وزیر اعلیٰ سندھ کی جانب سے الزامات کا ایک نیا سلسلہ شروع کئے جانے پر زونل انچارج و اراکین زونل کمیٹی کااظہار مذمت
جمعرات 13 نومبر 2014 16:54
ٹنڈو الہ یار(اُردو پوائنٹ تاز ترین اخبار۔ 13نومبر 2014ء) متحدہ قومی موومنٹ ٹنڈو الہ یار زون کے زونل انچارج نوید قائم خانی و اراکین زونل کمیٹی نے وزیر اعلیٰ سندھ سید قائم علی شاہ کی جانب سے تھر کی سنگین صورتحال پر اپنی نااہلی کا اعتراف کرنے کے بجائے الزامات کا ایک نیا سلسلہ شروع کئے جانے پر شدید مذمت کا اظہار کیا ہے ۔ اپنے ایک مشترکہ بیان میں انہوں نے مزید کہا ہے کہ پاکستان پیپلز پارٹی گزشتہ کئی عشروں سے پاکستان اور بالخصوص سندھ میں بلا شرکت غیرے حکومت کر رہی ہے ۔
صوبہ سندھ میں بد ترین حکمرانی کے چار ادوار مکمل کرنے کے باوجود موجودہ سندھ حکومت اپنی پانچویں مدت کے دوران بھی سندھ کے شہری و دیہی علاقوں میں تعمیر و ترقی کی کوئی ایک مثال پیش کرنے سے قاصر ہے ۔(جاری ہے)
انہوں نے کہا کہ وزیر اعلیٰ سندھ سید قائم علی شاہ سندھ کی وزارت اعلیٰ کے منصب پر تیسری مرتبہ فائز ہونے کے باوجود تھر کی غریب اور بے سہارا عوام کو کسی بھی قسم کا ریلیف فراہم نہیں کر سکے ہیں۔
اور اپنی اس ناکام ترین کارکردگی کا اعتراف کرنے کے بجائے مختلف اقسام کے عذر تراش کر اپنے گناہوں پر پردہ ڈالنے کی کوشش کر رہے ہیں۔ انہوں نے کہا کہ اس سے زیادہ بے حسی کا مظاہرہ اور کیا ہو سکتا ہے کہ ایک جانب ایک صوبائی وزیر تھر میں دو معصوم بچوں کی موت پر آواز بلند کرنے پر میڈیا کو آڑے ہاتھوں لیتے ہیں وہیں دوسری جانب وزیر اعلی ٰ سندھ سید قائم علی شاہ ایک نیا انکشاف کرتے ہوئے تھر میں معصوم بچوں کی ہلاکت کو بھوک اور بیماری کے بجائے زچگی کے مسائل کو بنیادی وجہ قرار دیتے ہیں۔ انہوں نے کہا کہ ایم کیوایم وہ واحد سیاسی جماعت ہے جس نے حکومت میں ہونے یا نہ ہونے کی پرواہ کئے بغیر تھر کی عوام کا ہر مشکل وقت میں ساتھ دیا ہے ۔ آج بھی خدمت خلق فاؤنڈیشن کے میڈیکل اور ریلیف کیمپوں کے ذریعے تھر کی عوام کو نہ صرف صحت کی مفت سہولیات فراہم کی جارہی ہیں بلکہ بھوک اور افلاس سے پریشان عوام کو مفت غذائی اجناس فراہم کر کے انکو ہر ممکن تعاون فراہم کرنے کی کوشش کی جارہی ہیں۔ انہوں نے کہا کہ پیپلز پارٹی نے نہ صرف تھر بلکہ سندھ بھر کی عوام سے ووٹ حاصل کرنے کے باوجود انکے مسائل کے حل کے لئے کسی بھی قسم کی سنجیدہ کوشش نہیں کی ہے ۔ آنے والے دنوں میں سندھ کی باشعور عوام اپنے ساتھ کی جانے والی تمام تر زیادتیوں کا مکمل حساب لے کر وڈیرانہ اور جاگیردارانہ طرزِ حکومت اور بے حسی کا مظاہرہ کرنے والے عوامی نمائندوں کی سیاست کا باب ہمیشہ کے لئے بند کر دیں گے ۔متعلقہ عنوان :
ٹنڈو الہ یار میں شائع ہونے والی مزید خبریں
ٹنڈوالہ یار پولیس کی مختلف علاقوں میں کاروائی، 130 لیٹر شراب برآمد
گوٹھ غلام حسین لوند کے رہائشی با اثر افراد کی زیادتیوں کیخلاف پریس کلب پہنچ گئے
جرائم پیشہ افراد اور منشیات فروشوں کو کسی صورت نہیں بخشا جائے گا ،یس ایس پی ٹنڈوالہ یار
سندھ کے دیگر شہروں کی طرح ٹنڈوالہ یار میں بھی گندم کی کٹائی کا سلسلہ جاری
ٹنڈوالہ یار،مچھر مار اسپرے نا ہونے کی وجہ سے مچھروں کی افزائش میں اضافہ
میرے بیٹے کو فوری بازیاب کرایا جائے ، منصور کالونی کے رہائشی کی فریاد
بے گناہ لوگوں پر پولیس ظلم کے پہاڑ توڑ رہی ہے ، دلدار سولنگی
رمضان المبارک شروع ہوتے ہی مہنگائی بھی عروج پر، فروٹ کی نرخ آسمان پر پہنچ گئے
رمضان المبارک کا مہینہ شروع ہوتے ہی مہنگائی کا جن بھی بوتل سے باہر آگیا
چمبڑ پولیس نے ہمارے گوٹھ کے 25 بے گناہ لوگوں پر جھوٹا مقدمہ درج کیا ہے،دلدار سولنگی
گورنمنٹ بوائز سیکنڈری اسکول دھیگانو بوزدار میں ماحولیاتی آ گاہی پروگرام کا انعقاد
صاف ستھرا ماحول ہی آ نے والی نسلوں کے بہتر مستقبل کی ضمانت ہے، نبیلہ عمر
ٹنڈو الہ یار سے متعلقہ
پاکستان کی تازہ ترین خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
پاکستان سٹاک ایکسچینج میں تیزی کانیاریکارڈقائم،انڈیکس 619.79 پوائنٹس کے اضافہ کے بعد 70909.90 پوائنٹس پربند
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
شادی اور ماں بننے کے بعد بورڈ کی سپورٹ سے کم بیک کامیاب ہوا،بسمہ معروف
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو