سمندر کا کھارا پانی پینے کے قابل بناناممکن ہوگیا

اس دریافت کے بعد یہ کہاجار ہا ہے کہ پینے کے میٹھے اور صاف پانی کے لیے محتاج لاکھوں لوگوں کو راحت مل سکے گی۔
بی بی سی کے مطابق برطانیہ میں سائنسدانوں کی ایک ٹیم نے گریفین آکسائڈ کی ایک ایسی چھلنی تیار کی ہے جو سمندر کے کھارے پانی سے نمک کو علیحدہ کرکے اسے پینے کے لائق بنا دے گی۔
پہلے بڑے پیمانے پر گریفین گریفائٹ کا پتلی پٹی جیسا عضر ہے اور اگر گریفین آکسائڈ کی یہ چھلنی سمندر کے پانی سے نمک جدا کرنے میں بہت موثر ہے۔

پانی سے نمک جدا کرنے کے موجودہ طریقوں کے مقابلے میں نئی ٹیکنالوجی کا استعمال زیادہ آسان کہا جارہا ہے۔
پہلے یہ کیا گیا تھا کہ گریفین پر مبنی ٹیکنالوجی کا بڑے پیمانے پر استعمال مشکل اور مہنگا ہوگا۔
لیکن ڈاکٹر راہل نائر کی قیادت میں یونیورسٹی آف مانچسٹر کے سائنسدانوں کی ٹیم کا کہنا ہے کہ گریفین آکسائڈ سے کھارے پانی کو پینے لائق بنانا آسان ہوگا۔

(جاری ہے)

ان کی یہ تحقیق سائنس کے معروف جریدے ،نیچر نینو ٹیکنالوجی میں شائع ہوئی ہے۔
موجودہ دستیاب ٹیکنالوجی سے سنگل لیئر والے گریفین کی بڑے پیمانے پر پیداوار اور ایک مہنگا سوداتھا۔لیکن نئی ٹیکنالوجی کے متعلق ڈاکٹر نائر نے بی بی سی کو بتایا:گریفین آکسائڈ لیب میں عمل تکیدکے ذریعے بہ آسانی تیار کیا جاسکتا ہے۔
انھوں نے کہا کہ‘ہم اسے روشنائی یا دوسرے محلول کی طرح کسی طبق یا چھاننے والے میٹیریئل پر لگا سکتے ہیں اور پھر ہم اسے کسی جھلی یا پتلے استر کی طرح استعمال کرسکتے ہیں۔

‘
اقوام متحدہ کے اندازوں کے مطابق سنہ2025 تک دنیا کی 14 فیصد آبادی کو پانی کے بحران کا سامنا ہوگا۔
دنیا میں پانی صاف کرنے کی موجودہ ٹیکنالوجی پولیمر فلٹر پر منبی ہے۔ڈاکٹر نائر کا کہنا ہے کہ ان کا اگلا قد م مارکیٹ میں دستیاب ٹکنالوجی سے اس کا موازنہ کرنا ہے۔