امید ہے دھاندلی کی تحقیقات کیلئے تحر یک انصاف اور (ن) لیگ جوڈیشل کمیشن سے تعاون کر ینگی ‘میاں منظور احمد وٹو،
حکومت کو بہت پہلے ہی تحریک انصاف کا مطالبہ تسلیم کر لینا چاہیے تھا ، پیپلز پارٹی سنٹرل پنجاب کے صدر منظور وٹو کا حکومت اور تحریک انصاف کے درمیان جوڈیشل کمیشن کے اتفاق پر ردعمل
ہفتہ 21 مارچ 2015 20:37
لاہور (اُردو پوائنٹ اخبارتازہ ترین - آئی این پی۔21مارچ۔2015ء) پیپلز پارٹی سنٹرل پنجاب کے صدر میاں منظور احمد وٹو نے مسلم لیگ (ن) اور تحریک انصاف کے درمیان جوڈیشل کمیشن کے قیام پر اتفاق رائے پر تبصرہ کرتے ہوئے کہا کہ اگرچہ یہ خبر بڑی دیر کے بعد آئی ہے لیکن نہ آنے سے تو بہتر ہے۔ انہوں نے کہا کہ حکومت کو بہت پہلے ہی پاکستان تحریک انصاف کا مطالبہ تسلیم کر لینا چاہیے تھا کیونکہ اس لمبے عرصے کے درمیان قوم غیر یقینی کی سوئی پر کئی مہینوں تک لٹکی رہی تھی اور ملک میں مایوسی اور ناامیدی کے بادل گہرے ہور ہے تھے۔
انہوں نے کہا کہ اس سیاسی تعطل نے قومی زندگی کے ہر شعبے کو مفلوج کر کے رکھ دیا تھا اور حکومت نام جیسی کوئی چیز نظرنہیں آرہی تھی۔ انہوں نے مزید کہا کہ اس دوران حکومت کی نااہلی کی وجہ سے یکے بعد بجلی، گیس اور پٹرول کے بحرانوں نے عوام کے مصائب میں بے پناہ اضافہ کر دیا تھا۔(جاری ہے)
انہوں نے کہا کہ بنیادی طور پر یہ حکومت کی ذمہ داری تھی کہ وہ ایسے سیاسی اقدامات کرتی جس سے سیاسی بحران جلد ختم ہو جاتا لیکن افسوس سے کہنا پڑتا ہے کہ حکومت دیکھو اور انتظار کرو کی پالیسی پر عمل پیرا اِس امید سے ہوئی کہ آخر کار دھرنے کی سیاست دم توڑ جائے گی۔
انہوں نے کہا کہ یہ غلط پالیسی تھی کیونکہ حالات بد سے بدتر ہوتے چلے گئے۔ انہوں نے مزید کہا کہ سیاسی بحران کے طول پکڑنے سے پاکستان کو سفارتی سطح پر بھی بڑی نقصان ہوا کیونکہ پاکستان کے سب سے اچھے دوست چین کے صدر کا دورہ اسی سیاسی بحران کی وجہ سے ملتوی ہوا ۔ یاد رہے کہ اس دورے کے دوران چین کے صدر نے پاکستان میں سرمایہ داری کے حوالے سے اربوں ڈالر کے معاہدوں پر دستخط کرنے تھے۔ اسکے علاوہ سری لنکا کے صدر کا دورہ بھی ملتوی ہوا۔ انہوں نے کہا کہ سیاسی ڈیڈلاک سے دنیا میں پاکستان کی بڑی جگ ہنسائی ہوئی جسکی موجودہ حکومت پوری طرح ذمہ دار ہے۔ انہوں نے کہا کہ اقوام عالم سوچنے پر مجبور ہو گئی تھی کہ آپس میں لڑنے والی قوم انتہاء پسندی اور دہشتگردی کے خلاف جنگ میں کیسے کامیاب ہو گی۔میاں منظور احمد وٹو نے کوچےئرمین آصف علی زرداری کی قیادت کو زبردست خراج عقیدت پیش کرتے ہوئے کہا کہ وہ شروع دن ہی سے اس مسئلے کے حل کے لیے ڈائیلاگ کی ضرورت پر زور دے رہے تھے کیونکہ دوسرے تمام راستے جمہوریت اور وفاق کے لیے نقصان دہ ہیں۔ انہوں نے کہا کہ قوم نے اس اچھی خبر ، کہ حکومت اور پاکستان تحریک انصاف کے درمیان تمام معاملات طے پا گئے ہیں،پر سکھ کا سانس لیا۔ انہوں نے امید ظاہر کی کہ دونوں جماعتیں اب جوڈیشل کمیشن کے ساتھ بھر پور تعاون کریں گی تا کہ کمیشن اپنی رپورٹ دےئے گئے وقت کے مطابق مکمل کرنے میں کامیاب ہو۔متعلقہ عنوان :
لاہور میں شائع ہونے والی مزید خبریں
ہم نئی جماعت نہیں لا رہے،بس ملک کو ایک نئی سوچ کی ضرورت ہے
اگر انتخابی نظام اور نئے الیکشن کی بات ہوتی ہے توسب بات کریں گے
Bٹرین پٹڑی سے اتر گئی، 2مسافر زخمی
ف*کامیاب درخواست گزار کے حج پر نہ جانے پر اخراجات سے 2 لاکھ روپے کٹوتی کا فیصلہ
غ*لیسکو کا تمام سرکلز میں اربوں روپے کی اووربلنگ کے خلاف تحقیقات کرنے کا فیصلہ
_لاہور: نہر سے نامعلوم شخص کی تشدد زدہ نعش برآمد
پولیس نے 13 سالہ ذہنی معذور بچی کو بازیاب کروا لیا
جسٹس(ر)ڈاکٹر منیر احمد مغل علمی و دینی اور عدالتی حلقوں میں مستند حیثیت کی حامل شخصیت تھے، مقررین
ایکسپو سنٹر لاہور میں ایگری کوالیشن2024ء نمائش کا انعقاد، زراعت کی ترقی کیلئے جدید ٹیکنالوجی پر تبادلہ ..
یکم مئی کو منعقد ہونے والی قومی فلسطین کانفرنس امت مسلمہ کی ترجمانی کرے گی، ڈاکٹر عبدالغفور راشد
صوبائی وزیر معدنیات سردار شیر علی خان گورچانی کی زیر صدارت اہم اجلاس،ترقیاتی کاموں کا جائزہ لیا گیا
صوبائی وزیر صحت خواجہ سلمان رفیق کا وزیر تعمیرات و مواصلات کے ہمراہ ڈی ایچ کیو ہسپتال گجرات کا دورہ
لاہور سے متعلقہ
پاکستان کی تازہ ترین خبریں
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
اگر انتخابی نظام اور نئے الیکشن کی بات ہوتی ہے توسب بات کریں گے
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری