کم آمدن والے طبقات کیلئے 50ہزارگھروں کی تعمیرپنجاب حکومت اورترکی کے معروف ادارے ٹوکی میں تعاون کا معاہدہ
ماڈل ٹاؤن میں معاہدے پر دستخط کی تقریب وزیراعلیٰ پنجاب محمد شہبازشریف مہمان خصوصی،ترک سفیرکی بھی شرکت
ہفتہ 2 جنوری 2016 22:09
ؒلاہور( اُردو پوائنٹ اخبارتازہ ترین - این این آئی۔02 جنوری۔2016ء) پنجاب حکومت اورترکی کے ہاؤسنگ سیکٹر کے معروف ادارے کے درمیان یہاں ایک معاہدے پر دستخط ہوئے جس کے مطابق ہاؤسنگ ڈویلپمنٹ ایڈمنسٹریشن ترکی(ٹوکی ) پنجاب میں کم لاگت کے 50ہزار گھروں کی تعمیر کیلئے تکنیکی معاونت فراہم کرے گا۔معاہدے کے تحت ترک ادارہ 2016ء میں 25ہزارگھروں اور2017ء میں مزید25ہزار گھروں کی تعمیر میں پنجاب حکومت کو تکنیکی اورفنی معاونت مہیا کرے گا۔
ماڈل ٹاؤن میں معاہدے پر دستخط کی تقریب کے مہمان خصوصی وزیراعلیٰ پنجاب محمد شہبازشریف تھے ۔پنجاب حکومت کی جانب سے صوبائی وزیر ہاؤسنگ تنویر اسلم ملک جبکہ ٹوکی کی جانب سے ادارے کے صدرمہمت ارگن توران نے معاہدے پر دستخط کیے۔پاکستان میں ترکی کے سفیر ایس بابر گرگن موجو د تھے ۔(جاری ہے)
وزیراعلیٰ پنجاب محمد شہبازشریف نے اس موقع پر میڈیا کے نمائندوں سے گفتگوکرتے ہوئے کہا کہ پنجاب حکومت اورترکی کے ہاؤسنگ سیکٹر کے مایہ ناز سرکاری ادارے کے مابین طے پانے والا معاہدہ خوش آئندہے ۔
انہوں نے کہا کہ ترکی کے صدر رجب طیب اردگان کی سربراہی میں نچلے طبقے سے تعلق رکھنے والے لاکھوں ترک باشندوں کو گھر بناکر دیئے گئے ہیں اورترکی کے معروف ادارے ٹوکی نے گزشتہ 15سالوں میں 8سے 9لاکھ گھر بنائے ہیں اوریہ ادارہ اگلے 5سال میں مزید 5 لاکھ گھر تیار کرنے کا ارادہ رکھتا ہے۔ترکی کے اس ماڈل کے تحت لاکھوں بے گھر ترک باشندوں کو گھر فراہم کیے گئے ہیں اورانہیں اپنی چھت دی گئی ہے۔اس ماڈل کے تحت گھر تیار کر کے آسان قسطوں پر دیئے جاتے ہیں۔ترکی کا یہ ماڈل ترکی سمیت دیگرممالک میں بھی بہت مقبول اورکامیاب ہے۔میں ٹوکی کے وفد کی آمد پر بے حد مشکور ہوں پاکستان ان کادوسرا گھر ہے ۔ہمیں ان کی یہاں آمد پر خوشی ہوئی ہے ۔ہم ہاؤسنگ سیکٹر میں ان کے تجربے سے فائدہ اٹھائیں گے۔میں ترک صدر رجب طیب اردگان اور وزیراعظم احمد داؤد اگلو کا بھی شکرگزار ہوں جنہوں نے ترک ادارے کو ہماری مددکیلئے بھیجا ہے ۔انہوں نے کہا کہ پاکستان اورپنجاب میں غریب لوگوں کیلئے کم لاگت ہاؤسنگ سکیموں کا فقدان ہے ۔امرا اوراشرافیہ کیلئے تو رہائشی سکیمیں بنتی رہی ہیں لیکن عام آدمی کیلئے کسی نے نہیں سوچا ،پنجاب حکومت نے ایسے عظیم پاکستانیوں کیلئے آشیانہ ہاؤسنگ سکیمیں شروع کیں جن میں بے گھر افرادکیلئے سینکڑوں گھر بنائے جاچکے ہیں ۔توانائی بحران پاکستان کاسب سے بڑا چیلنج ہے ۔وزیراعظم نوازشریف کی سربراہی میں توانائی بحران کیلئے دن رات کام کیا جارہا ہے اور میں بھی توانائی کمیٹی کا ممبر ہوں اس لئے آشیانہ ہاؤسنگ سکیموں میں کچھ گیپ آیا۔بجلی کے منصوبوں پر پاکستان بھر میں تیزرفتاری سے کام شروع ہوچکا ہے ،جن کی تکمیل سے ہزاروں میگاواٹ بجلی نیشنل گرڈ میں شامل ہوگی۔اب ہمیں کم لاگت ہاؤسنگ سکیموں پر توجہ دینا ہے اوربے گھر افراد کو چھت کی فراہمی کیلئے کم لاگت ہاؤسنگ سکیموں کو تیزرفتاری سے آگے بڑھانا ہے ۔اسی مقصد کے تحت آج ترک ادارے ٹوکی سے معاہدہ ہوا ہے ہم ہاؤسنگ سکیموں کی پلاننگ کے حوالے سے ان کے تجربے سے بھر پور استفادہ کریں گے۔ترک ادارہ بطور بھائی ،دوست اورگھر کے فرد کی طرح اپنے تجربے سے ہماری مددکرے گااورہم ان کے ماڈل کو اپنا کرملک کے اندرایسے عظیم پاکستانیوں کو چھت دیں گے جو اس سے محروم ہیں ۔انہوں نے کہا کہ ہم دو سالوں میں50ہزار گھربنانا چاہتے ہیں،کم لاگت ہاؤسنگ سکیموں کے فنانشل ماڈل،مینجمنٹ ،ٹیکنالوجی،ایڈمنسٹریٹو ماڈل اوراراضی کی بہترین استعمال کے حوالے سے ترک ادارے کے تجربات سے فائدہ اٹھائیں گے۔کم لاگت ہاؤسنگ سکیموں کو تیزرفتاری سے آگے بڑھائیں گے ،میں صوبائی وزیر ہاؤسنگ تنویر اسلم ملک، سیکرٹری ہاؤسنگ،سیکرٹری لوکل گورنمنٹ اورپنجاب کے دیگر حکام کا شکرگزار ہوں جنہوں نے عام آدمی کو سہارا دینے اوراپنی چھت فراہم کرنے کے حوالے سے کاوشیں کی ہیں۔تقریب سے صوبائی وزیر ہاؤسنگ تنویر اسلم ملک،ترک ادارے ٹوکی کے صدر مہمت ارگن توران،ترک سفیرایس بابر گرگن نے بھی خطاب کیا ۔ٹوکی کے صدر نے اپنے خطاب میں کہا کہ پنجاب حکومت کو کم لاگت ہاؤسنگ سکیموں کے حوالے سے اپنے تجربات منتقل کریں گے اوراس ضمن میں ہمارا تعاون پنجاب حکومت کو حاصل رہے گا۔انہوں نے کہا کہ وزیراعلیٰ پنجاب محمد شہبازشریف کے ساتھ انتہائی سود مند ملاقات ہوئی،جس میں ہم نے کم لاگت کے گھروں کی تعمیر کے حوالے سے پنجاب حکومت کے ساتھ تکنیکی تعاون بڑھانے پر اتفاق کیاہے اوراس ضمن میں اپنے تجربات پنجاب حکومت کے ساتھ شیئر کریں گے۔قبل ازیں وزیراعلیٰ پنجاب محمد شہباز شریف سے ہاؤسنگ ڈویلپمنٹ ایڈمنسٹریشن ترکی(ٹوکی)کے صدر مہمت ارگن توران کی قیادت میں اعلی سطح کے وفدنے ملاقات کی،جس میں ٹوکی کے وفد نے پنجاب کے ہاؤسنگ سیکٹر میں تعاون میں گہری دلچسپی کا اظہارکیا۔وزیراعلیٰ نے ترک وفد سے گفتگو کرتے ہوئے کہا کہ پاکستان اورترکی گہرے ،تہذیبی،ثقافتی،تاریخی اوردوستانہ تعلقات میں بندھے ہوئے ہیں۔دونوں ملکوں کے عوام کے دل ایک ساتھ دھڑکتے ہیں۔ترکی نے مشکل کی ہر گھڑی میں پاکستان کا ساتھ دیا ہے ۔وزیراعلیٰ نے کہا کہ ہاؤسنگ ڈویلپمنٹ ایڈمنسٹریشن ترکی کی جانب سے کم لاگت گھروں کی تعمیر کے حوالے سے تکنیکی تعاون کا خیر مقدم کریں گے۔انہوں نے کہا کہ پنجاب حکومت اس ضمن میں ہر ممکن سہولتیں فراہم کرے گی۔صدر ٹوکی نے ترک صدررجب طیب اردگان اوروزیراعظم احمد داؤد اوگلوکی جانب سے وزیراعلیٰ پنجاب شہبازشریف کیلئے نیک خواہشات کا پیغام پہنچایا۔صدر ٹوکی نے گفتگو کرتے ہوئے کہا کہ پنجاب حکومت کو ہاؤسنگ سیکٹر میں تکنیکی معاونت فراہم کرنے کیلئے تیار ہیں ۔پاکستان میں ترکی کے سفیر ایس بابر گرگن ،صوبائی وزیر ہاؤسنگ تنویر اسلم ملک ،خواجہ احمد حسان،شوکت ترین ،سینئرممبر بورڈ آف ریونیو،سیکرٹری لوکل گورنمنٹ،چیئرمین منصوبہ بندی وترقیات اورمتعلقہ حکام کے علاوہ ٹوکی کے اعلی عہدیداران بھی اس موقع پر موجود تھے ۔متعلقہ عنوان :
لاہور میں شائع ہونے والی مزید خبریں
پاکستان میں کڈنی اینڈ لیور ٹرانسپلانٹیشن کا آغاز مسلم لیگ (ن) کی حکومت میں ہوا،خواجہ سلمان رفیق
پنجاب میں 29 اپریل تک گرج چمک کے ساتھ بارش و ژالہ باری کاامکان ہے ،ترجمان پی ڈی ایم اے
دریائوں اور آبی ذخیروں میں پانی کی صورتحال
حکومت دعوئوں کی بجائے عوامی مسائل پر توجہ دے ‘ سنی علما کونسل
حکمرانوں نے ملک کوآئی ایم ایف کی کا لو نی بنا دیا ہے ‘ جے یو آئی
حکومت سودی نظام کے خا تمے کیلئے اقدامات کرے‘ متحدہ علما کونسل
بانی پی ٹی آئی جلد رہا ہو کر عوام کے درمیان موجود ہوں گے‘فرخ جاوید مون
لاہور ،مختلف واقعات میں 5افراد جاں بحق
بجلی چوروں کیخلاف آپریشن جاری، اب تک کی کارروائیں میں 74ہزار6سو21ملزمان گرفتار
پنجاب کی طبی درسگاہوں میں ریسرچ کو پروان چڑھائیں گے‘خواجہ سلمان رفیق
پانچویں عاصمہ جہانگیر کانفرنس(کل) ہو گی
سادہ چیزوں میں رومانس مجھے زیادہ متاثر کرتا ہے، صنم جنگ
لاہور سے متعلقہ
پاکستان کی تازہ ترین خبریں
-
قومی معیشت کو نقصان پہنچانے والے عناصر کا احتساب ہو گا،ٹوبیکو، کھاد اور سیمنٹ فیکٹریوں میں ٹریک اینڈ ٹریس سسٹم کے معاہدےمیں فراڈ کی کی تحقیقات کے لیے کمیٹی قائم کرنے کا حکم دے دیا ہے ، وزیر اعظم ..
-
پنجاب میں ہمارے گھروں میں بنا وارنٹ چھاپے مارے جا رہے ہیں،عمرایوب
-
پنجاب کی طبی درسگاہوں میں ریسرچ کو پروان چڑھائیں گے‘خواجہ سلمان رفیق
-
ساہیوال نسل کی گائے سب سے زیادہ دودھ دینے والے پالتو جانوروں میں پہلے نمبرپر آگئی
-
رسول خدا احمدِ مجتبیٰ محمد مصطفیٰ کے تمام صحابہ و اہل بیت باکمال تھے،ثروت اعجاز قادری
-
الیکشن کمیشن نے آزاد ارکان قومی اسمبلی کی سنی اتحاد کونسل میں شمولیت کو تسلیم کرلیا
-
اپنے بڑوں سے بات کریں ،اتنا ظلم نہ کریں ہم آپ کا حصہ نہیں بن سکتے،چیف جسٹس سندھ ہائیکورٹ
-
اجتماعی کاوشوں سے معاشی صورتحال بہترہورہی ہے،وزیراعظم شہباز شریف
-
سپریم کورٹ کو سب نے مذاق بنایا ہوا ہے،چیف جسٹس کے سماعت کے دوران ریمارکس
-
برائلرگوشت اورفارمی انڈوں کے نرخ
-
وزیر اعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہے‘ سعد رفیق
-
لاہور ہائیکورٹ نے فواد چوہدری کو مزید7روز تک گرفتار کرنے سے روک دیا