پاکستان اور ایران کادہشت گردی، انتہا پسندی کے خلاف اور خطے کے امن و استحکام کیلئے مشترکہ کاوشیں کرنے کے عزم کا اظہار
وزیراعظم کے مشیر برائے قومی سلامتی و خارجہ امور سرتاج عزیز اور ایرانی وزیر خارجہ جواد ظریف کا مشترکہ پریس کانفرنس سے خطاب
جمعرات 13 اگست 2015 18:31
اسلام آباد ۔ 13 اگست (اُردو پوائنٹ اخبار تازہ ترین۔ 13 اگست۔2015ء) پاکستان اور ایران نے دہشت گردی، انتہا پسندی کے خلاف جدوجہد میں تعاون بڑھانے اور خطے کے امن و استحکام کیلئے مشترکہ کاوشیں کرنے کے عزم کا اظہار کیا ہے جبکہ مشیر برائے قومی سلامتی سرتاج عزیز نے کہا ہے کہ وہ 23 اگست کو نئی دہلی کا دورہ کریں گے، افغان وزیر خارجہ اور خبر رساں ادارے ”این ڈی ایس“ کے سربراہ کی پاکستان آمد پر دونوں ملکوں کے درمیان غلط فہمیاں دور کرنے میں مدد ملے گی، ایرانی وزیر خارجہ نے کہا ہے کہ پاکستان نے ایٹمی ٹیکنالوجی کے پرامن استعمال کے ایرانی موقف کی ہمیشہ حمایت کی ہے، ہم اپنے دوستوں کو بھولتے نہیں۔
جمعرات کو وزیراعظم کے مشیر برائے قومی سلامتی و خارجہ امور سرتاج عزیز اور ایران کے وزیر خارجہ جواد ظریف نے دفتر خارجہ اسلام آباد میں مشترکہ پریس کانفرنس سے خطاب کیا جس میں دونوں رہنماؤں نے ایران کے عالمی طاقتوں کے ساتھ نیوکلیئر پروگرام پر ہونے والے معاہدے کے بعد اقتصادی تعاون کو وسعت دینے کی ضرورت پر زور دیا۔(جاری ہے)
ایران کے وزیر خارجہ نے کہاکہ تیل و گیس، ٹرانسپورٹیشن، فنانس اور بینکنگ کے شعبہ میں تعاون کے وسیع مواقع موجود ہیں جن میں دونوں ملکوں کے درمیان تعاون کو بڑھایا جا سکتا ہے۔
انہوں نے کہاکہ پرامن مقاصد کیلئے نیوکلیئر ٹیکنالوجی کے استعمال کے ہمارے موقف کی پاکستان نے ہمیشہ حمایت کی ہے، ہم اپنے دوستوں کو نہیں بھول سکتے۔ سرتاج عزیز نے کہاکہ پاکستان کے ایران کے ساتھ قریبی دوستانہ اور گہرے اور تاریخی، ثقافی و جغرافیائی تعلقات ہیں۔ انہوں نے عالمی طاقتوں کے ساتھ ایران کے نیوکلیئر معاہدے پر انہیں مباکباد دیتے ہوئے توقع ظاہر کی کہ اس پر عملدرآمد کا خطے اور عالمی امن و سلامتی پر نمایاں اثر پڑے گا۔ انہوں نے کہاکہ اس معاہدے سے پاکستان اور ایران کے درمیان اقتصادی و تجارتی تعلقات کی نئی راہیں کھلیں گی۔ جواد ظریف نے کہاکہ وہ ایران-پاکستان گیس لائن منصوبے کے بارے میں پرامید ہیں اور اس پر کام کی رفتار تیز تر دیکھنا چاہتے ہیں۔ انہوں نے کہاکہ دونوں ممالک کو اس معاملہ کو تیکنیکی طور پر دیکھنا چاہئے تاکہ اس حوالہ سے معاملات جلد حل ہو سکیں۔ انہوں نے کہاکہ دونوں اطراف سے اس منصوبے کی تکمیل کا عزم واضح ہے۔ وزیراعظم محمد نواز شریف اور سرتاج عزیز سے اپنی ملاقات کے حوالہ سے ایرانی وزیر خارجہ نے ملاقات میں دوطرفہ تعلقات اور مشترق وسطیٰ اور خطے کی صورتحال پر تبادلہ خیال ہوا۔ دونوں ملکوں کے درمیان اقتصادی، سلامتی، ثقافتی اور سرحدی تعاون موجود ہے جسے مزید مستحکم بنانے کی ضرورت ہے۔ انہوں نے خطے میں پاکستان کے ذمہ دارانہ کردار کو سراہتے ہوئے کہاکہ دہشت گردی اور انتہا پسندی کے خلاف ہر کسی کو مل کر کام کرنے کی ضرورت ہے۔ انہوں نے کہاکہ فرقہ وارانہ بنیادوں پر تقسیم مسلمانوں کیلئے مددگار نہیں بلکہ یہ تقسیم کے آلے ہیں۔ انہوں نے کہاکہ ایران دہشت گردی اور انتہا پسندی کے خلاف پاکستان کے ساتھ مل کر کام کرنے پر تیار ہے۔ ایک سوال کے جواب میں ایران کے وزیر خارجہ نے کہاکہ ان کا ملک پاکستان اور افغانستان کے درمیان امن اور سلامتی کے سلسلہ میں تعاون کی حمایت کرتا ہے۔ افغانستان میں داعش کی مداخلت کے حوالہ سے انہوں نے کہاکہ تمام ممالک کیلئے ضروری ہے کہ وہ دہشت گردی اور انتہا پسندی کے خلاف لڑیں جس کی نہ تو کوئی سرحد اور نہ تو کوئی مذہب ہے۔ انہوں نے کہاکہ یہ ہم سب کے مفاد میں ہے کہ ان کے خلاف مل کر کارروائی کریں۔ چین پاکستان اقتصادی راہداری کے حوالہ سے انہوں نے کہاکہ ایران پاکستان کی تعمیر و ترقی کی حمایت کرتا ہے، یہ منصوبہ غربت کے خاتمہ اور خطے سے انتہا پسندی کے خاتمہ کیلئے موثر ثابت ہوگا۔ سرتاج عزیز نے ایک سوال کے جواب میں کہا کہ افغانستان حکومت اور افغان طالبان کے درمیان مذاکرات کا پہلا راؤنڈ ایک اچھی پیش رفت تھی تاہم انہوں نے ملا عمر کی وفات کی وجہ سے مذاکرات کے دوسرے راؤنڈ میں خلل آنے پر افسوس کا اظہار کیا۔ انہوں نے کہاکہ پاکستان افغان ترجیحات اور ان کے ملک کی مدد کر رہا ہے۔ انہوں نے افغانستان کے اندر دہشت گردی کے حملوں کی وجہ سے مذاکرات میں تعطل کو بھی افسوسناک قرار دیا۔ انہوں نے توقع ظاہر کی کہ افغان وزیر خارجہ اور انٹیلی جنس ایجنسی ”این ڈی ایس“ کے سربراہ کے دورہ پاکستان سے دونوں ملکوں کے درمیان غلط فہمیاں دور کرنے میں مدد ملے گی( بھارت کے ساتھ مذاکرات کے حوالہ سے سرتاج عزیز نے کہاکہ وہ 23 اگست کو نئی دہلی جا رہے ہیں، اس سے جامع مذاکرات کے حوالہ سے کوئی بڑا بریک تھرو تو ممکن نہیں لیکن دیگر مسائل پر برف پگھل سکتی ہے۔ بلوچستان میں دہشت گردی کے حملوں اور پاکستان ایران سرحد پر فائرنگ کے واقعات کے حوالہ سے ایرانی وزیر خارجہ نے کہاکہ یہ بدقسمتی ہے اور ایسے واقعات کی روک تھام کیلئے دونوں طرف کے متعلقہ حکام کے درمیان موثر رابطے کی ضرورت ہے۔ سرتاج عزیز نے کہاکہ سرحد کے اندر اور نزدیک دہشت گردی کے واقعات منشیات کے سمگلروں اور دہشت گردوں کے گٹھ جوڑ کا نتیجہ ہے جس کی روک تھام کیلئے سرحدوں پر پٹرولنگ اور میکنیزم کو مضبوط بنانے کی ضرورت ہے۔متعلقہ عنوان :
اسلام آباد میں شائع ہونے والی مزید خبریں
صدر مملکت آصف علی زرداری سے پاکستان نیشنل ہارٹ ایسوسی ایشن (پناہ) کے وفد کی ملاقات
وفاقی وزیر برائے وفاقی تعلیم ڈاکٹر خالد مقبول صدیقی سے یونیسیف کے نمائندے کی ملاقات
آئی جی اسلام آباد پولیس سید علی ناصر رضوی کا سکیورٹی ڈویژن کا دورہ
مارچ کے مہینے میں ملک میں غیر ملکی سرمایہ کاری 25 کروڑ 80 لاکھ ڈالر تک پہنچ گئی
مغربی ہوائوں کا سلسلہ (کل) پاکستان میں داخل ہو کر بارشیں برسائے گا
یونیسیف کے نمائندے کی وزیر تعلیم سے ملاقات ،تعلیمی شعبے میں یونیسیف کی خدمات کا اعتراف
نوجوانوں کو معاشی طور پر مستحکم کرنا ہماری اولین ترجیح ہے،رانا مشہود احمد خاں
صدرمملکت سے ایئر ایشیا ایوی ایشن گروپ کے وفد کی ملاقات ، مختلف امورپر غور
سرمایہ کاروں کا اعتماد بحال کرنا حکومت کی اولین ترجیح ہے،وفاقی وزیررانا تنویر حسین
سعودی عرب جلد پاکستان میں 5 ارب ڈالر کی سرمایہ کاری کریگا ،احسن اقبال
اڈیالہ جیل والے صاحب کے دور میں پاکستان تنہائی کا شکار تھا، اب وہ معاملہ ختم ہو چکا، خارجہ پالیسی کے ..
دیگر ممالک کے ساتھ فضائی روابط کو فروغ دینے کی ضرورت ہے، عوامی روابط بڑھا کر سیاحتی شعبے کی صلاحیت ..
اسلام آباد سے متعلقہ
پاکستان کی تازہ ترین خبریں
-
وزیر صحت خواجہ سلمان رفیق کی زیر صدارت فاطمہ جناح میڈیکل یونیورسٹی کا 36 واں سینڈیکیٹ اجلاس
-
صدر مملکت آصف علی زرداری سے پاکستان نیشنل ہارٹ ایسوسی ایشن (پناہ) کے وفد کی ملاقات
-
قوموں کی برادری میں نمایاں مقام حاصل کرنے کے لئے علم اور ہنر،سائنس اور ٹیکنالوجی پر خصوصی توجہ دینا وقت کی اہم ضرورت ہے،ایران کے صدر ابراہیم رئیسی کا جی سی یو میں خطاب
-
وفاقی وزیر برائے وفاقی تعلیم ڈاکٹر خالد مقبول صدیقی سے یونیسیف کے نمائندے کی ملاقات
-
مارچ کے مہینے میں ملک میں غیر ملکی سرمایہ کاری 25 کروڑ 80 لاکھ ڈالر تک پہنچ گئی
-
یونیسیف کے نمائندے کی وزیر تعلیم سے ملاقات ،تعلیمی شعبے میں یونیسیف کی خدمات کا اعتراف
-
نوجوانوں کو معاشی طور پر مستحکم کرنا ہماری اولین ترجیح ہے،رانا مشہود احمد خاں
-
صدرمملکت سے ایئر ایشیا ایوی ایشن گروپ کے وفد کی ملاقات ، مختلف امورپر غور
-
سرمایہ کاروں کا اعتماد بحال کرنا حکومت کی اولین ترجیح ہے،وفاقی وزیررانا تنویر حسین
-
سعودی عرب جلد پاکستان میں 5 ارب ڈالر کی سرمایہ کاری کریگا ،احسن اقبال
-
ملک میں منگل کو سونے کی فی تولہ قیمت میں 7800 روپے کی کمی ہوئی
-
سوئی سدرن گیس کے ہزاروں ملازمین کو ریگولرائز کرنے سے متعلق درخواستیں مسترد