وقت کا تقاضا ہے کہ ہم فکرِ سرسید کی عملی طور پر تقلید کریں۔ چانسلر سر سید یونیورسٹی جاوید انور

منگل 1 دسمبر 2015 15:24

کراچی ۔ یکم دسمبر (اُردو پوائنٹ اخبارتازہ ترین - اے پی پی۔30 نومبر۔2015ء) سرسید یونیورسٹی آف انجینئرنگ اینڈ ٹیکنالوجی کے زیر اہتمام سرسید احمد خان کی تعلیمی خدمات کے موضوع پر ایک سیمینار منعقد کیا گیا جس میں ملک کے معروف دانشوروں اور ادیبوں نے سر سید احمد خان کی خدمات و حیات پر تفصیل سے روشنی ڈالی۔ جاری کردہ اعلامیہ کے مطابق اس موقع پر خطاب کرتے ہوئے علیگڑھ مسلم یونیورسٹی اولڈ بوائز ایسوسی ایشن کے صدر اور سرسید یونیورسٹی کے چانسلر جاوید انور نے کہا کہ سرسیداحمد خان نے نہ صرف ایک اسلامی ماحول کا تصور دیا بلکہ اپنے دین اور شخصیت سے جڑے رہتے ہوئے مغربی تعلیم حاصل کرنے کی ضرورت و اہمیت کو اجاگر کیا، انہوں نے برصغیر میں مسلمانوں کی علمی سطح بلند کرنے اور ان کی فکری اصلاح کے لئے جو ادارہ قائم کیا وہاں تعلیم کے علاوہ شخصیت سازی پر بھی بھرپور توجہ دی جاتی تھی، آج نئی دنیا، نئے زمانے اور نئے تقاضے ایک بار پھر فکر سرسید کو اپنا رہنما بنانے کا اشارہ دے رہے ہیں، آج ان کے نظریات اور سوچ کی ہمیں پہلے سے زیادہ ضرورت ہے۔

(جاری ہے)

چانسلر جاوید انور نے کہا کہ وقت کا تقاضا ہے کہ ہم فکرِ سرسید کی عملی طور پر تقلید کریں۔ علیگڑھ مسلم یونیورسٹی اولڈ بوائز ایسوسی ایشن کے جنرل سیکریٹری ارشد خان نے خطاب کرتے ہوئے کہا کہ ہماری کوشش ہے کہ ہم اس ادارے کو معیار کی اس سطح پر لے جائیں جس کا خواب سرسید احمد خان نے دیکھا تھا۔ انہوں نے فیکلٹی پر زور دیا کہ وہ طلباء کی تعلیم پر بھرپور توجہ دیں کیونکہ طلباء مستقبل کے معمار ہیں۔

قبل ازیں خواجہ رضی حیدر نے اپنے خطبہ استقبالیہ میں کہا کہ سرسید احمد خان نے وہ کارہائے نمایاں انجام دیئے جو ملک کی تاریخ کا ایک اہم حصہ ہیں۔ ماہر تعلیم انوار احمد زئی نے کہا کہ سرسید احمد خان نے اس وقت کے نوجوانوں کو انگریزی کی جانب مائل کیا جو ان کی بصیرت اور روشن خیالی کی ایک عمدہ مثال ہے۔ ممتاز صحافی و کالم نگار مقتدا منصور نے کہا کہ سرسید کی تعلیمی خدمات کی وجہ سے آج مسلمان ترقی کی جانب گامزن ہیں۔ اس موقع پر سرسید یونیورسٹی کے طلباء نے ترانہ علیگڑھ پیش کر کے سماں باندھ دیا۔ بعد ازاں سماجی شعبہ میں نمایاں کارکردگی دکھانے پر مختلف افراد کو اسناد و شیلڈز سے نوازا گیا۔

Facebook Twitter Reddit Pinterest Whatsapp

کراچی میں شائع ہونے والی مزید خبریں

رینجرزاور پولیس مشترکہ کاروائیاں،9ملزمان گرفتار

تجاوزات کو روکنے کے لیے تمام اداروں کو مل کر کام کر نے کی ضرورت ہے،کمشنر کراچی

سوئی سدرن گیس کا پیراڈائز بیکرز فیکٹری پر چھاپہ ، ایف آئی آر درج

کھیلوں کے نئے ٹیلنٹ کی تلاش کیلئے سندھ اسپورٹس سٹی بنائیں گی: وزیر کھیل سندھ

شادی اور ماں بننے کے بعد بورڈ کی سپورٹ سے کم بیک کامیاب ہوا،بسمہ معروف

محکمہ اسپورٹس سندھ نے صوبہ میں سندھ اسپورٹس سٹی بنانے اور ڈویژنل سطح پر اسپورٹس گیمز کرانے کا اعلان ..

صوبے میں صنعتی ترقی کے لئے تمام اسٹیک ہولڈرز کو مل کر کام کرنا ہوگا،جام اکرام اللہ دھاریجو

کوئی کسان اپنی زرعی زمین فروخت کریگا تو اس کو کسان کارڈ حکومت کو واپس کرنا ہوگا،سردار محمد بخش مہر

دوسرے منصوبوں کے ساتھ سکھر حیدرآباد موٹروے کو بھی ایس آئی ایف سی کے ذریعے ترجیح دی جائے، ناصر حسین ..

سندھ کے سینئر وزیر شرجیل انعام میمن کی ہدایات پر سندھ بھر میں منشیات فروشوں کے خلاف مہم جاری

سندھ آئندہ تعلیمی سال سائنس کی تعلیم کی اہمیت کو اجاگر کرنے کے طور پر منایا جائیگا۔ سید سردار علی شاہ

محکمہ اسپورٹس سندھ نے صوبہ میں سندھ اسپورٹس سٹی بنانے اور ڈویژنل سطح پر اسپورٹس گیمز کرانے کا اعلان ..

وقت کا تقاضا ہے کہ ہم فکرِ سرسید کی عملی طور پر تقلید کریں۔ چانسلر سر سید یونیورسٹی جاوید انور

کراچی میں شائع ہونے والی مزید خبریں

کراچی سے متعلقہ

پاکستان کی تازہ ترین خبریں

پاکستان کے مشہور شہروں کی خبریں