ملک بھر میں ایک ہی روزو عید منانے کے حوالے سے قانون سازی ضروری ہوئی تو کرینگے ‘ وفاقی وزیر مذہبی امور سر دار محمد یوسف
جمعرات 13 اگست 2015 16:29
اسلام آباد (اُردو پوائنٹ اخبار تازہ ترین۔ 13 اگست۔2015ء) قومی اسمبلی کو بتایاگیا ہے کہ ملک بھر میں ایک ہی روز عید منانے کے حوالے سے قانون سازی ضروری ہوئی تو کرینگے ‘ جس کے تحت خلاف ورزی کر نے والوں کے خلاف قانونی کارروائی کی جائیگی ‘رویت ہلال کمیٹی کے چیئرمین کی دو سال کے لئے تعیناتی کی تجویز پر غور کریں گے ‘خطبے سے پہلے تقاریر اور اشتعال انگیزی سے بچنے کے لئے صرف عربی خطبے پر عملدرآمد پورے ملک میں کرانے کے لئے کوشاں ہیں جمعرات کو قومی اسمبلی میں وقفہ سوالات کے دوران محترمہ نسیمہ کے سوال کے جواب میں پارلیمانی سیکرٹری صحت و خدمات ڈاکٹر درشن نے بتایا کہ ہیپاٹائٹس کی روک تھام کے لئے اقدامات کر رہے ہیں، آگاہی کے لئے کام کر رہے ہیں، عطائی ڈاکٹروں کی روک تھام کے لئے صوبوں سے اقدامات کرنے کا کہا ہے۔
(جاری ہے)
شاہدہ رحمانی کے سوال کے جواب میں پارلیمانی سیکرٹری صحت نے بتایا کہ آبادی میں اضافہ کی شرح پر قابو پانا اب صوبوں کی ذمہ داری ہے، وفاق صوبوں کو رہنمائی اور دیگر سامان فراہم کر رہا ہے۔ انہوں نے رائے حسن نواز کے سوال کے جواب میں کہا کہ پی ایم ڈی سی کسی کالج کو بند نہیں کر سکتا، وہ داخلے کو روک سکتی ہے لیکن کالج بند کرنا ان کا کام نہیں، اہم نے ساہیوال میڈیکل کالج بند کرنے کے حوالے سے پنجاب حکومت کو پی ایم ڈی سی کے لکھے جانے والے خط پر ان سے جواب طلب کیا ہے۔
پروین مسعود بھٹی کے سوال کے جواب میں سردار محمد یوسف نے بتایا کہ سرکاری حج سکیم کے تحت جملہ پاکستانی حجاج کی سعودی عرب میں رہائش کے انتظامات مکمل کر لئے گئے ہیں اور 139 عمارتیں کرائے پر لی ہیں جن میں 71 ہزار 684 حجاج کے رہنے کی گنجائش ہے۔ انہوں نے بتایا کہ مکہ میں پاکستان ہاؤس توسیعی منصوبہ کی وجہ سے گرایا گیا ہے اس کا معاوضہ کیلئے رابطہ کیا ہے امید ہے کہ جلد مل جائے گا تاہم ابھی تک معاوضہ کی رقم کا تعین نہیں ہو سکا۔ طاہرہ اورنگزیب کے سوال کے جواب میں انہوں نے بتایا کہ تمام مسالک کے علماء کی مشاورت سے نظام صلوة رائج کیا گیا ہے تاہم ابھی تک اس پر مکمل عمل نہیں ہو سکا، ہمارے وقتاً فوقتاً علماء سے رابطے ہوتے رہے ہیں تاکہ اس پر مکمل عملدرآمد کرایا جا سکے۔ انہوں نے بتایا کہ خطبے سے پہلے تقاریر اور اشتعال انگیزی سے بچنے کے لئے صرف عربی خطبے پر عملدرآمد پورے ملک میں کرانے کے لئے کوشاں ہیں، نیشنل ایکشن پلان کے تحت متنازعہ تقاریر مانیٹر کی جا رہی ہیں تاہم یہ صوبائی کام ہے، وزارت داخلہ کا باقاعدہ نظام ہے۔ شکیلہ لقمان کے سوال کے جواب میں انہوں نے بتایا کہ نظام صلوة پر عملدرآمد کرانے کے لئے مختلف شعبہ ہائے زندگی سے تعلق رکھنے والے افراد کی کمیٹیاں بنائی ہیں، اس پر عملدرآمد میں وقت لگے گا تاہم توقع ہے کہ اس پر عملدرآمد ہو گا۔ شگفتہ جمانی کے سوال کے جواب میں انہوں نے بتایا کہ ایک ہی روز ملک بھر میں عید کے لئے وزارت مذہبی امور نے اجلاس منعقد کیا، اس میں اسلامی نظریاتی کونسل کے چیئرمین کو بھی دعوت دی تھی، ملک بھر میں ایک ہی روز عید منانے اور اس کی خلاف ورزی پر کارروائی کے لئے اگر قانون سازی درکار ہوئی تو کریں گے۔ انہوں نے عائشہ سید کے سوال کے جواب میں بتایا کہ اوقاف کے محکمہ کو ہدایت کی ہے کہ وہ مساجد میں خواتین کے لئے نماز کے لئے الگ جگہ بنائیں۔ شاہدہ اختر علی کے سوال کے جواب میں انہوں نے بتایا کہ رویت ہلال کمیٹی کے چیئرمین 12 سال سے تعینات ہیں ان میں ہر صوبہ سے ممبران شامل ہیں، دو سال بعد رویت ہلال کمیٹی کے چیئرمین کی تبدیلی کی تجویز پر غور کریں گے۔ شیخ رشید احمد کے سوال کے جواب میں انہوں نے بتایا کہ نظام صلوة سے باجماعت نماز میں زیادہ سے زیادہ نمازی شرکت کر سکتے ہیں، اسلام آباد میں 957 مساجد کے علماء کرام کو ایک کنونشن میں بلاکر ان سے نظام صلوة کے حوالے سے رائے لی۔پارلیمانی سیکرٹری رجب علی خان بلوچ نے بتایا کہ پاکستان زرعی تحقیقاتی کونسل نے ملک میں کھارے پانی کو میٹھا بنانے کے 15 پلانٹس نصب کئے ہیں، 3 اسلام آباد میں ہیں اور عمر کوٹ میں 8 اور حب میں 4 پلانٹ لگائے گئے ہیں، ایک پلانٹ کی قیمت 70 ہزار روپے ہے اور یہ ایک دن میں 28 لیٹر پانی صاف کرتا ہے، یہ پلانت آسٹریلیا سے منگوائے گئے ہیں اور یہ انتہائی کامیاب تجربہ ہے اس کو مزید وسعت دینے کی ضڑورت ہے، یہ چھوٹا پلانٹ ہے، ایک ایک گھر کے لئے ہے، یہ تجرباتی بنیادوں پر لگائے گئے ہیں یہ کامیاب ترین ہے، صوبے اور وفاق اگر یہ پلانٹس منگوانا چاہیں تو یہ بہترین ہے۔اجلاس کے دور ان طاہرہ اورنگزیب کے اگست میں نیشنل بینک آف پاکستان کی جانب سے دیہی علاقوں میں پنشنروں کو پنشن میں 7.5 فیصد اضافے کی عدم ادائیگی سے متعلق توجہ مبذول نوٹس کا جواب دیتے ہوئے پارلیمانی سیکرٹری خزانہ رانا محمد افضل خان نے کہا کہ یہ توجہ مبذول نوٹس درست ہے، نہ صرف نہیں 7.5 فیصد اضافی پنشن بلکہ 25 فیصد ہاؤس رینٹ الاؤنس کی بھیرقم ملنی چاہیے تھی، مرکزی حکومت نے جولائی کے وسط میں نوٹیفکیشن جاری کر دیا تھا اس پر کام ہو رہا ہے، آئندہ ماہ بقایا جات سمیت اضافی رقم ادا کر دی جائے گی۔ طاہرہ اورنگزیب کے سوال کے جواب میں پارلیمانی سیکرٹری خزانہ نے کہاکہ ملک بھر کے شہری اور دیہی علاقوں میں پنشنروں کو ادائیگی یقینی بنائی جائے گی۔متعلقہ عنوان :
اسلام آباد میں شائع ہونے والی مزید خبریں
سپریم کورٹ،نیب ترامیم فیصلے کیخلاف اپیلوں پر سماعت کیلیے لارجربینچ تشکیل،سماعت 14مئی کوہوگی
سوشل میڈیا کو ریگولیٹ کرنے کے لیے وزیراعظم کی پیکا ایکٹ 2016 میں ترمیم کی منظوری
حکومت نے ایف بی آر کو نان فائلرز کیخلاف پلان بی پر عمل درآمد کیلئے گرین سگنل دیدیا
چاند پربھیجے گئے پاکستانی سیٹلائٹ آئی کیوب قمرسے پہلی تصویرموصول
نئے قرض پروگرام پر مذاکرات کیلئے آئی ایم ایف کی تکینکی ٹیم پاکستان پہنچ گئی
متحدہ عرب امارات میں کام کرنے والے پاکستانیوں کی ترسیلات زر میں رواں مالی سال کے پہلے 10 ماہ میں سالانہ ..
