جنگ مسئلے کا حل نہیں ، افغان طالبان حکومت کے ساتھ مذاکرات کریں ،عمران خان
منگل 2 فروری 2016 16:36
اسلام آباد(اُردو پوائنٹ اخبارتازہ ترین - آن لائن۔02 فروری۔2016ء) پاکستان تحریک انصاف کے چیئرمین عمران خان نے افغان طالبان پر زور دیا ہے کہ وہ تنازع کے پْرامن حل کے لئے افغان حکومت کے ساتھ مذاکرات کریں کیو نکہ جنگ کسی مسئلے کا حل نہیں دنیا میں داعش کا وجود عراق پر امریکا کی چڑھائی کا نتیجہ ہے،امریکی نشریاتی ادارے وا ئس آ ف امریکہ کو انٹرویو دیتے ہو ئے انہو ں نے کہا کہ افغان طالبان کو مذاکرات کی میزپر آنا چاہیے اور یہ تنازع بات چیت کے ذریعے حل کرنا چاہیے۔
جنگ کبھی کسی مسئلے کا حل نہیں ہوتی، درحقیقت جنگ ایسے نتائج کی جانب لے جاتی ہے جو مطلوب نہیں ہوتے، جن کی مثا ل عرا ق اور شام کے حالا ت ہیں،اب داعش کا وجود عمل میں آیا ہے، خدا ہی بہتر جانتا ہے کہ صورت حال کس رخ پر جارہی ہے،داعش کا وجود عراق پر امریکا کی جنونی چڑھائی کا براہ راست نتیجہ ہے۔(جاری ہے)
عمران نے کہا کہ کچھ سال قبل افغان حکومت کے ساتھ امن بات چیت کے آغاز کے لئے افغان طالبان کے کچھ نمائندوں نے ان سے رابطہ کیا تھا لیکن انہوں نے کہا کہ وہ اس بات کا یقین رکھتے ہیں شدت پسند ی کو شکست دینے کے لئے امریکی فوج کی موجودگی ضروری ہے اور انہوں نے طالبان کی جانب سے سیاسی مفاہمت کیلئے کی جانے والی کوششوں کی حوصلہ شکنی کی تھی کیونکہ طالبان یہ سوچ رہے تھے کہ اگر امریکہ افغان سے انخلاء کرتا ہے تو وہ مفاہمت پر تیار ہیں لیکن وہ ان شرائط کو قبول کرنے کے لئے آمادہ نہیں تھے ،عمران خان نے حال ہی میں شروع کئے گئے چار ملکی امن مذاکرات جن میں پاکستان ،چین ،افغانستان اور امریکہ شامل تھے کو خوش آئند قرار دیتے ہوئے کہا کہ یہ انتہائی مثبت چیز ہے اس سے امید کی جا سکتی ہے کہ خطے میں امن قائم ہوگا اور اختیارات کی شیئرنگ کے معاہدے سے بھی امریکیوں کا وہاں سے انخلاء ممکن ہے،عمران خان نے پاکستان اور افغانستان پر زور دیا کہ وہ کشیدگی کے خاتمے کو دوطرفہ تعلقات کو بہتر بنا کر ختم کریں اورباہمی اعتماد کو فروغ دیں تا کہ دونوں ممالک کو سکیورٹی کے حوالے سے چیلنجز سے نمٹا جا سکے ،انہوں نے کہا کہ مجھے اس بات پر افسوس ہے کہ دونوں ممالک کے درمیان تعلقات اچھے نہیں ہیں اور مجھے اس بات پر بھی افسوس ہے کہ پاکستان پر الزام تراشی کی جاتی ہے ،ہماری افغانستان سے نمٹنے کے لئے کوئی مستحکم پالیسی نہیں اور ماضی میں افغانستان کے امور میں مداخلت کے برے نتائج مرتب ہوئے ،انہوں نے کہا کہ میرے خیال میں مستقبل میں دونوں ممالک کے درمیان اچھے تعلقات قائم ہوں گے کیونکہ پاکستان میں اس حقیقت کو تسلیم کیا جارہا ہے کہ غلطیاں ہوئی ہیں اور ان بری پالیسیوں کے باعث ہمیں خمیازہ بھی بھگتنا پڑا ہے ان پالیسیوں کو درست سمت گامزن کر کے ہم باہمی تعلقات کو بہتر بنا سکتے ہیں،انہوں نے کہا کہ افغان پناہ گزینوں کا