انضمام الحق اور یونس خان کے درمیان تلخی کی کہانی شاہدآفریدی نے پردہ اٹھا دیا

منگل 22 دسمبر 2015 12:10

کراچی(اُردو پوائنٹ اخبارتازہ ترین - آن لائن۔22دسمبر۔2015ء)پاکستان کے مایہ ناز آل راؤنڈر شاہد خان آفریدی نے دوبڑے کھلاڑیوں یونس خان اور انضمام الحق کے درمیان ہونیوالی تلخ کلامی کی کہانی سنادی اور کہاکہ 2003ء کی بات ہے ، انضمام الحق تھوڑے جارحانہ موڈ کے ہیں ، وہ چاہتے ہیں کہ ان کے کوئی کھلاڑی بال لے اور نہ ہی کوئی قریب آئے۔

(جاری ہے)

نجی ٹی وی چینل کے پروگرام میں گفتگوکرتے ہوئے شاہدآفریدی نے بتایاکہ انضمام کے غصے کے باوجود وہ خود اور یونس خان فٹ بال کھیل رہے تھے ، ان کے بال چھیننے کیلئے وہ یا یونس خان ہی جاتے تھے ، انضمام الحق اور یونس خان دونوں ہی تھوڑا ایگریسوکھیلتے تھے ، کھیل میں اونچ نیچ ہوجاتی ہے ، اس پر انضام الحق سنجیدہ ہوگئے تو یونس خان کا موڈ بھی تھوڑاتبدیل ہوا، حالانکہ اْنہیں کچھ بھی کہہ لیں وہ مسکراتارہتاہے ، کھلاڑی اپنے اہلخانہ کیساتھ اتنا وقت نہیں گزارتے جتنااْنہیں ساتھی کھلاڑیوں کیساتھ بتانا پڑتاہے ، اس طرح کی باتیں ہوجاتی ہیں، ویسے یونس خان بھی انضمام کی بڑی عزت کرتے ہیں ، ایک کپتان اور ایک نائب کپتان تھا۔

کراچی میں شائع ہونے والی مزید خبریں