عمرکوٹ ،بچیوں کی تعلیم کیلئے جدوجہد کرنے والی معذور لڑکی آسو بائی امریکا کا7 روزہ دورہ کرکے واپس گاوٴں پہنچ گئی

بدھ 30 ستمبر 2015 15:01

عمرکوٹ(اُردو پوائنٹ اخبار تازہ ترین۔ 30 ستمبر۔2015ء) عمرکوٹ کے دورافتادہ گاوٴں میں بچیوں کی تعلیم کیلئے غیر معمولی جدوجہد کرنے والی معذور لڑکی آسو بائی ملالہ یوسف زئی کی دعوت پر امریکا کا7 روزہ دورہ کرکے واپس گاوٴں پہنچ گئی۔عمرکوٹ کے گاوٴں مینا جی دھانی کی رہائشی 22 سالہ آسو بائی کولہی ملالہ یوسف زئی کی دعوت پر امریکا گئی تھیں، جہاں انہوں نے ملالہ پر بننے والی ڈاکومینٹری فلم کے پریمیئر میں شرکت کی۔

(جاری ہے)

انہوں نے بچیوں کی تعلیم پرمختلف سیمینار میں شرکت کی اور غیر ملکی مندوبین کو دیہی سندھ میں تعلیم کی صورتحال پر اپنے تجربات سے آگاہ کیا، کیسے سرکاری اسکولوں کی بڑی تعداد بند اور نجی تعلیمی اداروں کی بھرمار سے غریب کا بچہ تعلیم سے محروم ہے۔آسو بائی کئی سال سے پکی سڑک اور بجلی سے محروم اپنے گاوٴں میں بچیوں کو مفت تعلیم فراہم کررہی ہیں۔

انہوں نے اس عزم کا اظہار کیا کہ وہ ہر بچی کے ہاتھ میں قلم پہنچانے کی جدوجہد جاری رکھیں گی۔آسو بائی نے نیویارک پہنچنے پر ملالہ سے ملاقات اور ان پر بننے والی فلم کے پریمیئر میں شرکت کی۔ سندھ میں تعلیم کی حالت کے بارے میں بتایاجو اچھی نہیں ہے،سرکاری اسکول بند اور پرائیویٹ اسکولوں کی بھرمار ہے غریب کا بچہ پڑھ نہیں سکتا اور تعلیم سے محروم ہے۔

متعلقہ عنوان :

عمرکوٹ میں شائع ہونے والی مزید خبریں