پاکستان کو چاہیے کہ وہ سعودی ایران تنازعہ میں مسئلے کاحصہ بننے کی بجائے حل کا حصہ بنے‘سراج الحق
عالم اسلام نے مل کر امریکہ کی سازشوں کا مقابلہ نہ کیا تو اگلا ٹارگٹ سعودی عرب اور پاکستان ہو سکتے ہیں، اتحاد ایٹم بم سے بھی زیادہ اہم ہے ،خوشی ہے کہ حکو مت اقتصادی راہداری کے حوالے سے اپنی کہی ہوئی بات پر قائم ہے ‘امیرجماعت اسلامی
اتوار 17 جنوری 2016 17:07
لاہور (اُردو پوائنٹ اخبارتازہ ترین - این این آئی۔17 جنوری۔2016ء) امیر جماعت اسلامی و سینیٹر سراج الحق نے کہا کہ پاکستان کو چاہیے کہ وہ سعودی ایران تنازعہ میں مسئلے کاحصہ بننے کی بجائے حل کا حصہ بنے،اگر عالم اسلام نے مل کر امریکہ کی سازشوں کا مقابلہ نہ کیا تو اگلا ٹارگٹ سعودی عرب اور پاکستان ہو سکتے ہیں، اتحاد ایٹم بم سے بھی زیادہ اہم ہے ،خوشی ہے کہ حکو مت اقتصادی راہداری کے حوالے سے اپنی کہی ہوئی بات پر قائم ہے ، دفاع کے بعد سب سے زیادہ تعلیم پر خر چ کیا جانا چاہیے، حکومت سے سکولوں ، کالجوں اور یونیورسٹیوں سمیت تمام تعلیمی اداروں سے طلبایونین پر پابندی ختم کرنے کا مطالبہ کر تا ہوں ۔
ان خیالات کا اظہا ر انہوں نے پنجاب یونیورسٹی ایس ٹی سی میں اسلامی جمعیت طلبا ء کی جانب سے" ایلومنائی میِٹ"2016کی تقریب سے خطاب کے دوران کیا ، تقریب سے فرید احمد پراچہ ، لیاقت بلوچ، حافظ سلمان بٹ ، امیر العظیم ، ذکر اللہ مجاہد اور دیگر نے خطاب کیا ۔(جاری ہے)
سراج الحق نے کہا کہ پنجاب یونیورسٹی کے درو دیوار، کلاس روم اور ہاسٹلزسے میری بہت سی یا دیں وابستہ ہیں ،یونیورسٹی ماں کی طرح ہے اس کا پوری قوم پر احسان ہے اس نے قوم کو قیادت دی،فرید پراچہ دیا لیاقت بلوچ دیا جہانگیر بدر دیا جاوید ہاشمی دیا اور مولانا مودودی جیسے ہیرے جواہرات دیئے ،مولانا مودودی صرف جماعت اسلامی کا سرمایہ نہیں بلکہ عالم اسلام اور پوری امت کا سرمایہ تھے وہ پوری امت کے محسن تھے ان کا دیا ہوا اسلامی معاشی نظام آج پوری دنیا میں نافذ ہے ، اور انشاء اللہ پاکستان میں ان کی تعلیمات کی روشنی میں اسلام نا فذ ہو کر رہے گا ۔
انہوں نے کہا کہ ہم نے کے پی کے میں صرف باتوں کی بجائے عملی طورپر تبدیلی کاآغاز کر دیا ہے ، وہاں ہر شخص کی حکومتی منصوبوں کی معلومات تک رسائی کا قانون بنا دیا ہے اور طلباء سے وعدہ کرتا ہوں کہ کے پی کے میں طلباء تنظیموں کی بحالی کی بات کروں گاکیونکہ اگرآج یونین ہوتی تو قلم اور کتاب مہنگی نہ ہوتی ۔انہوں نے کہاکہ میں حکومت سے سکولوں ، کالجوں اور یونیورسٹیوں سمیت تمام تعلیمی اداروں سے طلبایونین پر پابندی ختم کرنے کا مطالبہ کر تا ہوں ،صرف تعلیمی اداروں میں ہی نہیں بلکہ ہر شعبہ زندگی کی یونینز بحال ہو نی چاہئیں، میں اس کیلئے تمام سیاسی جماعتوں سے بھی رابطہ کر وں گا،کیونکہ شعبے کے مسائل حکومت تک پہنچانے کیلئے ان کے اپنے نمائندے ہونے چاہئیں جو کہ ان کے حقوق کی جنگ لڑیں ۔ انہوں نے کہا کہ پاکستان کو امریکہ کے ساتھ دوستی سے ہوشیا ررہنا چاہئے کیونکہ امریکہ کی دوستی اس کی دشمنی سے بھی زیادہ خطرناک ہے اس نے ہمیشہ سازشیں کر کے مسلمان ممالک کو تباہ کر نے کی کو شش کی آج امریکہ کی وجہ سے عراق ، شام اور مصر مشکلات کا شکار ہے ،اگر عالم اسلام نے مل کر امریکہ کی ان سازشوں کا مقابلہ نہ کیا تو اگلا ٹارگٹ سعودی عرب اور پاکستان ہو سکتے ہیں،کیونکہ افغانستان کو تو امریکہ پہلے ہی ٹارگٹ کر چکا ہے ۔اگر آج ہم کسی بھی یورپی ملک میں جنگ کی خبر نہیں سنتے اور صرف مسلمان ممالک میں سنتے ہیں تو اس کی وجہ امریکہ ہے ،آج مسلم ممالک کو متحد ہونا ہے اس لیے پاکستان کو چاہیے کہ وہ سعودی ایران تنازعہ میں مسئلے کاحصہ بننے کی بجائے حل کا حصہ بنے، پاکستان اور ترکی کو مل کر سعودی ایران تنازعات میں اہم کر دار ادا کرنا چاہیے ،ہم نہیں چاہتے کہ عالم اسلام تقسیم ہو ،آپس کی تقسیم سے صرف تباہی آتی ہے ۔پاکستان کے پاس ایٹم بم بڑی طاقت ہے لیکن اتحاد کے بغیر کسی کو نہیں بچا یا جا سکتا ، اس لیے اتحاد ایٹم بم سے بھی اہم ہے ۔پاکستان کو چاہیے کہ تمام مسلم ممالک کے اتحاد و اتفاق کیلئے کو ششیں کرے۔ سراج الحق نے کہا کہ وزیراعظم کی جانب سے اقتصادی راہداری پر بلائی گئی اے پی سی میں تحفظات کو دور کرنے کیلئے بنائی جا نیوالی کمیٹی بنانے پر خوشی ہے ، اور اس بات کی مزید خوشی ہے کہ حکو مت اقتصادی راہداری کے حوالے سے اپنی کہی ہوئی بات پر قائم ہے ،لیکن وفاقی سطح پر ایسا قانون ضرور بنا یا جانا چاہیے کہ ہر شہری کو اقتصادی راہداری کے حوالے سے دی گئی معلومات سے آگاہی حاصل ہو،اس ملک پر عام آدمی کا بھی اتنا ہی حق ہے جتنا کہ وی آئی پی کا ، میں چند ہزار مقدس گائے کو وی آئی پی نہیں مانتا ،ہمارے لیے ہر وہ شہری وی آئی پی ہے جو اس ملک کا شنا ختی کا رڈ رکھتا ہے ، انہوں نے کہا کہ ملک میں حقیقی ترقی ذکیلئے یکساں نظام تعلیم بے حد ضروری ہے ، حکومت سے مطالبہ کر تا ہوں کہ دفاع کے بعد سب سے زیادہ تعلیم پر خر چ کیا جائے، اگر صحیح فیصلے کیے جائیں تو پاکستان ایشیا سمیت پورے عالم اسلام کامرکز بن سکتا ہے۔متعلقہ عنوان :
لاہور میں شائع ہونے والی مزید خبریں
لودھراں کی سول و سیشن عدالتیں ہفتہ کو بند رہیں گی
عیدا لفطر پرپاکستانی اور ہالی ووڈ سمیت 4 فلمیں نمائش کیلئے تیار
لاہور صادق آباد جی ٹی روڈ پر جہانیاں کے قریب مسافر بس الٹ گئی،ایک شخص جاں بحق 20سے زائد مسافر زخمی
عمران خان پر پہلے بھی حملہ ہوچکا ہے کسی بڑے حادثے کے متحمل نہیں ہوسکتے،لاہور ہائیکورٹ
لیسکو کا بجلی چوروں کے خلاف آپریشن ، 24 گھنٹوں میں 5 ملزمان گرفتار کرلیا گیا،ترجمان
پنجاب بارکونسل کا ججز خط کے معاملے پر کمیشن کے اعلان کا خیرمقدم
فارما انڈسٹری کے معیار کی بہتری کیلئے ہمارے ماہرین ہر وقت تیار ہیں‘خواجہ عمران نذیر
وزیر تعلیم کا خفیہ ٹیم کی نشاندہی پر مزنگ امتحانی سنٹر پر چھاپہ، سنٹر سیل
وزیر بلدیات سے امریکی قونصل جنرل کی ملاقات، ’’ستھرا پنجاب‘‘ میں تعاون کی پیشکش
ذیشان رفیق سے امریکی قونصل جنرل کی ملاقات، دوطرفہ دلچسپی کے امور پر تبادلہ خیال کیا
چوہدری شافع حسین سے ترکیہ قونصل جنرل کی ملاقات، تجارتی تعاون بڑھانے پر اتفاق کیا
وزیر تعلیم کاامتحانی سنٹر پر چھاپہ،4پرائیویٹ انویجیلیٹرز،2سنٹر انچارج سمیت 8افرادگرفتار
لاہور سے متعلقہ
پاکستان کی تازہ ترین خبریں
-
جیمز اور جیولری میں سرمایہ کاری کیلئے غیر ملکی کمپنیوں کی حوصلہ افزائی کرنا ہوگی،آصف علی زرداری
-
عمران خان پر پہلے بھی حملہ ہوچکا ہے کسی بڑے حادثے کے متحمل نہیں ہوسکتے،لاہور ہائیکورٹ
-
وزیراعظم کا بجلی چوری کی سہولت کاری میں ملوث سرکاری افسران کیخلاف کارروائی کا حکم
-
آئی ایم ایف کے ساتھ آنے والے دنوں میں بڑے پروگرام کی طرف جارہے ہیں،محمد اورنگزیب
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
کراچی میں قبضہ مافیا کے کارندوں کا حاملہ خاتون پر تشدد
-
جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
-
سندھ حکومت کا اورنج لائن اور گرین لائن کو جوڑنے کے لئے شٹل سروس شروع کرنے کا فیصلہ
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
ملک بھر میں چائنیز کی سیکورٹی ہائی الرٹ، بم پروف بسوں کیلئے انتظامات کا آغاز
-
جون سے فیز وائز پلاسٹک بیگز کو بین کردیاجائیگا‘مریم اورنگزیب