قومی اسمبلی کا دولت مشترکہ کی 61ویں پارلیمانی کانفرنس کی میزبانی کا فیصلہ واپس
پاکستان کی پارلیمنٹ مسئلہ کشمیر کو اقوام متحدہ کی قراردادوں کے مطابق حل کرنے اور کشمیری عوام کے حق خود ارادیت کی مکمل حمایت کرتی ہے، سی پی اے کانفرنس میں مقبوضہ جموں و کشمیر اسمبلی کو دعوت دینا اقوام متحدہسیکیورٹی کونسل کی قراردادوں اور بین الاقوامی قوانین کے منافی ہے، ترجمان قومی اسمبلی
جمعرات 20 اگست 2015 17:44
اسلا م آباد (اُردو پوائنٹ اخبار تازہ ترین۔ 20 اگست۔2015ء) پاکستا ن نے دولت مشترکہ کی 61ویں پارلیمانی کانفرنس کی میزبانی کا فیصلہ واپس لے لیا ہے جبکہ قومی اسمبلی کے ترجمان نے کہاکہ پاکستان کی پارلیمنٹ مسئلہ کشمیر کو اقوام متحدہ کی قراردادوں کے مطابق حل کرنے اور کشمیری عوام کے حق خود ارادیت کی مکمل حمایت کرتی ہے، سی پی اے کانفرنس میں مقبوضہ جموں و کشمیر اسمبلی کو دعوت دینا اقوام متحدہ سیکیورٹی کونسل کی قراردادوں اور بین الاقوامی قوانین کے منافی ہے۔
جمعرات کو قومی اسمبلی کے ترجمان کی جانب سے جاری بیان میں کہاگیا کہ افسوس کے ساتھ یہ اعلان کیاجارہاہے کہ دولت مشتر کہ کی 61 ویں پارلیمانی کانفرنس (سی پی سی) جو قومی اسمبلی کی میزبانی میں اسلا م آباد میں منعقد ہونا تھی اس کا فیصلہ واپس لے لیا گیا ہے۔(جاری ہے)
یہ فیصلہ دولت مشترکہ کی پارلیمانی ایسوسی ایشن (سی پی اے )کی ایگزیکٹو کمیٹی کی گزشتہ روزہونے والی ہنگامی ٹیلی فونک کانفرنس کے نتیجے میں کیا گیا۔
یا د رہے کہ 2014میں کیمرون میں منعقد ہونے والی دولت مشترکہ کی 60ویں کانفرنس میں سپیکر قومی اسمبلی سردار ایاز صادق کو سی پی اے کا متفقہ طور پر صدر منتخب کیا گیا تھا اور یہ فیصلہ کیا گیا تھا کہ دولت مشتر کہ کی اگلی کانفرنس 30 ستمبر سے 8اکتوبر 2015 تک کو اسلا م آباد میں منعقد ہوگی ۔پاکستان کی طرف سے ( سی پی سی)کے انعقاد کے فیصلے سے مکمل اتفاق کیا گیا جب سیکرٹری جنرل سی پی اے ولیم ایف شیجانے ذاتی طور پر سپیکر قومی اسمبلی سردار ایاز صادق سے رابطہ کر کے یہ بتایا کہ ایسوسی ایشن کو اپنی سالانہ کانفرنسوں کے انعقاد کے لیے میزبانوں کی تلاش میں مشکلات پیش آ رہی ہیں۔انہوں نے پاکستان کو یہ ذمہ داری نبھانے کی درخواست کی۔ایک ابھرتی ہوئی جمہوریت کی حیثیت سے پاکستان کی قومی اسمبلی نے دولت مشترکہ کے ترقی پذیررکن ممالک میں جمہوریت ،مکالمے اور تعاون کو فروغ دینے کے لیے یہ ذمہ داری قبول کی تا ہم پاکستان کی پارلیمنٹ نے کسی بھی مرحلے پر جموں و کشمیر پر اپنے اُصولی اور تاریخی موقف میں لچک کا مظاہر ہ نہیں کیا۔مسئلہ کشمیرایک تصفیہ طلب مسئلہ ہے اور علاقائی امن اور استحکام کے لیے ایک فلیش پوائنٹ کی حیثیت رکھتا ہے اور اقوام متحدہ کے ایجنڈے پر موجود ہے مزید یہ کہ اقوام متحدہ کی سیکیورٹی کونسل ی قراردادو ں کے تحت کشمیر میں اقوام متحدہ کے زیر اہتمام آزادانہ، منصفانہ رائے شماری کرا کر کشمیر ی عوام کو اُن کا حق خودارادیت دیا جائے۔سیکیورٹی کونسل کی اس مسئلے سے متعلقہ قراردادیں جموں و کشمیر کے مسئلے کے حل کے لیے رائے شماری کے علاوہ کسی متبادل طریقہ کار کو رد کرتی ہیں ۔پاکستا ن کی پارلیمنٹ خصوصاً قومی اسمبلی مسئلہ کشمیر کے منصفانہ حل اور کشمیر ی عوام کو ان کا حق خودارادیت دینے کے حق میں کئی قرار دادیں منظور کر چکی ہے ۔ان حقائق کی روشنی میں سپیکر قومی اسمبلی سردار ایاز صادق نے مقبوضہ جموں و کشمیر اسمبلی کو 61ویں دولت مشترکہ کانفرنس میں شرکت کی دعوت نہیں دی ۔یہ فیصلہ اقوام متحدہ کی سیکیورٹی کونسل کی قراردادوں کے مطابق کشمیر ی عوام کے حق خودارادیت دینے پاکستان کے اُصولی موقف کے غیر متزلزل عزم کی عکاسی کرتا ہے ۔خواہ اس کے لیے سی پی سی کی میزبانی کی قربانی بھی دینی پڑے۔ پاکستان کی پارلیمنٹ سی پی اے کی 53ممالک کی ایک 178میں سے 115برانچوں اور 415مندوبین و مبصرین کا مشکور ہے جنہوں نے کانفرنس میں شرکت کی تصدیق کی اور رجسٹریشن کروائی اور اُمید کرتی ہے کہ ماحول کے ساز گار ہونے پر دوست ممالک ، جمہوریت کے چاہنے والوں اور عوام کی حق خودارادیت کی حمایت کرنے والوں کی میزبانی کا شر ف حاصل کر سکے گی ۔پاکستان کی پارلیمنٹ خطے کے ممالک کی بھی مشکور ہیں جنہوں نے اُس کے اُصولی موقف کو سمجھا ۔اگر چہ پاکستان کی پارلیمنٹ کو 61ویں سی پی سی کی میزبانی کا شرف حاصل نہیں ہو سکا تا ہم اس امر نے پاکستان کوعالمی سطح پر خصوصادولت مشترکہ کے52ممبر ممالک میں مسئلہ کشمیر کو اقوام متحدہ کے 1947کی تقسیم کے نامکمل ایجنڈے کی حیثیت سے باور کرانے کا موقع فراہم کیا۔ علاوہ ازیں اس نے کشمیر ی عوام کی حالت زارکو اُجاگر کرنے اور اس مسئلے کے کشمیری عوام کی اُمنگوں کے مطابق پرُامن حل کی ضرورت کی جانب دنیا کی توجہ بھی مبذول کرائی۔متعلقہ عنوان :
اسلام آباد میں شائع ہونے والی مزید خبریں
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
بجلی 2 روپے 94 پیسے فی یونٹ مزید مہنگی کرنے کی درخواست پر فیصلہ محفوظ
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
روپیہ مستحکم رکھنے کیلئے اسٹیٹ بینک نے مارکیٹ سے 5 ارب ڈالر خریدے
ایران اور اسرائیل کے معاملے پر وزیر خارجہ ایوان کو آگاہ کریں، علی ظفر
ترجمان حکومت خیبر پختونخوا کی ’تنازعات‘ کے حل کیلئے فوج سے تعاون طلب کرنے کی تصدیق
آزاد کشمیر پر بھارتی رہنماؤں کے اشتعال انگیز دعوؤں میں تشویشناک اضافہ ، پاکستان مسترد نے دعوے مسترد ..
ایک ہفتے میں مہنگائی کی شرح میں 1 اعشاریہ 10 فیصد کی کمی ریکارڈ کی گئی،ادارہ شماریات
آئی جی اسلام آباد سید علی ناصر رضوی کی زیر صدارت کمانڈ کانفرنس، خصوصی عملدرآمد کمیٹی کی بریفنگ
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
سرکاری اراضی قبضہ کیس: محمود خان اچکزئی کے وارنٹ گرفتاری جاری
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ ..
اسلام آباد سے متعلقہ
پاکستان کی تازہ ترین خبریں
-
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
-
بجلی 2 روپے 94 پیسے فی یونٹ مزید مہنگی کرنے کی درخواست پر فیصلہ محفوظ
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
-
ن لیگ پنجاب نے نو از شریف کو پارٹی کی قیادت دوبارہ سنبھالنے کی درخواست کر دی
-
روپیہ مستحکم رکھنے کیلئے اسٹیٹ بینک نے مارکیٹ سے 5 ارب ڈالر خریدے
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
امریکی ڈالر کے مقابلے میں پاکستانی کرنسی کی قدر میں 10 پیسے کا اضافہ
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
-
وزیر صحت خواجہ سلمان رفیق سے کنگ ایڈورڈ میڈیکل یونیورسٹی میں برطانیہ کی معروف جامعات کے وفد کی ملاقات