کہ اس وقت ملک میں ٹیکس ٹو جی ڈی پی کی شرح 10.5 ہے ۔ انہوں نے کہا کہ جی ڈی پی میں زراعت کا حصہ 21 فیصد ہے مگر ٹیکسوں کی ادائیگی میںیہ شعبہ صرف ایک فیصد ادا کر رہا ہے۔ دوسری طرف صنعتی شعبہ اپنی تمام تر زبوں حالی کے باوجود جی ڈی پی میں 13.5 فیصد کے حصہ کے باوجود ٹیکسوں کا 57 فیصد بوجھ اٹھا رہا ہے۔ اس غیر منصفانہ نظام کی بہت سی وجوہات ہیں جن میں سے ایک یہ بھی ہے کہ فیڈرل بورڈ آف ریونیو کے پاس ٹیکسوں کی وصولی کیلئے متعلقہ صلاحیت اور عملہ ہی موجود نہیں۔ انہوں نے فیصل آباد چیمبر آف کامرس اینڈ انڈسٹری کی اس تجویز کو بھی دوہرایا کہ ٹیکسوں کی وصولی کے نظام میں متعلقہ چیمبرز آف کامرس اینڈ انڈسٹری کو بھی شامل کیا جائے۔ اس طرح جہاں حکومتی محاصل میں اضافہ ہوگا وہاں نئے ٹیکس دہندگان کو رضا کارانہ طور پرٹیکس نیٹ میں شامل کرنے میں بھی مدد ملے گی۔ سینئر نائب صدر رانا سکندر اعظم نے کہا کہ نان فائلرز کو زیادہ ٹیکس لگانے کی بجائے ان کیلئے دس مرلے کے گھر یا بڑی کاریں خریدنے پر ہی پابندی لگائی جائے تا کہ انہیں ٹیکس نیٹ میں آنے پر مجبور کیا جا سکے۔ آخر میں صدر انجینئر محمد سعید شیخ اور ایف بی آر کے ممبر انفارمیشن ٹیکنالوجی خواجہ عدنان ظہیر نے آپس میں شیلڈوں کا تبادلہ کیا جبکہ سینئر نائب صدر رانا سکندر اعظم نے چیف کمشنر اِن لینڈ ریونیو ڈاکٹر محمد اکرم کو فیصل آباد چیمبر آف کامرس اینڈانڈسٹری کی اعزازی شیلڈ پیش کی۔ اس موقع پر نائب صدر انجینئر احمد حسن ، چوہدری طلعت محمود، شیخ محمد خالد حبیب، شیخ عبدالقیوم، چوہدری محمد نواز، انجینئر رضوان اشرف، انجینئر احتشام جاوید، حاجی محمد رفیع اور چوہدری حبیب گجر وغیرہ بھی موجود تھے۔Browse Latest Business News in Urdu
ہیلتھ اور او ٹی سی سیکٹر کے تحفظات دور کیے جائیں اور اس کی ساکھ و عزت کا خیال رکھا جائے۔ کاشف انور کا مطالبہ
پاکستان سٹاک ایکسچینج میں 137 پوائنٹس کی کمی
فیصل بینک اور صحت کہانی کا ہیلتھ کیئرمنظرنامے میں تبدیلی کیلئے اشتراک
ایئر سیال سیالکوٹ کی پہچان اور پاکستان کا فخر ہے،ریاض الدین شیخ
ٹریکٹروں کی پیداوارمیں 8 ماہ کے دوران 68 فیصد اضافہ
اسٹیٹ بینک کے زرمبادلہ کے ذخائر میں 40 لاکھ ڈالر کا اضافہ
برائلر گوشت کی قیمت مستحکم ، فارمی انڈے مہنگے
رواں سال معیشت کا آغاز بہتراندازمیں ہوا ہے، پی ایس ایکس اور چینی ایکسچینجز کے درمیان بڑھتا ہوا تعاون ..
چین کی سمارٹ فون کمپنی شیاؤمی نے اپنی پہلی الیکٹرک گاڑی متعارف کروا دی
چوہدری شافع حسین سے ترکیہ قونصل جنرل کی ملاقات، تجارتی تعاون بڑھانے پر اتفاق کیا
فناشیل ٹائمز سٹاک ایکسچینج نے پاکستان کی سیکنڈری ایمرجنگ مارکیٹ پوزیشن برقرار رکھی
سرکاری وصولیوں،ڈیوٹیوں،ٹیکسوں کی وصولی کے لیے30 اور 31مارچ کو بینک برانچیں کھلی رہیں گی
انٹر بینک میں پاکستانی روپیہ ڈالر کے سامنے ڈٹا رہا جبکہ اوپن مارکیٹ میں روپیہ نے ڈالر کی قدر کو گرا دیا
سونے کی قیمتوں میں اضافے کا رجحان برقرار
ملک بھر میں سونے کی قیمت میں 1500روپے اضافہ ریکارڈ
سرکاری وصولیوں اورٹیکسوں کی وصولی کے لئے 30 اور 31 مارچ کو بینکوں کی برانچیں کھلی رہیں گی
سونے کی عالمی ومقامی قیمتوں میں اضافہ
پاکستان سٹاک ایکسچینج میں تیزی ،ہنڈرڈانڈیکس نے67 ہزارکی حدعبورکرلی
ملک میں تیل و گیس کی پیداوار میں گزشتہ ہفتے کے دوران کمی
گاڑیوں کی درآمدات میں جاری مالی سال کے پہلے 8 ماہ میں 10.32 فیصدکااضافہ
دریائوں اور آبی ذخیروں میں پانی کی صورتحال
بجلی چوروں کے خلاف آپریشن جاری،24گھنٹوں کے دوران مزید390افراد بجلی چور پکڑ ے گئے
اٹلی میں کام کرنے والے پاکستانیوں کی ترسیلات زرمیں سالانہ بنیادوں پر16.4 فیصدکی نموریکارڈ
ایف بی آر نے ایس آر اوز کی فیکٹری کی صورت اختیار کر لی ہے ‘ ریو نیو ایڈوئزرز ایسوسی ایشن
PSX Live Index
Updated: 06:29:02pm | 29-03-2024
Status: Closed | Volume: 313,035,305 |
---|
KSE100 Index |
---|
Current |
High |
Low |
Change |
* LDCP represents Last Day Close Price
View Full Summary