پی ایس ایکس میں تیزی کا رجحان، انڈیکس 43.05 پوائنٹس کے اضافے سے 40591.88 پوائنٹس پر بند

کراچی ۔ (اُردو پوائنٹ اخبارتازہ ترین - اے پی پی۔ 22 نومبر2017ء) پاکستان اسٹاک ایکسچینج (پی ایس ایکس) میں تیزی کا رجحان رہا، کے ایس ای 100 انڈیکس 43.05 پوائنٹس کے اضافے سے 40591.88 پوائنٹس پر بند ہوا، مارکیٹ سرمایہ میں 41 ارب 95 کروڑ 15 لاکھ 66 ہزار 496 روپے کا اضافہ ہوگیا جبکہ تجارتی حجم میں بھی 7 کروڑ 75 لاکھ 65 ہزار 456 روپے کی تیزی رونماء ہوئی۔ اسی طرح خرید و فروخت میں 5 کروڑ 51 لاکھ 86 ہزار 780 حصص کا اضافہ ریکارڈ کیا گیا۔

تفصیلات کے مطابق کاروباری ہفتے کے تیسرے روز بدھ کو پی ایس ایکس میں تیزی کا رجحان رہا اور کے ایس ای 100 انڈیکس 43.05 پوائنٹس کے اضافے سے 40591.88 پوائنٹس پر بند ہوا تاہم کے ایس ای 30 انڈیکس بھی 54.90 پوائنٹس کی کمی سے 20491.05 پوائنٹس پر بند ہوا۔ دریں اثناء مارکیٹ میں اتار چڑھائو کے بعد کے ایس سی آل شیئر انڈیکس میں 146.34 پوائنٹس کا اضافہ ہوگیا جبکہ کے ایم آئی 30 انڈیکس میں بھی 22.46 پوائنٹس کی تیزی رہی۔

(جاری ہے)

بینکس ٹریڈ ایبل (بی اے ٹی آئی) انڈیکس 95.17 پوائنٹس کی کمی سے 14740.87 پوائنٹس پر بند ہوا تاہم آئل اینڈ گیس ٹریڈ ایبل (او جی ٹی آئی) انڈیکس 86.21 پوائنٹس کی تیزی سے 19608.36 پوائنٹس پر بند ہوا۔ حصص کی خرید و فروخت میں تیزی کی وجہ سے پی ایس ایکس - کے ایم آئی انڈیکس 95.01 پوائنٹس کے اضافے سے 20482.56 پوائنٹس پر بند ہوا۔ مارکیٹ میں مجموعی طور پر 362 کمپنیوں کے حصص کا لین دین ہوا جن میں سے 180 کمپنیوں کے حصص کی قیمتوں میں تیزی، 166 کمپنیوں کے حصص کے بھائو میں مندی اور 16 کمپنیوں کے حصص کی قیمتوں میں استحکام رہا۔

سب سے زیادہ تیزی یونی لیور فوڈز ایکس ڈی کے حصص کی قیمت میں ہوئی جو 100 روپے کے اضافے سے 6900 روپے پر بند ہوئی۔ اسی طرح پاک ٹوبیکو ایکس ڈی کے حصص کی سودے بھی 75.93 روپے کی تیزی سے 1594.62 روپے پر بند ہوئے۔ سب سے زیادہ مندی شپہائر فائیبر ایکس ڈی اور ہنڈا اٹلس کارز کے حصص کی قیمتوں میں ہوئی۔ شپہائر فائیبر ایکس ڈی کے حصص کی قیمت 41.75 روپے کی مندی سے 793.25 روپے اور ہنڈا اٹلس کارز کے حصص کی قیمت بھی 22.63 روپے کی کمی سے 559.54 روپے رہ گئی۔

سب سے زیادہ کاروبار کے الیکٹرک لمیٹڈٖ کے حصص میں ہوا جو 7 کروڑ 71 لاکھ 59 ہزار شیئرز رہا جس کی قیمت 5.39 روپے سے شروع ہو کر 5.88 روپے پر بند ہوئی جبکہ ورلڈکال ٹیلی کام کے 83 لاکھ 15 ہزار 500 حصص کے سودے 2.87 روپے سے شروع ہو کر 3.04 روپے بند ہوئے۔ مجموعی طور پر 15 کروڑ 69 لاکھ 86 ہزار 440 حصص کا کاروبار ہوا جس کا تجارتی حجم 5 ارب 29 کروڑ 50 لاکھ 52 ہزار 283 روپے رہا۔ مارکیٹ کیپیٹل 83 کھرب 99 ارب 20 کروڑ 58 لاکھ 96 ہزار 308 روپے سے بڑھ کر 84 کھرب 41 ارب 15 کروڑ 74 لاکھ 62 ہزار 804 روپے ہو گیا۔ فیوچر ٹریڈنگ میں 121 کمپنیوں کے حصص کی قیمتوں میں تیزی اور 40 کمپنیوں کے حصص کی قیمتوں میں مندی رہی جبکہ 9 کروڑ 67 لاکھ 3 ہزار 650 حصص کا کاروبار ہوا۔