ایف سی کالج کے طلباؤ طالبات نے لاہور سٹاک ایکسچینج کا مطالعاتی دورہ
جمعہ 13 مارچ 2015 23:29
لاہور ( اُردو پوائنٹ اخبارتازہ ترین - آن لائن۔13مارچ۔2015ء ) فار مین کرسچین کالج ( ایف سی کالج ) کے طلباؤ طالبات نے لاہور سٹاک ایکسچینج کا مطالعاتی دورہ کیا جو فنانشل لٹریسی پروگرام کے تحت اس کالج کے ساتھ تیسرا سیشن تھا ۔ اس موقع پر لاہور سٹاک ایکسچینج نے ساوٴتھ ایشن فیڈریشن آف ایکس چینجز (سیف) کے اشتراک سے اس سیمینار کا انعقاد کیا جس کے مہمانِ خصوصی لاہور سٹاک ایکسچینج کے مینیجنگ ڈائریکٹر اور چیف ایگزیکٹو آفیسر اور ساؤتھ ایشین فیڈریشن آف ایکسچینجز کے سیکریٹری جنرل آفتاب احمد چوہدری تھے۔
سیمینار کے شرکاء سے خطاب کرتے ہوئے لاہور سٹاک ایکسچینج کے کارپوریٹ کمیونیکیشن ڈیپارٹمنٹ کی مس گیتی بھٹی نے کہا کہ فنانشل لٹریسی پروگرام طلبہ و طالبات کو ملکی معیشت اور کیپٹل مارکیٹ سے آگاہی فراہم کرتاہے ۔(جاری ہے)
اس سے طلباء و طالبات میں بچت کرنے اور اپنی رقوم کو سرمایہ کاری کرنے کا شعور پیدا ہو گا۔ انہوں نے کہا کہ قومی سطح پر یہ اپنی نوعیت کا واحد پروگرام ہے جس کا مقصد تعلیمی اداروں کے طلبہ و طالبات کو فنانشل لٹریسی پروگرام سے آگاہی فراہم کرنا ہے جس سے نوجوان نسل کو مستقبل میں معاشی ذمہ داریوں کو بھر پور طریقے سے نبھانے کے قابل بنانا ہے۔
اس پروگرام کے تحت سکولوں کالجوں اور یونیورسٹیوں میں جا کر طلباء و طالبات کی معاشی استعداد کار بڑھانا مثلا بچت کرنا سرمایہ کاری کرنا اور رقم کا صحیح استعمال کرنا شامل ہے۔ اس موقع پر شرکاء کو بتایا گیا کہ سٹاک ایکسچینج فنانشل لٹریسی پروگرام کے لیے پلیٹ فارم فراہم کر رہا ہے اور پاکستان کی آبادی کے فنانشل لٹریٹ ہونے سے حاصل ہونے والے بے تحاشہ معاشی فوائد کو مد نظر رکھتے ہوئے یہ پروگرام ملک کے نوجوانوں کی فنانشل لٹریسی کی اہلیت بڑھانے کی بنیاد بنے گاجو کہ پاکستان کے معاشی سسٹم کو مضبوط بنانے کی طرف ایک اہم قدم ہو گا۔انہوں نے طلباؤ طالبات کو بتایا کہ اس قسم کے پروگراموں سے آپ لوگوں میں ملکی معیشت کے حوالے سے شعور اجاگر ہو گاآپ کو پتہ چلے گا کہ سٹاک مارکیٹ کیسے کام کرتی ہے؟ اور حصص کی ٹریڈنگ کیسے ہوتی ہے ؟۔ اس کے علاوہ کمپنیوں کی لسٹنگ اور ان کی کارکردگی سرمایہ کاری کے تحفظ میں سینٹرل ڈیپازٹری کمپنی CDC)) کے کردار اور اہمیت پر تفصیلی روشنی ڈالی اور بتایا کہ پروگرام سے طلبہ و طالبات کی فنانشل مارکیٹ کے حوالے سے معلومات میں اضافہ ہو گا جو انہیں عملی زندگی میں مدد دے گا۔ سیمینار مین سینٹرل ڈیپازٹری کمپنی آف پاکستان CDC))کے قیام کے مقصد پر روشنی ڈالنے کے ساتھ ساتھ نیشنل کلیئرنگ کمپنی آف پاکستان (NCCPL) سے متعلق بھی طلباؤ طالبات کو بریفنگ دی گئی۔ سی ڈی سی کی طرف سے انوسٹرز کے لئے بے شمار سہولیات دینے پربات چیت کرتے ہوئے طلباؤ طالبات کو بتایا گیا کہ اگر سی ڈی سی کی طرف سے دی جانے والی سہولیات کو مد نظر رکھا جائے اور ان پر عمل کیا جائے تو کاروبار میں شفافیت آئیگی اور انوسٹرز کا کاروبار مزید محفوظ اور اعتماد بحال ہو گا۔طلباؤ طالبات کی ایک تجربہ کار انوسٹر سے بھی ملاقات کرائی جنھوں نے طلباؤ طالبات کو سٹاک ایکسچینج کے متعلق زاتی تجر بہ کی بنیاد پر انوسٹمنٹ کے گر بتائے ۔ انھوں نے انوسٹرز صاحبان کے حوالے سے بتایا کہ انوسٹرز سی ڈی سی میں سب اکاؤنٹ کے علاوہ اپنا انوسٹر اکاؤنٹ ضرور کھلوائیں جس سے انوسٹرز کے اکاؤنٹس میں کسی دوسرے شخص کی مداخلت بالکل نہیں ہو سکتی اور شیئرز محفوظ رہتے ہیں ۔طلباؤ طالبات کو لوکل میوچل فنڈز انڈسٹریز کے حوالے سے بھی دلچسپ معلومات فراہم کیں۔ انھیں بتایا گیا کہ جو انوسٹرز نئی سرمایہ کاری کرنے کا ارادہ رکھتے ہیں اور ریڈی مارکیٹ کا انھیں خاص تجربہ نہیں ہے تو انھیں چائیے کہ وہ میوچل فنڈز اور آئی پی او سے کاروبار شروع کریں کیونکہ ان دونوں مصنو عات میں رسک کا عنصر کم ہوتا ہے۔ سیمینار کے آخر میں طلباؤ طالبات کو سٹاک ایکس چینج کے اندر بروکریج ہاؤسز کا دورہ کرایا گیا۔ جہاں پر طلباء نے بروکریج ہاؤسز کے اندر موجود انوسٹر ز صاحبان کو عملی طور پر کاروبار کرتے دیکھا۔متعلقہ عنوان :
لاہور میں شائع ہونے والی مزید خبریں
پنجاب بھر میں 1156 ٹریفک حادثات ، 03افراد جاں بحق1233زخمی ہوئے
کمشنر لاہور محمد علی رندھاوا کی زیر صدارت ٹینریز کے حوالے سے اجلاس
کمشنر لاہور محمد علی رندھاوا کا امتحانات چیکنگ کیلئے چوہنگ کا دورہ
کمشنر لاہور محمد علی رندھاوا کی زیر صدارت پتنگ بازی پابندی، یوم علیؓ اور ایسٹر پر انتظامات کے حوالے ..
ناجائز منافع خوروں کو 5لاکھ 2ہزار روپے جرمانے عائد
نوجوان پتنگ بازی کی بجائے، صحتمند کھیلوں کی سرگرمیوں میں حصہ لیں ‘ پرنسپل پی جی ایم آئی
عدالتی اصلاحات کیلئے اکیڈیمیا، بارز اور عدلیہ کو مل کر کام کرنا ہوگا‘ مقررین
وزیرآبپاشی کا نوٹس، پی کے پی اتھارٹی ملازمین کو جلد تنخواہیں ادا کرنے کا حکم
وزیراعلیٰ مریم نوازشریف کا صبح سویرے لاہورایس ایل تھری کا دورہ، جلد تکمیل کا حکم
مراکز صحت کی اپ گریڈیشن شروع، بی ایچ یو شامکے بھٹیاں پائلٹ پراجیکٹ ایک ہفتے میںمکمل،وزیر اعلیٰ مریم ..
گزشتہ دور حکومت کے دوران پنک راک سالٹ مائنز کی غیر قانونی الاٹمنٹ پر کیس نیب میں بھیجنے کا فیصلہ
سرسبز پنجاب، خوشحال کاشتکار‘‘ 5 سال میں صوبے بھر میں تمام کھالے پکے ،وزیر اعلیٰ مریم نواز کا سولر ٹیوب ..
لاہور سے متعلقہ
پاکستان کی تازہ ترین خبریں
-
ملک کے جیمز اینڈ جیولری سیکٹر کی ترقی پر توجہ دینے کی ضرورت ہے، صدر مملکت
-
وزیراعلیٰ مریم نوازشریف کا صبح سویرے لاہورایس ایل تھری کا دورہ، جلد تکمیل کا حکم
-
مراکز صحت کی اپ گریڈیشن شروع، بی ایچ یو شامکے بھٹیاں پائلٹ پراجیکٹ ایک ہفتے میںمکمل،وزیر اعلیٰ مریم نواز شریف معائنہ کرنے پہنچ گئیں
-
گزشتہ دور حکومت کے دوران پنک راک سالٹ مائنز کی غیر قانونی الاٹمنٹ پر کیس نیب میں بھیجنے کا فیصلہ
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
ملک دشمن عناصر بزدلانہ کارروائیوں سے پاکستانی قوم کے عزم کو شکست نہیں دے سکتے،وفاقی وزیر داخلہ محسن نقوی کا وزیر اعلی ہائوس پشاور میں اعلیٰ سطحی اجلاس سے خطاب
-
تحریک انصاف کا اتوار کو پشاور میں ریلی نکالنے کا اعلان
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
وزیر اعلیٰ پنجاب مریم نواز شریف کی ہدایت پر ستھرا پنجاب مہم کا آخری مرحلہ بھرپور انداز میں جاری
-
بجلی ایک ماہ کیلئے 5 روپے فی یونٹ مہنگی کر دی گئی
-
قومی ائیر لائن پی آئی اے کی نجکاری میں بڑی رکاوٹ دور ہوگئی