مصنوعی اجالوں سے تاریکی کو دور کرنے کے بارے میں سوچنا محض خام خیالی ہے‘چانسلرسرسیدیونیورسٹی جاوید انوار
منگل 29 دسمبر 2015 13:56
کراچی(اُردو پوائنٹ اخبارتازہ ترین - این این آئی۔29 دسمبر۔2015ء)سرسید یونیورسٹی آف انجینئرنگ اینڈ ٹیکنالوجی کے چانسلر جاوید انوار نے کہا ہے کہ مصنوعی اجالوں سے تاریکی کو دور کرنے کے بارے میں سوچنا محض خام خیالی ہے۔ صرف علم کی روشنی ہی سے جہالت کے اندھیرے کو دور کیا جا سکتاہے۔جنوبی ایشیاء کے عظیم رہبر و مفکر سرسید احمد خان نے اپنی غیرمعمولی علمی و فکری صلاحیتوں کو بروئے کار لاتے ہوئے سماج کی تعمیر بذریعہ تعلیم کی مہم کا آغاز کیا جو تحریک علیگڑھ کے نام سے تاریخ کا ایک ناقابلِ فراموش باب بن گئی۔
انہوں نے یہ بات اردو کی معروف علمی و ادبی شخصیت پروفیسر ڈاکٹر صغیر افراہیم کے اعزاز میں علیگڑھ مسلم یونیورسٹی اولڈ بوائز ایسوسی ایشن کی جانب سے منعقدہ استقبالیہ سے خطاب کرتے ہوئے کہی۔(جاری ہے)
جناب صغیر افراہیم معروف تاریخی رسالہ تہذب الاخلاق کے مدیر اور علیگڑھ مسلم یونیورسٹی میں اردو کے پروفیسر ہیں اور آجکل کراچی کے دورے پر ہیں۔ انھوں نے کہا کہ فکر ی انحطاط کے اس دور میں تہذیبی روایات اور اقدار کا اعتبار قائم رکھنا آسان کام نہیں ہے۔
ہم روایات سے جڑے ہوئے لوگ ہیں اور ہمیں ماضی میں سفر کرتے رہنا اچھا لگتا ہے۔لیکن ارتقائی مراحل طے کرنے کے لیے ماضی کے سحر سے باہر نکلنا بہت ضروری ہے۔۱۸۵۷ء کی خونریزی کے بعد سرسید احمد خان کی رہنمائی میں جنوبی ایشیاء میں ایک بڑی تبدیلی آئی۔سرسید احمد خان نے ایک جدید طرز فکر کوروشناس کرایا اور انگریزی تعلیم کوترقی کے لیے لازمی قراردیا۔لیکن ہمارا معاشرہ ایک مرتبہ پھر خلفشار کا شکار ہے اور ضرورت اس بات کی ہے کہ اپنی محدود سوچ سے باہر نکلا جائے اور ملک کے عظیم تر مفاد کے لیے انفرادی فائدہ و نقصان سے بالاتر ہو کر کام کیا جائے۔ سرسید کے فکر و فلسفے کی روشنی میں لوگوں کی رہنمائی کی ضرورت آج پہلے سے کہیں زیادہ ہے۔اس موقع پر اپنے خیالات کا اظہار کرتے ہوئے علیگڑھ سے تشریف لائے ہوئے مہمان پروفیسر صغیر افراہیم نے کہا کہ مسلمانوں کے فنڈز سے علیگڑھ مسلم یونیورسٹی بنی اور اس یونیورسٹی کا فارغ التحصیل پہلا گریجویٹ ایک ہندوتھا۔ہم سرسید کا دو سو سالہ جشن بڑے شایانِ شان طریقے سے منانا چاہتے ہیں۔اردو کی تعلیم کے لیے یوپی کے ہر شہر میں سرسید احمد خان کے نام سے ایک اسکول قائم کرنے کی کوشش کی جارہی ہے۔ہمارے پاس بے پناہ فنڈز آتے ہیں جس سے ہم غریب طلباء کی مدد کرتے ہیں اور غریب طلباء کی ایک بڑی تعداد علیگڑھ مسلم یونیورسٹی میں پڑھ رہی ہے۔انھوں نے کہا کہ سرسید یونیورسٹی ایک دوسری علیگڑھ مسلم یونیورسٹی ہے اور سرسید یونیورسٹی میں بھی علیگڑھ مسلم یونیورسٹی کی طرح تمام شعبہ جات ہونے چاہیں۔اس فکر انگیز و بصیرت افروز تقریب کی نظامت کے فرائض ملک کے نامور دانشور و محقق خواجہ رضی حیدر نے نے انجام دیے۔جب کہ رکن مجلسِ منتظمہ نوشابہ صدیقی نے مہمان خصوصی کا تفصیلی تعارف کرایا۔اختتام تقریب پر چانسلر جاوید انوار نے معزز مہمان کو اپنی تصنیف کردہ کتاب پیش کی اور وائس چانسلر پروفیسر سید جاوید حسن رضوی نے سوونیئر بیگ پیش کیا۔جواباََپروفیسر صغیر افراہیم نے چانسلر جاوید انوار کو رسالہ تہذب الاخلاق کی کاپی پیش کی۔کراچی میں شائع ہونے والی مزید خبریں
ویمن ون ڈے سیریز؛ پاک ویسٹ انڈیزٹیموں کا کراچی میں ٹریننگ سیشن
حکومت نے اخراجات کے لیے ایک ہفتے کے دوران مقامی بینکوں سے 650 ارب روپے کا قرضہ لیا. اسٹیٹ بینک
رینجرزاور پولیس مشترکہ کاروائیاں،9ملزمان گرفتار
تجاوزات کو روکنے کے لیے تمام اداروں کو مل کر کام کر نے کی ضرورت ہے،کمشنر کراچی
سوئی سدرن گیس کا پیراڈائز بیکرز فیکٹری پر چھاپہ ، ایف آئی آر درج
کھیلوں کے نئے ٹیلنٹ کی تلاش کیلئے سندھ اسپورٹس سٹی بنائیں گی: وزیر کھیل سندھ
شادی اور ماں بننے کے بعد بورڈ کی سپورٹ سے کم بیک کامیاب ہوا،بسمہ معروف
محکمہ اسپورٹس سندھ نے صوبہ میں سندھ اسپورٹس سٹی بنانے اور ڈویژنل سطح پر اسپورٹس گیمز کرانے کا اعلان ..
صوبے میں صنعتی ترقی کے لئے تمام اسٹیک ہولڈرز کو مل کر کام کرنا ہوگا،جام اکرام اللہ دھاریجو
کوئی کسان اپنی زرعی زمین فروخت کریگا تو اس کو کسان کارڈ حکومت کو واپس کرنا ہوگا،سردار محمد بخش مہر
دوسرے منصوبوں کے ساتھ سکھر حیدرآباد موٹروے کو بھی ایس آئی ایف سی کے ذریعے ترجیح دی جائے، ناصر حسین ..
سندھ کے سینئر وزیر شرجیل انعام میمن کی ہدایات پر سندھ بھر میں منشیات فروشوں کے خلاف مہم جاری
کراچی سے متعلقہ
پاکستان کی تازہ ترین خبریں
-
سوشل میڈیا ہو یا مین سٹریم ن لیگ بیانیہ بنانے میں ناکام رہی ہے،سینیٹر عرفان صدیقی کااعتراف
-
بشریٰ بی بی کا میڈیکل چیک اپ مکمل واپس بنی گالا سب جیل منتقل کر دیاگیا
-
آئی ایم ایف کیساتھ ایک اور ڈیل ،پھر 2016کی طرح خیرباد کہا جائے گا‘ رانا مشہود
-
وفاقی وزیر خزانہ کی آئی ایم ایف /ورلڈ بینک کےا جلاس کے موقع پر مصروفیات، اہم شخصیات سے ملاقاتیں
-
وفاقی وزیر خزانہ محمد اورنگزیب سے انٹر نیشنل فنانس کارپوریشن کےڈ پٹی انڈر سیکرٹری برینٹ نیمین کی ملاقات
-
معروف عالم دین ڈاکٹراسرار احمد کا یوم پیدائش 26 اپریل کو منایا جائے گا
-
بیڈمنٹن کا سمر کیمپ 15 جون سے شروع ہو گا
-
ماشا یونائیٹڈ فٹ بال ٹیم نیشنل چیلنج کپ میں شرکت کرے گی،رانا اشرف خان
-
جس بھروسے کے ساتھ مجھے واپس لایا گیا ہے اس پر پورا اترنے کا پریشر ہے، محمد عامر
-
پاکستان اورویسٹ انڈیزکی ویمن ٹیموں کے درمیان ون ڈے سیریز کا دوسرا میچ (کل)کھیلا جائے گا
-
ویمن ون ڈے سیریز؛ پاک ویسٹ انڈیزٹیموں کا کراچی میں ٹریننگ سیشن
-
محکمہ داخلہ پنجاب کی ضمنی انتخابات کے دوران موبائل، انٹرنیٹ سروس معطل کرنے کی سفارش