عوام کو گمراہ کرنے والے نیب زدہ سیاستدانوں کو 11مئی کو اپنی مقبولیت کا پتہ چل جائے گا ، امیدواربرائے این اے 94 پیر سید قطب علی شاہ کاکارنر میٹنگ سے خطاب

بدھ 24 اپریل 2013 21:28

پیرمحل(اُردو پوائنٹ اخبار تازہ ترین۔آئی این پی۔24اپریل۔ 2013ء) پیر سید قطب علی شاہ المعروف علی بابا امیدواربرائے قومی اسمبلی این اے 94نے کہاہے کہ الٹے سیدھے اعدادوشمار دے کر حلقہ کے عوام کو گمراہ کرنے والے نیب زدہ سیاستدانوں کو 11مئی کو اپنی مقبولیت کا پتہ چل جائے گا جھوٹ کی سیاست کا دور گذرچکا ہے حلقہ کے عوام جھوٹے وعدوں پر نہیں سچے کھوٹے کی پہنچا ن کرچکے ہیں۔

وہ بدھ کو شادما ن کالونی میں کارنر میٹنگ سے خطا ب کررہے تھے ۔

(جاری ہے)

انہوں نے کہا کہ خوابوں میں سوئے ہوئے سیاست دان دس سال میں نالنگ سولنگ بجلی جیسے بنیادی مسائل کو حل کرنے کی بجائے آج بھی ان بنیادی ضروریات کے نام پر اپنی سیاست چمکار ہے ہیں دس سالوں میں حلقہ کے مسائل تو حل نہ ہوئے ان کی تجوریاں جائیدادیں کروڑوں اربوں روپے تک جاپہنچی روپے پیسے کے بل بوتے پر الیکشن جیتنے کے خواب محض طفل تسلیوں کے سواکچھ بھی نہیں ہمارے آباؤ اجد اد نے دینی دنیاوی خدمت کا پرچم بلندکیا جس کو آگے بڑھاتے ہوئے آج بھی سربلند رکھتے ہوئے عملی خدمت کا مشن جاری رکھیں گے حلقہ این اے 94میں گرینڈالائنس کے ذریعے جھوٹ مکر فریب کی سیاست کو ہمیشہ ہمیشہ کے لیے دفن کردیں گے علی بابا گروپ کے تمام امیدواروں کو انشاء اللہ 11مئی کو کامیاب کرواکر الٹے سیدھے اعدادوشمار جاری کرکے عوام کو گمراہ کرنے والے نیب زدہ سیاستدانوں کی سیاست پر مہرثبت کرکے انہیں ہمیشہ کے لیے حلقہ بدر کرکے چھوڑیں گے اس موقع پر رانا شفیق خان ، راؤ اطہر اقبال ، پیر سید اسدعباس شاہ نے بھی خطاب کیا

متعلقہ عنوان :

پیر محل میں شائع ہونے والی مزید خبریں