صوبے میں ہیلتھ انشورنس سسٹم رواں سال جون سے شروع کر دیاجائے گا‘ سلمان رفیق
جمعہ 3 اپریل 2015 22:39
لاہور (اُردو پوائنٹ اخبار تازہ ترین۔03 اپریل۔2015ء) مشیر وزیراعلی پنجاب برائے صحت خواجہ سلمان رفیق نے کہا ہے کہ صوبے میں غریب اور متوسط طبقہ کے لوگوں کو علاج معالجہ کی معیاری سہولیات کی فراہمی یقینی بنانے کے لئے ہیلتھ انشورنس سسٹم رواں سال جون سے شروع کر دیا جائے گا - انہوں نے کہا کہ پہلے مرحلہ میں صوبے کے پسماندہ ترین اضلاع لیہ ، راجن پور، چکوال اور حافظ آباد میں یہ سکیم شروع کی جا رہی ہے جس کے بعد اس سکیم کا دائرہ کارپورے صوبے میں پھیلا دیا جائے گا - انہوں نے یہ بات ڈاکٹر عائشہ غوث پاشا کی زیر صدارت ہونے والے پنجاب ہیلتھ انیشیٹوز مینجمنٹ کمپنی (Punjab Health Initiatives Management Company) کے بورڈ آف ڈائریکٹرز کے اجلاس سے خطاب کرتے ہوئے کہی - اجلاس میں سیکرٹری ہیلتھ جواد رفیق ملک ، پنجاب ہیلتھ فاؤنڈیشن کے ایم ڈی اظہار احمد شیخ ، پروفیسر ہمایوں مقصود، ایڈیشنل سیکرٹری محکمہ خزانہ ظہور احمد ، محمد اعجاز حسین ممبر P&D ، ڈاکٹر نعیم الدین میاں، LUMS کے پروفیسر تراب، ڈی جی پی آئی ٹی بی رضوان رشید اور دیگر افسران نے شرکت کی - اجلاس میں بورڈ آف ڈائریکٹرز نے پنجاب ہیلتھ انیشیٹوز مینجمنٹ کمپنی کے چیف ایگزیکٹو آفیسر ، کمپنی کے سیکرٹری ، چیف فنانشنل آفیسر ، ڈائریکٹر انرولمنٹ ، ڈائریکٹر Empanallment ، ڈائریکٹر ہیلتھ انشورنس ، ڈائریکٹر آئی ٹی / ایم آئی ایس کے عہدوں کے لئے موذوں افراد کی سلیکشن کا کرائیٹیریا ، تعلیمی قابلیت ، تجربہ اور پے پیکیج کے حوالے سے سفارشات کو حتمی شکل دی، اس بارے میں پنجاب ہیلتھ فاؤنڈیشن کے ایم ڈی اظہار احمد شیخ نے بریفنگ دی - خواجہ سلمان رفیق نے کہا کہ صوبے کے غریب عوام کو صحت کی معیاری سہولیات کی فراہمی وزیر اعلی محمد شہباز شریف کی اولین ترجیح ہے جس کے لئے ہیلتھ انشورنس کا نظام شروع کیا جا رہا ہے - انہوں نے کہا کہ اس سسٹم کو کامیابی سے چلانے کے لئے اعلی صلاحیتوں کے حامل تجربہ کار اور قابل افراد کی ضرورت ہے جس کے لئے پنجاب ہیلتھ انیشیٹوز مینجمنٹ کمپنی کے عہدیداروں کا چناؤ انتہائی احتیاط کے ساتھ اور خالصتامیرٹ کی بنیاد پر اوپن مارکیٹ سے کیا جائے گا اور اس کے لئے معقول پے پیکیج دیا جائے گاتا کہ تاکہ اہل ، محنتی اور قابل لوگ آگے آئیں - ڈاکٹر عائشہ غوث پاشا نے کہا کہ آج کے بورڈ آف گورنرز کے اجلاس کی سفارشات وزیر اعلی پنجاب کو ان کی منظوری کے لئے بھجوائی جائیں گی -انہوں نے کہا کہ ہیلتھ انشورنش سکیم جون کے آخر تک شروع کرنے کے لئے تمام انتظامات کو تیز رفتاری کے ساتھ حتمی شکل دی جا رہی ہے - انہوں نے کہا کہ مستحقین کا انتخاب کرنے کے لئے بے نظیر انکم سپورٹ پروگرام کے تحت غریب خاندانوں کا نادرا کا مرتب کردہ ڈیٹا سے مدد لی جا رہی ہے -ڈاکٹر عائشہ غوث پاشا نے کہا کہ ہیلتھ انشورنس سکیم وزیر اعلی پنجاب محمد شہباز شریف کا صوبے کے غریب عوام کو ریلیف مہیا کرنے کے لئے ایک اور تاریخی اقدام ہے - (محمد سلیمان)
لاہور میں شائع ہونے والی مزید خبریں
پنجاب بھر میں مختلف ٹریفک حادثات میں 596 افراد شدید زخمی ہو گئے
لاہور پریس کلب میں اقراء کلب کی ہفتہ وار نشست
تمام اضلاع اور تحصیلوں میں ڈرائیونگ سکول کے قیام کو یقینی بنایا جائی: مرزا فاران بیگ
خاتون اول ایران ڈاکٹر جمیلہ عالم الہدی کا ہوم اکنامکس یونیورسٹی کا تاریخی دورہ
شاہین نے رضوان کو ٹی ٹوئنٹی کا بریڈمین قرار دے دیا
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
عالمی ہفتہ برائے حفاظتی ٹیکہ جات 24 سے 30 اپریل تک منایا جائیگا، صوبائی وزیر صحت خواجہ عمران نذیر
چوہدری قمر عباس پاکستان عوامی تحریک جنوبی پنجاب کے صدر مقرر،نوٹیفکیشن جاری
رمضان کیلئے بنائے گئے صوبائی کنٹرول روم میں بہترین کارکردگی کا مظاہرہ کرنے والوں میں سرٹیفکیٹ تقسیم ..
پنجاب میں سرمایہ کاری پر چینی کمپنی کو ہر ممکن سہولت فراہم کریں گے، وزیر صنعت چوہدری شافع حسین
ضلعی انتظامیہ کی غفلت سے رائے ونڈ میں گرانفروش بے لگام ،پرائس کنٹرول مجسٹریٹ ناکام
لاہور سے متعلقہ
پاکستان کی تازہ ترین خبریں
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
شاہین نے رضوان کو ٹی ٹوئنٹی کا بریڈمین قرار دے دیا
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
-
ایرانی صدر کی کراچی آمد،سکیورٹی ڈویژن کے 800سے زائد اہلکارتعینات
-
ایبٹ آباد میں پروٹیکٹوریٹ آف امیگرینٹس کا دفتر جون 2024ء سے اپنا کام شروع کر دے گا، اعظم نذیرتارڑ
-
وفاقی حکومت کی طرف سے منڈا، داسو اور دیامر بھاشا ڈیموں کے منصوبوں کی تعمیر پر کام جاری ہے، یہ بروقت مکمل ہونگے، اعظم نذیر تارڑ