(ن) لیگی حکومت کا آئینی مدت پوری کر نا ملک کیلئے تباہی کے سواکچھ نہیں ہو گا ‘(ن) لیگ ملک کو ”تباہی اور بر بادی “شکار کر نے کی پا لیسی پر گامزن ہے اور انکا ایک ایک دن ملک کیلئے بھاری ہے ‘دہشت گردی کے خلاف نیشنل ایکشن پلان کے ایک ایک لفظ پر عمل کیلئے پوری قوم دفاعی اداروں کے ساتھ ہے ‘کر پشن بھی دہشت گردی سے کم نہیں اسکو جڑ سے ختم کر نا ہو گا، تحر یک انصاف پنجاب کے سابق آرگنائزر چوہدری محمدسرور

لاہور(اُردو پوائنٹ اخبارتازہ ترین - آئی این پی۔ 17جنوری۔2016ء) تحر یک انصاف پنجاب کے سابق آرگنائزر چوہدری محمدسرور نے کہا ہے کہ (ن) لیگی حکومت کا آئینی مدت پوری کر نا ملک کیلئے تباہی کے سواکچھ نہیں ہو گا ‘(ن) لیگ ملک کو ”تباہی اور بر بادی “شکار کر نے کی پا لیسی پر گامزن ہے اور انکا ایک ایک دن ملک کیلئے بھاری ہے ‘دہشت گردی کے خلاف نیشنل ایکشن پلان کے ایک ایک لفظ پر عمل کیلئے پوری قوم دفاعی اداروں کے ساتھ ہے ‘کر پشن بھی دہشت گردی سے کم نہیں اسکو جڑ سے ختم کر نا ہو گا ۔

اتوار کے روز جاری اعلامیہ کے مطابق چوہدری محمدسرور نے کہا کہ کر پشن اور دہشت گردی میں صرف نام کا فرق ہے اصل میں دونوں ملک دشمن ہیں انکو کسی بھی صورت معافی نہیں ملنی چاہیے بلکہ انکو کفیر کردار تک پہنچا کر ہی ملک کو ترقی اور خوشخالی کی راہ پر گامزن کیا جا سکتا ہے ۔

(جاری ہے)

انہوں نے کہا کہ جب بھی ملک سے کر پشن کے خاتمے کی بات ہوتی ہے تو پیپلزپارٹی والے نہ جانے کیوں شور مچانا شروع کر دیتے ہیں ۔

انہوں نے کہا کہ دہشت گردی کے خلاف جنگ میں پاک افواج اور رینجرز نے جو قر بانیں دیں ہیں پوری قوم انکو مکمل سپورٹ کرتی ہے اور اس بات میں کوئی شک نہیں کہ جنر ل راحیل شر یف دہشت گردی کے خلاف جنگ کے اصل ہیرو ہیں جنکی وجہ سے آج ملک میں دہشت گردی ختم ہورہی ہے اور امن کا قیام ممکن ہو رہا ہے ۔ انہوں نے کہا کہ تحر یک انصاف دہشت گرد ی کے خلاف جنگ اور امن کے قیام کیلئے دفاعی اداروں کے ساتھ ہیں ۔ انہوں نے کہا کہ پنجاب میں خواتین جتنی غیر محفوظ آج ہیں ماضی میں اسکی کوئی مثال نہیں ملتی مگر بے حس اور نااہل حکمران کسی قسم کے سخت اقدامات کی بجائے خاموش تماشائی بنے نظر آتے ہیں ۔