سپریم کورٹ نے اسلام آباد میں قائم کچی آبادیوں کے خلاف تمام آپریشن روک دیئے،حکومت سی ڈی اے،اسلام آباد انتظامیہ سے جواب طلب
40 سال سے قائم کچی آبادیوں کو گرانے سے قبل متبادل جگہیں کیوں نہیں دی گئی، سی ڈی اے بادشاہ نہیں کہ جو مرضی آئے کرتا پھرے، اب کسی کچی آبادی کو ہاتھ نہ لگایا جائے،چیف جسٹس غیر قانونی مقیم افغانوں کو مزید دو سال رہنے کی اجازت دیدی گئی جو ہمارے کاروبار ،رہائشی علاقوں، کھانے پینے پر قابض ہیں اپنے شہریوں کو رہنے کی اجازت کیوں نہیں،جسٹس دوست محمد
بدھ 26 اگست 2015 18:46
اسلام آباد (اُردو پوائنٹ اخبار تازہ ترین۔ 26 اگست۔2015ء) سپریم کورٹ نے اسلام آباد میں قائم کچی آبادیوں کے خلاف تمام تر آپریشن روک دیئے ہیں اور وفاقی حکومت ، سی ڈی اے اور اسلام آباد انتظامیہ کو نوٹس جاری کرتے ہوئے ان سے اب تک کئے گئے آپریشن اور دیگر معاملات بارے تفصیلی جواب طلب کیا ہے جبکہ وفاق اور صوبوں کو ہدایت کی گئی ہے کہ وہ اپنے اپنے صوبوں میں شہریوں کو دی گئی ہاؤسنگ سہولیات کے حوالے سے جو پالیسی وضع کی گئی ہے اس کی تفصیلات عدالت میں پیش کریں ۔
اسلام آباد 22 پولیس سٹیشنوں پر کچی آبادیوں کے حوالے سے اب تک قائم کردہ مقدمات اور روزنامچوں کی تفصیلات بھی طلب کی ہیں جبکہ چیف جسٹس جواد ایس خواجہ نے ریمارکس دیئے ہیں کہ 40 سال سے قائم کچی آبادیوں کو گرانے سے قبل متبادل جگہیں کیوں نہیں دی گئیں ۔(جاری ہے)
سی ڈی اے بادشاہ نہیں کہ جو مرضی آئے کرتا پھرے ۔سی ڈی اے اب کسی کچی آبادی کو ہاتھ نہ لگائے ۔
سی ڈی اے کی بادشاہت نہیں چلنے دیں گے ۔ نجانے 15 سے 17 ہزار لوگوں پر کیا بیتی ہو گی جبکہ جسٹس دوست محمد خان نے کہا ہے کہ پاکستان میں غیر قانونی طور پر مقیم افغانوں کو ملک میں مزید دو سال رہنے کی اجازت دے دی گئی ہے جو ہمارے کاروبار ،رہائشی علاقوں اور کھانے پینے پر قابض ہیں اپنے شہریوں کو رہنے کی اجازت کیوں نہیں دی جا رہی ہے اور 30 سے 40 سال قبل قائم ہونے والی آبادی کو کیوں گرانا چاہتے ہیں ۔انہوں نے یہ ریمارکس بدھ کے روز دیئے ہیں ۔عدالت نے عابد حسن منٹو کی کچی آبادیوں کو گرائے جانے کے خلاف دائر آئینی درخواست بھی سماعت کے لئے منظور کر لی ۔ سی ڈی اے اور وفاقی حکومت نے عدالت کو بتایا ہے کہ ہم نے آپریشن عدالت عالیہ کے حکم پرکیا ہے جس پر عدالت نے کہا کہ ان آبادیوں میں آخر ایسا کیا ہے کہ جس کی وجہ سے آپریشن کر کے ان کو مسمار کیا گیا ۔اس پر ایڈیشنل اٹارنی جنرل نے کہا کہ سیکورٹی کی وجہ سے ایسا کیا جا رہا ہے ۔ اس پر چیف جسٹس نے کہا کہ 15 ایجنسیاں ان کچی آبادیوں کو چیک کر چکی ہیں ان میں کوئی دہشت گرد نہیں رہ رہا ہے ۔ درخواست گزار نے عدالت کو بتایا کہ اسلام آباد ہائی کورٹ میں ایک شخص نے صرف اپنا شناختی کارڈ بنانے کی درخواست دی تھی آگے سے ہائی کورٹ نے انتظامیہ کو کچی آبادیوں کے خلاف آپریشن کر کے ان کو مسمار کرنے کا حکم دے دیا ۔ ان میں کئی آبادیاں 30 سے 40 سال پرانی ہیں ۔ شہر اگر وسیع ہو رہا ہے تو حکومت کو چاہئے کہ وہ غریب لوگوں کے گھر گرانے سے قبل ان کو متبادل جگہیں تو دے یہ سب جو کچھ بھی کیا جا رہا ہے بنیادی انسانی حقوق کی خلاف ورزی ہے اور یہ بنیادی اہمیت کا معاملہ ہے جس میں درخواست سماعت کے لئے منظور کی جائے ۔اس پر چیف جسٹس نے کہا کہ یہ واقعی بنیادی انسانی حقوق اور عوامی اہمیت کا معاملہ ہے ہم چاہتے ہیں کہ اس کو تفصیل سے سنا جائے اور کوئی حکم جاری کیا جائے ۔ بعدازاں عدالت نے وفاقی حکومت ، سی ڈی اے اور ضلعی انتظامیہ سے کچی آبادیوں بارے تمام تفصیلات طلب کی ہیں اور حکم دیا ہے کہ جب تک یہ مقدمہ عدالت عظمیٰ میں زیر سماعت ہے کسی کچی آبادی کو نہ گرایا جائے ۔ بعدازاں عدالت نے سماعت 31 اگست تک ملتوی کر دی ۔متعلقہ عنوان :
اسلام آباد میں شائع ہونے والی مزید خبریں
سی پیک کے دوسرے مرحلہ میں تیزی لانے میں پرعزم ہیں، بین الاقوامی مالیاتی فنڈ سے نئے معاہدے کیلئے پاکستان ..
کاروباری مرکز بلیو ایریا کے پٹرول پمپ کے سامنے آئل ٹینکر میں لگی آگ پر قابو پالیا گیا
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی ..
اسلام آباد ہائی کورٹ کا حج پر جانے والوں کو مکمل سہولیات فراہم کرنے کا حکم
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
سپریم کورٹ نے جاسوسی کے مبینہ ملزم کی درخواست ضمانت خارج کردی
پارلیمنٹ ہاؤس کی مسجد سے 20 سے زائد نمازیوں کے جوتے چوری
سی این جی سپلائی پرسیلز ٹیکس میں اضافہ کر دیا گیا
ایرانی صدر ڈاکٹر ابراہیم رئیسی کی سکیورٹی ٹیم پاکستان پہنچ گئی
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ..
پاکستان میں بارشوں کاحالیہ سلسلہ 22 اپریل تک وقفے وقفے سے جاری رہنے کا امکان
اسلام آباد سے متعلقہ
پاکستان کی تازہ ترین خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
پاکستان سٹاک ایکسچینج میں تیزی کانیاریکارڈقائم،انڈیکس 619.79 پوائنٹس کے اضافہ کے بعد 70909.90 پوائنٹس پربند
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
شادی اور ماں بننے کے بعد بورڈ کی سپورٹ سے کم بیک کامیاب ہوا،بسمہ معروف
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو