ملکی صرافہ مارکیٹوں میں سونے کی قیمت میں کمی کا رجحان

فی تولہ سونے کی قیمت44ہزار600روپے سے گھٹ کر44ہزار450روپے پر آگیا

پیر 28 دسمبر 2015 21:26

کراچی (اُردو پوائنٹ اخبارتازہ ترین - آن لائن۔28 دسمبر۔2015ء)عالمی صرافہ مارکیٹ میں فی اونس سونے کی قیمت گھٹ گئی جس کے بعد ملکی صرافہ مارکیٹوں میں بھی سونے کی قیمت میں کمی کا رجحان دیکھا گیا ۔پیر کے روز 4ڈالر کی کمی سے عالمی صرافہ مارکیٹ میں سونے کی فی اونس قیمت1072ڈالر ہو گئی ۔

(جاری ہے)

آل پاکستان سپریم کونسل جیولرز ایسوسی ایشن کی رپورٹ کے مطابق پیر کے روز ملکی صرافہ مارکیٹوں میں ایک تولہ سونے کی قیمت میں150روپے کی کمی ریکارڈ کی گئی جس کے بعد کراچی ،حیدرآباد ،لاہور ،ملتان ،فیصل آباد ،اسلام آباد ،راولپنڈی اور کوئٹہ کی صرافہ مارکیٹوں میں ایک تولہ سونے کی قیمت44ہزار600روپے سے گھٹ کر44ہزار450روپے پر آگیا اسی طرح 128روپے کے اضافے سے دس گرام سونے کی قیمت38ہزار100روپے ہو گئی جبکہ ایک تولہ چاندی کی قیمت660روپے پر مستحکم رہی

کراچی میں شائع ہونے والی مزید خبریں