سویابین اورپام آئل کی درآمدات میں جاری مالی سال کے پہلے 9 ماہ میں کمی ریکارڈ
نون لیگی حکومت تحریک انصاف سے بات چیت کے لیے تیار ہے. رانا ثناءاللہ
اٹارنی جنرل آفس کا عدالتوں میں ٹیکس معاملات میں قانونی ٹیموں کی ناقص کارکردگی پر چیئرمین ایف بی آر کو ..
طویل مدتی قرض پروگرام پر مذاکرات کیلئے آئی ایم ایف کی ٹیم پاکستان پہنچ گئی
حکومت کی پوری توجہ معاشی استحکام پر مرکوز ہے، ملک کے معاشی اشاریئے مثبت ہو رہے ہیں، وزیراعظم عوام کو ..
اسلام آبادجیل تعمیر کا پہلا مرحلہ ریکارڈ 6 ماہ کی مدت میں مکمل کیا جائے گا،وفاقی وزیر داخلہ
اسلام آباد سے متعلقہ
پاکستان کی تازہ ترین خبریں
-
سپریم کورٹ،نیب ترامیم فیصلے کیخلاف اپیلوں پر سماعت کیلیے لارجربینچ تشکیل،سماعت 14مئی کوہوگی
-
وکلاءاور عدلیہ کو تقسیم کرنے کی مزاحمت کریں گے،حامد خان
-
سوشل میڈیا کو ریگولیٹ کرنے کے لیے وزیراعظم کی پیکا ایکٹ 2016 میں ترمیم کی منظوری
-
حکومت نے ایف بی آر کو نان فائلرز کیخلاف پلان بی پر عمل درآمد کیلئے گرین سگنل دیدیا
-
چاند پربھیجے گئے پاکستانی سیٹلائٹ آئی کیوب قمرسے پہلی تصویرموصول
-
نئے قرض پروگرام پر مذاکرات کیلئے آئی ایم ایف کی تکینکی ٹیم پاکستان پہنچ گئی
-
متحدہ عرب امارات میں کام کرنے والے پاکستانیوں کی ترسیلات زر میں رواں مالی سال کے پہلے 10 ماہ میں سالانہ بنیادوں پر 5فیصد اضافہ ریکارڈ
-
آم کے باغبانوں کو ڈائی بیک یا غذائی عناصر کی کمی کاشکار پودوں کو فوری ضروری کھادیں ڈالنے کی ہدایت
-
نون لیگی حکومت تحریک انصاف سے بات چیت کے لیے تیار ہے. رانا ثناءاللہ
-
اٹارنی جنرل آفس کا عدالتوں میں ٹیکس معاملات میں قانونی ٹیموں کی ناقص کارکردگی پر چیئرمین ایف بی آر کو خط
-
حکومت کی پوری توجہ معاشی استحکام پر مرکوز ہے، ملک کے معاشی اشاریئے مثبت ہو رہے ہیں، وزیراعظم عوام کو ریلیف کی فراہمی کے لئے پرعزم ہے، وفاقی وزیر اطلاعات عطاءاللہ تارڑ کی بنگلہ دیشی صحافیوں کے وفد ..
-
اسلام آبادجیل تعمیر کا پہلا مرحلہ ریکارڈ 6 ماہ کی مدت میں مکمل کیا جائے گا،وفاقی وزیر داخلہ