بڑا مسئلہ ہے ان سے خیبر پختونخواہ پر دباؤ بڑھ رہا ہے ،افغانستان میں موجود پاکستان مخالف عناصر پاکستان میں حملے کرتے ہیں جس کی حالیہ مثال ہمارے صوبے میں کئے گئے حملے ہیں ان حملوں کے باعث صوبے کی مقامی آبادی افغان پناہ گزینوں کے خلاف ہوئی جس سے پولیس کو مجبوراً کمیونٹی کے خلاف ایکشن لینا پڑا ،انہوں نے کہا کہ پی ٹی آئی کی صوبائی حکومت نے افغان پناہ گزینوں کے حوالے سے موجود غلطیوں کو کنٹرول کرنے کے لئے متعدد اقدامات اٹھائے ہیں ،انہوں نے کہا کہ وہ افغان پناہ گزینوں کی زبردستی بے دخلی کے حامی نہیں کیونکہ اس وقت افغانستان میں حالات سود مند نہیں ہیں اور میری آواز افغان پناہ گزینوں کو زبردستی بے دخل کئے جانے کیلئے بلند ہوتی رہے گی ،واضح رہے کہ کچھ عرصہ قبل عمران خان شدت پسندی اور ملک مخالف سرگرمیوں میں ملوث عناصر کے ساتھ مذاکرات کی حمایت کرتے تھے تاہم اب ان کا موقف ہے کہ وہ طالبان کے تشدد کے خلاف ہیں اور ان کے خلاف فوجی کارروائی کے حامی ہیں کیونکہ اس فوجی کارروائی کے نتیجے میں دہشت گردی کم ہوئی اور باالخصوص اس کے صوبہ خیبر پختونخواہ پر اچھے اثرات مرتب ہوئے۔
اسلام آباد میں شائع ہونے والی مزید خبریں
پاکستان سٹاک ایکسچینج میں کاروباری ہفتے کے اخری تیزی کا رجحان رہا، 100 انڈیکس میں مجموعی طور پر 751.35 پوائنٹس ..
دریائے کابل کے بالائی علاقوں میں شدید بارشوں کے باعث سیلابی صورتحال متوقع، 27 تا 30 اپریل کے دوران سیلابی ..
ہلال احمرپاکستان کی خدمات اور جذبہ خیر سگالی قابل ستائش ہے،مراکشی سفیر
پیپلز پارٹی کی جدوجہد اور قربانیاں ہیں سیاستدان مذاکرات کے دروازے کبھی بند نہیں،نیئر بخاری
اسلام آباد ٹینس کمپلیکس میں سازش کے تحت آپریشن کیا گیا،تاج حیدر
وزیراعظم کی زیرصدارت پاکستان کونسل برائے موسمیاتی تبدیلی کا تیسرا اجلاس، صوبائی حکومتوں اور وفاق ..
اسلام آباد،مدرسہ میں کرنٹ لگنے سے طالبعلم جاں بحق
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
مہنگائی کی ماری عوام کیلئے تازہ ہوا کا جھونکا، پٹرولیم مصنوعات کی قیمتوں میں کمی متوقع
وفاقی وزیر منصوبہ بندی و ترقی احسن اقبال سے ورلڈ بینک کے گلوبل ڈائریکٹر برائے گورننس کی ملاقات، ترقیاتی ..
کوکا کولا کی جانب سے پاکستان میں 22 ملین ڈالر کی اضافی سرمایہ کاری
افغان شہریوں کو غیر قانونی طور پر پاکستانی شناختی کارڈ کے اجراء کا معاملہ ، ملزم گرفتار
اسلام آباد سے متعلقہ
پاکستان کی تازہ ترین خبریں
-
پاکستان سٹاک ایکسچینج میں کاروباری ہفتے کے اخری تیزی کا رجحان رہا، 100 انڈیکس میں مجموعی طور پر 751.35 پوائنٹس کا اضافہ
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
سونے کی قیمتوں میں اضافے کا رجحان برقرار
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
محمود خان اچکزئی کے وارنٹ گرفتاری جاری
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار