ملک میں آئین کی بالادستی کا تصور ختم ہوتا جا رہا ہے، توہین عدالت پر سو موٹو لینے والی سپریم کورٹ اعلیٰ عدلیہ کے تشخص کو ملیامیٹ کر رہی ہے، شاہ محمد اویس نورانی
غازی ممتازقادری کے کیس پر نظر ثانی کی اپیل خارج کرنا کڑوڑوں مسلمانوں کے جمہوری حقوق کا مذاق ہے، ہم گرفتاریوں سے ڈرنے والے نہیں ہیں،جے یوپی
جمعہ 18 دسمبر 2015 21:28
کراچی (اُردو پوائنٹ اخبارتازہ ترین - این این آئی۔18 دسمبر۔2015ء) جمعیت علماء پاکستان کے مرکزی سیکرٹری جنرل اور مرکزی جماعت اہل سنت کے نگران اعلیٰ شاہ محمد اویس نورانی صدیقی نے کہا ہے کہ سپریم کورٹ آئینی تقاضوں کو پورا نہیں کر رہی ہے، جب کڑوڑوں مسلمانوں کا مطالبہ ہے کہ غازی ممتازقادری کے کیس کو شرعی عدالت میں بھیجا جائے تو پھر قانونی اور اخلاقی طور پر بھی سپریم کورٹ سمیت تمام اعلیٰ اداروں کے پاس کوئی جواز نہیں رہتا ہے کہ غازی ممتازقادری کے کیس کو شرعی عدالت میں منتقل نہ کیا جائے، ہم پہلے دن سے مسلسل وفاق ، صوبائی حکومتوں اور عدلیہ کو چوکنا کر رہے ہیں کہ ناموس رسالتﷺ کے اہم اور نازک ترین معاملے پر خودساختہ فیصلے نافذنہ کیئے جائیں، اگر معاملہ مذہبی رواداری اور برداشت کی نفسیاتی حد سے آگے نکل گیاتو آنے والی عوامی یلغار نہ قابل یقین حد تک تباہ کن ہوگی، آنے والا عوامی طوفان ضرور حکومت اور عدلیہ کو لے ڈوبے گا، اﷲ کی زمین پر اﷲ کا قانون اور رسول اﷲ ﷺ کے نظام کی بالادستی قائم کرنے میں کسی بھی قسم کے حیلے بہانے کو آنے نہیں دیا جائے گا،نورانی چورنگی سے تبت سینٹرتک ہونے والے رہائی غازی ممتاز قادری مارچ سے خظاب کرتے ہوئے جمعیت علماء پاکستان کے مرکزی سیکرٹری جنرل اور مرکزی جماعت اہل سنت کے نگران اعلیٰ شاہ محمد اویس نورانی صدیقی نے کہا کہ ملک میں آئین کی بالادستی کا تصور ختم ہوتا جا رہا ہے، توہین عدالت پر سو موٹو لینے والی سپریم کورٹ نظرثانی اپیل کو خارج کر کے اعلیٰ عدلیہ کے تشخص کو ملیامیٹ کر رہی ہے، غازی ممتازقادری کے کیس پر نظر ثانی کی اپیل خارج کرنا کڑوڑوں مسلمانوں کے جمہوری حقوق کا مذاق ہے، ہم گرفتاریوں سے ڈرنے والے نہیں ہیں، نظام مصطفی ﷺ کی تحریک میں ہم نے جیلیں بھری تھیں، کڑوڑوں مسلمانوں کے قانون تقاضے کے باوجود کیس کو شرعی عدالت میں نہ بھیجا گیا اور نہ اسلامی نظریاتی کونسل کو اعتماد میں لیا گیا،غازی ممتاز قادری کی حوالے سے ہمارا موقف واضح ہے، ممتاز قادری کا کیس شرعی عدالت میں منتقل کیا جائے، نتیجہ قرآن و سنت کے مطابق تسلیم کیا جائے گا،مارچ سے خطاب کرتے ہوئے جمعیت علماء پاکستان کے مرکزی نائب صدر محمد صدیق راٹھور نے کہا کہ سپریم کورٹ سمیت تمام سطح کی عدلیہ کس خوف کا شکار ہیں؟ اگر فیصلہ کرنے والے سمجھتے ہیں کہ انہوں نے انصاف کے تقاضے پورے کئے ہیں تو پھر قرآن و سنت کے پیمانے پر اپنے فیصلے جانچ لینے میں کیا حرج ہے؟ غازی ممتاز قادری کے کیس کو جتنا الجھایا جا رہا ہے اتنی ہی عالمی سازش اور مغربی دبائی واضح ہو رہا ہے، رہائی مارچ سے جمعیت علماء پاکستان کراچی ڈویژن کے صدر مفتی غوث صابری نے کہا کہ مغرب کے دباؤ میں آکر وفاقی حکومت اور سپریم کورٹ نے اس فیصلے کو اپنی مرضی سے حل کرنے کی کوشش کی ہے، ممتاز قادری کے کیس کو الجھا کر حکومت اور سپریم کورٹ کو اندازہ تک نہیں ہے کہ انہوں نے پاکستانی تاریخ کی کتنی بڑی غلطی کی ہے، اب اس ملک میں علماء و آئمہ کسی صورت کسی غیرت مند مسلمان کو مصلحت اور قانون کا پابند نہیں بنا ئیں گے، جے یو پی کراچی ڈویژن کے ناظم اعلیٰ محمد مستقیم نورانی نے کہا کہ سلمان تاثیر شیطان کا پیروکار اور گستاخ رسول تھا، شاطم رسول کا کردار بدنما اور داغدار تھا، غازی ممتاز قادری نے رسول اﷲ ﷺ کے سچے عاشق ہونے کا حق نبھایا، غازی ممتاز قادری کی رہائی کے لئے ہم ہر آخری حد تک جانے کے لئے تیار ہیں، انجمن طلبہ اسلام پاکستان کے مرکزی صدر محمد زبیر صدیقی ہزاروی نے کہا کہ اہل سنت کے طلبہ و اساتذہ انجمن طلبہ اسلام کے پلیٹ فارم سے اپنی نمائندگی کو مضبوط کریں اور غازی ممتاز قادری رہائی اور ناموس رسالتﷺ کے مسئلے پر عوام کو تعلیم دیں اور ناموس رسالت ﷺ کی نزاکت کو اجاگر کریں، دھرنے سے جمعیت علماء پاکستان، پاکستان سنی تحریک، سنی تحریک، مرکزی جماعت اہل سنت، جماعت اہل سنت، انجمن نوجوانان اسلام، انجمن طلبہ اسلام اور دیگر سنی مذہبی جماعتوں کے قائدین اور رہنماؤں نے شرکت کی۔
متعلقہ عنوان :
کراچی میں شائع ہونے والی مزید خبریں
کراچی میں قربانی کے جانوروں کی مویشی منڈی 10 مئی سے لگے گی
پاکستان میں صرف 5 فیصد لوگ ہی پسند کی شادی کر پاتے ہیں،گیلپ سروے
کراچی، کم سن بچوں کو موٹرسائیکل پر بٹھا کر وارداتیں کرنے والا گروہ گرفتار
ْپاک بحریہ کے سربراہ ایڈمرل نوید اشرف کی چین میں 19ویں ویسٹرن پیسیفک نیول سمپوزیم میں شرکت
کراچی: سفید کرولا گینگ سرگرم، پولیس وردی پہن کر امریکا سے آئی خاتون کو لوٹ لیا
تحریک انصاف کو 28 اپریل کو باغ جناح میں جلسہ کرنے کی اجازت نہ مل سکی
سپریم کورٹ؛ جے ایس ایم یو کنٹریکٹ ملازمین کی ریگولرائزیشن کی درخواست مسترد
محکمہ اوقاف اور شہریوں میں زمین کی ملکیت کے تنازع کا کیس، التوا مانگنے پر چیف جسٹس برہم
عاصم اظہر نے اپنی تمام پوسٹیں ڈیلیٹ کر کے انسٹاگرام پر سب کو انفالو کردیا
اداکارہ ایمن خان کی ہمشکل سوشل میڈیا صارفین کی تنقید سے تنگ آگئیں
مدیحہ رضوی نے طلاق کے ڈیڑھ سال بعد دوسری شادی کرلی
اپنے بڑوں سے بات کریں ،اتنا ظلم نہ کریں ہم آپ کا حصہ نہیں بن سکتے،چیف جسٹس سندھ ہائیکورٹ
کراچی سے متعلقہ
پاکستان کی تازہ ترین خبریں
-
کریڈٹ کارڈز کے زریعہ خریداری اورادائیگیوں میں مارچ کے دوران سالانہ بنیادوں پر26.1 فیصداضافہ
-
ایل پی جی کی درآمدات میں جاری مالی سال کے دوران سالانہ بنیادوں پر9 فیصد اضافہ
-
ملک میں دالوں کی درآمدات میں جاری مالی سال کے دوران کمی
-
زرمبادلہ کے ملکی ذخائر میں جاری مالی سال کے دوران مجموعی طورپر4.120 ارب ڈالر اضافہ
-
وفاقی وزیرعطا تارڑ نے اعجاز احمد حفیظ کو اپنا کوارڈینیٹر مقرر کردیا
-
9 مئی کیس، بانی پی ٹی آئی کی عبوری ضمانت کی درخواست پر وکلاء کے دلائل طلب
-
ایک ضلع کا ڈپٹی کمشنر اگر کچھ کرنا چاہے تو انقلاب آ جائے‘لاہور ہائیکورٹ
-
ملک میں امن وا مان کی صورتحال زیر بحث لانے کیلئے وزیر داخلہ کو وہ اپنے چیمبر میں مدعو کر سکتے ہیں ،سپیکر قومی اسمبلی
-
کاندھوں کی سیاست ختم کرنے کیلئے سیاستدانوں کو مل بیٹھنا ہوگا، رانا ثنااللہ
-
خواجہ آصف نے عمران خان پر سمجھوتے کیلئے دبا ئوڈالنے کا دعویٰ مسترد کر دیا
-
وزیر اعظم 28 اپریل ورلڈ اکنامک فورم میں شرکت کیلئے سعودی عرب روانہ ہوں گے
-
مارچ کے مہینے میں آئی ٹی برآمدات سب سے زیادہ رہیں، شہباز شریف