ریٹائرمنٹ کی تردید،فائٹر ہوں اور ٹیم میں اپنی جگہ کے حصول کے لیے محنت جاری رکھوں گا،سعید اجمل

اپنی کارکردگی میں بتدریج بہتری کی وجہ سے مکمل پراعتماد اور واپسی کیلئے پرعزم ہوں،میڈیا سے بات چیت

منگل 15 ستمبر 2015 19:19

ریٹائرمنٹ کی تردید،فائٹر ہوں اور ٹیم میں اپنی جگہ کے حصول کے لیے محنت جاری رکھوں گا،سعید اجمل

اسلام آباد(اُردو پوائنٹ اخبار تازہ ترین۔ 15 ستمبر۔2015ء)مایہ ناز پاکستانی اسپنر سعید اجمل نے خراب فارم اور سری لنکا کے خلاف سیریز کیلئے سلیکٹرز کی جانب سے نظر انداز کیے جانے کے باوجود کرکٹ سے ریٹائرمنٹ کی خبروں کو بے بنیاد قرار دیا ہے۔بھارتی میڈیا کی ایک رپورٹ آئی تھی کہ اجمل اپنی فارم اور نئے باؤلنگ ایکشن سے ناکامی پر دلبرداشتہ اور مایوس ہیں اور ریٹائرمنٹ کے حوالے سے غور کر رہے ہیں تاہم اس رپورٹ کے جواب میں میڈیا سے گفتگو میں اسپنر نے افواہوں کو مسترد کرتے ہوئے کہا کہ میں اپنی کارکردگی میں بتدریج بہتری کی وجہ سے مکمل پراعتماد اور واپسی کیلئے پرعزم ہوں۔

37 سالہ سعید اجمل نے میڈیا کو مزید بتایا کہ میں ایک فائٹر ہوں اور ٹیم میں اپنی جگہ کے حصول کے لیے محنت جاری رکھوں گا، ابھی میں انٹرنیشنل کرکٹ سے ریٹائر نہیں ہو رہا۔

(جاری ہے)

35 ٹیسٹ اور 113 ایک روزہ میچ کھیلنے والے اسپنر کے منیجر نے واضح کیا کہ اجمل کی ریٹائرمنٹ کے حوالے سے تمام تر خبریں بے بنیاد ہیں۔اجمل کے منیجر مغیث شیخ نے کہا کہ اس طرح کی تمام رپورٹس سراسر غلط ہیں۔

اگست 2014 میں اسپنر کا باؤلنگ ایکشن مشکوک قرار پانے پر انٹرنیشنل کرکٹ کونسل نے ان پر پابندی عائد کردی تھی لیکن پھر رواں سال فروری میں انہیں باؤلنگ کیلئے کلیئر کردیا گیا تھا۔اسپنر نے آخری مرتبہ دورہ بنگلہ دیش میں ٹی ٹوئنٹی میچ میں پاکستان کی نمائندگی کی تھی جہاں انہوں نے بنگلہ دیش کے خلاف 3.2 اوورز میں 25 رنز دیئے تھے اور کوئی وکٹ لینے میں کامیاب نہیں ہو سکے تھے۔

انہوں نے بنگلہ دیش کے خلاف دو ایک روزہ میچ بھی کھیلے تھے لیکن اس میں بھی وہ متاثر کن کارکردگی دکھانے میں ناکام رہے اور 19.1 اوورز میں ایک وکٹ لے کر 123 رنز دیے تھے۔اسپنر کی مایوس کن کارکردگی کا سلسلہ انگلش کاؤنٹی اور پاکستان کے ڈومیسٹک ٹی ٹوئنٹی ٹورنامنٹ میں بھی جاری رہا لیکن وہ اب بھی نئے ایکشن کے ساتھ فارم کی بحالی اور قومی ٹیم میں دوبارہ جگہ بنانے کیلئے پرعزم ہیں۔

Facebook Twitter Reddit Pinterest Whatsapp

اسلام آباد میں شائع ہونے والی مزید خبریں

قانون کے پیشہ کی فلاح و بہبود اور ترقی اولین ترجیح ہے ، اعظم نذیر تارڑ

کیسز میں تاخیر کو کم کرنے، شفافیت کو بڑھانے، عدالتی عمل کو تیز کرنے میں ٹیکنالوجی سے استفادہ ضروری ہے،نیشنل ..

علامہ اقبال نے امت مسلمہ کو فکر، امید کی نئی جہت دی،وزیر خارجہ سینیٹر اسحاق ڈار

پاکستان میں تمام مذاہب کے پیروکار آزاد ہیں اور ریاست ان کے حقوق کا مکمل تحفظ کر رہی ہے،فیصل کریم کنڈی

عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا

وفاقی دارالحکومت میں پولن کی مجموعی مقدار میں اضافہ ریکارڈ

آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے ..

آئیسکو نے بجلی کی عارضی بندش کا دو روزہ شیڈول جاری کر دیا

وفاقی وزیر بحری امور قیصر احمد شیخ سے پاکستان میں ڈنمارک کے سفیر کی سربراہی میں وفد کی ملاقات

پاکستان نے امریکی محکمہ خارجہ کی طرف سے جاری انسانی حقوق کے طریقوں سے متعلق 2023 کی رپورٹ کو مسترد کر دیا

قومی اسمبلی میں گندم کی خریداری اوراس سے منسلک دیگرمسائل پراراکین کا اظہارخیال

ایوان کا اجلاس بروقت شروع کرنے کو یقینی بنایا جا رہا ہے، ڈپٹی سپیکر

ریٹائرمنٹ کی تردید،فائٹر ہوں اور ٹیم میں اپنی جگہ کے حصول کے لیے محنت جاری رکھوں گا،سعید اجمل

اپنی کارکردگی میں بتدریج بہتری کی وجہ سے مکمل پراعتماد اور واپسی کیلئے پرعزم ہوں،میڈیا سے بات چیت

اسلام آباد میں شائع ہونے والی مزید خبریں

اسلام آباد سے متعلقہ

پاکستان کی تازہ ترین خبریں

پاکستان کے مشہور شہروں کی خبریں