با اثر زمیندار نے مبینہ طور پر زمین ہتھیانے کیلئے 40سالہ شخص کو اغواء کر کے تانبے کی تار سے ہونٹ سی دئیے
تھانے جاتے تو ہمیں غلیظ گالیاں دی جاتیں، اگر انصاف نہ ملا تو اپنے چھ بچوں سمیت خود سوزی کر لوں گی ، اہلیہ رابعہ کی گفتگو
جمعرات 7 جنوری 2016 17:48
لاہور ( اُردو پوائنٹ اخبارتازہ ترین - این این آئی۔07 جنوری۔2016ء) ٰسانگلہ ہل کے با اثر زمیندار نے مبینہ طور پر زمین پر قبضہ کرنے کیلئے 40سالہ شخص کو اغواء کر کے تانبے کی تار سے ہونٹ سی دئیے ، بد ترین تشدد اور ٹانگ میں گولی مارنے کے بعد نیلا گنبد کے قریب پھینک کر فرار ہو گئے ، اہل خانہ نے الزام عائد کیا ہے کہ ملزمان کو سیاسی پشت پناہی حاصل ہے اور وفاقی وزیر برجیس طاہر کے پاس جاتے ہیں تو وہ صلح کیلئے دباؤ ڈالتے ہیں، وزیر اعلیٰ پنجاب نے واقعے کا نوٹس لیتے ہوئے پولیس حکام سے تفصیلی رپورٹ طلب کر لی ۔
بتایا گیا ہے کہ سانگلہ ہل کے با اثر زمیندار اسد عزیز عرف ٹیپو ،اسکے والد سعید ، تنویر گھمن نے مبینہ طور پر چالیس سالہ شخص علی عادل کو اس کی زمین ہتھیانے کے لئے اپنے ملازمین کے ہمراہ گزشتہ ماہ کی 15تاریخ کو اس کی رہائشگاہ سے اغواء کیا ۔(جاری ہے)
اہل خانہ نے پولیس کو درخواست دی لیکن اس پر کوئی کارروائی نہ ہو سکی ۔چند روز قبل ملزمان نے عادل کے گھر والوں کو بذریعہ کورئیر ایک یو ایس بی بھجوائی جسے کمپیوٹر پر لگا کر دیکھا گیا تو اس میں تین مسلح افراد عادل پر تشدد کر رہے ہیں جبکہ اس کے ہونٹ تانبے کے تار سے سی دیئے گئے ۔
گزشتہ روز نقاب پوش ملزمان علی عادل کو ٹانگ میں گولی مارنے کے بعد نیلا گنبد کے قریب شدید زخمی حالت میں پھینک کر فرار ہو گئے ۔ راہگیروں نے عادل کو فوری طور پر میو ہسپتال پہنچایا جہاں ڈاکٹر وں نے اسے طبی امداد دینے کی کوشش کی لیکن متاثرہ شخص کا کہنا تھا کہ جب تک اسکی والدہ نہیں آئے گی وہ ہونٹ نہیں کھلوائے گا ۔ علی عادل نے گفتگو کرتے ہوئے کہا کہ اسے اسد عزیز عرف ٹیپو، اسکے والد سعید او ر تنویر گھمن نے اپنے ملازمین کے ہمراہ اغواء کرکے وحشیانہ تشدد کا نشانہ بنایا اور اس دوران اسے زبردستی گدھے کا پیشاب پینے پر مجبور کیا جاتا رہا ۔ اطلاع ملنے پر علی عادل کی والدہ، اہلیہ رابعہ اور بھائی میو ہسپتال پہنچ گئے ۔ والدہ نے گفتگو کرتے ہوئے کہا کہ زمین کے تنازعہ پر اسکے بیٹے کو اغواء کیا گیا اور پولیس نے ہماری کوئی مدد نہیں کی ۔ ملزمان کوسیاسی پشت پناہی حاصل ہے ۔ وفاقی وزیر برجیس طاہر کے پاس بھی گئے ہیں وہ کہتے ہیں کہ صلح کر لیں ۔ علی عادل کی اہلیہ رابعہ نے روتے ہوئے صحافیوں کو بتایا کہ دسمبر کی 15تاریخ کو ملزمان ہمارے گھر میں داخل ہو کر میرے اوپر تشدد کر رہے تھے کہ اس دوران میرا شوہر علی عادل موقع پر پہنچ گیا جس پر ملزمان نے مجھے چھوڑ کر میرے خاوند پر تشدد شروع کر دیا اور عادل کے سر پر اسلحے کا بٹ مارا جس سے وہ بیہوش ہو کر گرا پڑا اور اسے گاڑی میں ڈال کر ساتھ لے گئے ۔ رابعہ نے کہا کہ ہم نے فوری طو رپرپولیس کو درخواست دی لیکن کوئی شنوائی نہیں ہوئی بلکہ ہم تھانے جاتے تو ہمیں غلیظ گالیاں دی جاتیں ۔ انہوں نے کہا کہ تنویر گھمن پولیس اہلکار ہے جبکہ ملزمان کو سیاسی پشت پناہی حاصل ہے ۔ رابعہ نے کہا کہ ہم برجیس طاہر اور میاں اعجا ز کے پاس جاتے ہیں تو ہمیں کہا جاتا ہے کہ صلح کر لو یہی بہتر ہے ۔بعدا زاں ڈی پی او کے کہنے پر تین جنوری کو ہمارا مقدمہ درج کیا گیا لیکن تاحال ملزمان کو گرفتار نہیں کیا گیا ۔ رابعہ نے بتایا کہ ہمیں فون پر اطلاع ملی اور ہم یہاں پہنچ گئے ہیں۔ میں وزیر اعظم نواز شریف ،وزیر اعلیٰ پنجاب شہباز شریف اور دیگر اعلیٰ حکام سے مطالبہ کرتی ہوں کہ ہمیں انصاف دیا جائے ، اگر انصاف نہ ملا تو اپنے چھ بچوں سمیت یہیں پر خود سوزی کرلوں گی ۔ ہسپتال میں انتہائی رقت آمیز مناظر دیکھنے میں اور والدہ کے آنے پر علی عادل نے اپنے سلے ہوئے ہونٹ کھولنے کی اجازت دی ۔ وزیر اعلیٰ پنجاب نے میڈیا پر خبر نشر ہونے کے بعد اس کا نوٹس لیتے ہوئے پولیس حکام سے اس کی تفصیلی رپورٹ طلب کر لی ہے ۔لاہور میں شائع ہونے والی مزید خبریں
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
وزارت مذہبی امور کے زیر اہتمام عازمین حج کیلئے تربیتی پروگرام کا انعقاد
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
دیہی خواتین کی طرح خانہ بدوش خواتین میں نسوانی بیماریوں کی شرح زیادہ ہے تاہم انہیں آگاہی کی ضرورت ہے، ..
لیسکو کی جانب سے نادہندگان کے خلاف مہم جاری
اسسٹنٹ ڈائریکٹر اعجاز بخاری محکمہ جیل خانہ جات میں 41سال خدمات سر انجام دینے کے بعد ریٹائر ہو گئے
وزیر تعلیم پنجاب نے امتحانی شکایات سے آگاہی کیلئے واٹس ایپ نمبر جاری کر دیا
وزیرزراعت عاشق حسین کرمانی سے ڈائریکٹر سیلز ایشیا کن کمپنی سٹفین اوڈن کی ملاقات
بشریٰ بی بی اپنے بیڈ روم میں بیٹھ کر سزا پوری کر رہی ہیں ،فتنہ فساد پارٹی کو پروپیگنڈے کے علاوہ کوئی کام ..
چین کی آٹھ کمپنیاں نواز شریف آئی ٹی سٹی میں فوری طور پر کام کرنے کیلئے تیار، پاکستان کے پہلے آئی ٹی ..
کمشنر لاہور و چیئرمین لاہور بورڈ محمد علی رندھاوا کا امتحانی مراکز ہالز لارنس روڈ کا دورہ
جی سی یو میں بائیو سائنسز کے موضوع پر انٹرنیشنل کانفرنس کا انعقاد
لاہور سے متعلقہ
پاکستان کی تازہ ترین خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
پاکستان سٹاک ایکسچینج میں تیزی کانیاریکارڈقائم،انڈیکس 619.79 پوائنٹس کے اضافہ کے بعد 70909.90 پوائنٹس پربند
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
شادی اور ماں بننے کے بعد بورڈ کی سپورٹ سے کم بیک کامیاب ہوا،بسمہ معروف
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو