حامد کرزئی کے بیانات غلط فہمی پر مبنی ہیں، الزامات سے مسائل حل نہیں ہونگے، محمد علی درانی،پاکستان افغانستان میں استحکام چاہتا ہے، دونوں ممالک کے درمیان تعلقات بہتر بنانا دونوں حکومتوں کی ذمہ داری ہے، چھوٹے موٹے بیانات سے کشمیر پالیسی تبدیل نہیں ہوگی، وفاقی وزیراطلاعات و نشریات کاتقریب سے خطاب و صحافیوں سے گفتگو
جمعرات 14 دسمبر 2006 22:52
(جاری ہے)
صحافیوں سے گفتگو کے دوران وفاقی وزیر اطلاعات محمد علی درانی نے کہا کہ افغان صدر حامدکرزئی کی جانب سے پاکستان کیخلاف بیانات غلط فہمی پر مبنی ہیں اورانہیں یہ پتہ ہونا چاہیے کہ پاکستان پر الزامات سے مسائل حل نہیں ہوں گے بلکہ اس سلسلے میں دونوں ممالک کی حکومتوں کو اپنی اپنی ذمہ داریاں نبھانا ہوں گی۔
انہوں نے کہا کہ پاکستان اورافغانستان کے درمیان تعلقات بہتر بنانا دونوں ممالک کی حکومتوں کی ذمہ داری ہے، افغانستان کی موجودہ حکومت اپنے ملک کی تاریخ میں بہت سب سے کمزور حکومت ہے۔ انہوں نے مزید کہا کہ افغانستان سے متعلق حکومت پاکستان کا موقف واضح ہے کہ وہ افغانستان میں امن و استحکام چاہتی ہے کیونکہ ایک مستحکم افغانستان ہی پاکستان اورخطے کے مفاد میں ہے۔ انہوں نے کہا کہ پاکستان امن چاہتا ہے اور وہ اس سلسلے میں افغانستان سمیت اپنے تمام پڑوسی ممالک کے ساتھ بہتر تعلقات کا خواہاں ہے۔ انہوں نے کہا کہ دنیا میں جتنے بھی مسائل ہیں ان کا حل مذاکرات ہے اور پاکستان کا بھی یہی موقف ہے کہ جوبھی مسائل ہوں انہیں باہمی مذاکرات اورپرامن طریقے سے حل کیاجائے۔ وفاقی وزیر اطلاعات و نشریات نے افغان صدر حامد کرزئی کی جانب سے پاکستان پر لگائے گئے الزامات کوبے بنیاد قرار دیتے ہوئے کہا کہ یہ محض غلط فہمی پر مبنی ہیں اورپاکستان پرالزامات سے ہر گزمسائل حل نہیں ہوں گے اور نہ ہی یہ مسائل کے حل کا طریقہ ہے۔ انہوں نے کہا کہ مستحکم افغانستان ہماری خواہش ہے اورپاکستان اس سلسلے میں اپنا کردارادا کرتا رہے گا۔ انہوں نے ایک مرتبہ پھر کہا کہ افغانستان کی جانب سے پاکستان پر الزامات ہرگز مسائل کا حل نہیں۔ محمد علی درانی نے کہا کہ پاکستان خود انتہا پسندی اوردہشت گردی کا شکار ہے اور وہ اس کیخلاف عالمی جنگ میں شریک ہے اور وہ اس کے مکمل خاتمے تک اپنا کردارادا کرتا رہے گا۔ انہوں نے مزید کہا کہ افغانستان اورپاکستان کے عوام کا رشتہ دو قوموں کا رشتہ ہے اوردونوں گہرے تاریخی، ثقافتی اورمذہبی رشتے میں بندھے ہوئے ہیں۔ انہوں نے کہاکہ طاقت کا غلط استعمال ظلم کرنے اور انسانیت کی حدود سے آگے لے جاتا ہے۔ انہوں نے مزید کہا کہ مستقبل میں پاکستان اورافغانستان کے درمیان تعلقات میں بہتری آئے گی۔ ایک اور سوال پر محمد علی درانی نے کہا کہ پاکستان کا کشمیر پر موقف ہر گز تبدیل نہیں ہوا بلکہ وہ اپنے موقف پر قائم ہے۔ انہوں نے کہا کہ چھوٹے موٹے بیانات سے کشمیر پالیسی تبدیل نہیں ہوگی۔ انہوں نے کہا کہ موجودہ حکومت کے اقدامات کی وجہ سے دنیا یہ مان چکی ہے کہ کشمیر ایک مسئلہ ہے جس کو مذاکرات کے ہی حل کیا جا سکتا ہے اورمسئلہ کشمیر کے حل کے بغیر خطے میں امن قائم نہیں ہو سکتا۔ قبل ازیں تقریب سے خطاب کرتے ہوئے انہوں نے کہا کہ صحافت کی انڈسٹری کے آپس میں اختلافات کے باعث صنعت کونقصان پہنچ رہا ہے تاہم ان اختلافات کو باہمی مذاکرات کے طورپر حل کرنا چاہیے۔ انہوں نے کہا کہ آج صحافت کو جو آزادی حاصل ہے وہ کسی حکمران کے سر نہیں بلکہ صحافیوں کے سر ہے۔ انہوں نے کہا کہ موجودہ حکومت ملک سے غربت کے خاتمے کیلئے ہر ممکن اقدامات کر رہی ہے۔ صدرجنرل پرویز مشرف اور وزیراعظم شوکت عزیز سمیت تمام حکومت کے اراکین عوام کی بھلائی و ترقی کیلئے پالیسیاں مرتب کر رہے ہیں۔ محمد علی درانی نے کہا کہ حکومت بجلی کے شعبے میں 60 ارب روپے کی سبسڈی دے رہی ہے۔ انہوں نے اخبار فروش یونین کی طرف سے پیش کردہ مطالبوں جن میں رہائشی کالونیوں کا قیام اور دیگر مسائل شامل ہیں کے حل کی یقین دہانی کرائی۔ تقریب سے اخبار فروش یونین کے صدر ٹکا خان، چاروں صوبوں سے اخبار فروش یونین کے عہدیداروں نے اپنی تقاریر میں مسائل پیش کئے اور ٹکا خان کی سربراہی میں ایک ہونے کا یقین دلایا۔متعلقہ عنوان :
مزید اہم خبریں
-
سمگلنگ کے خاتمے کیلئے وفاق، صوبوں اور تمام اداروں کو مل کر کام کرنا ہوگا، ملکی معیشت اور عوام کی بہتری کیلئے کئے جانے والے فیصلوں میں کسی کو آڑے آنے نہیں دیں گے، وزیراعظم محمد شہباز شریف
-
چین کا پاکستان میں دو بڑے ڈیم منصوبوں پر کام روکنے کا اعلان
-
پاکستان کو کم از کم 3سال کا نیا آئی ایم ایف پروگرام درکار ہے،وفاقی وزیرخزانہ
-
امریکی صدر جوبائیڈن کا وزیراعظم شہباز شریف کوخط ، نو منتخب حکومت کیلئے نیک تمناوٴں کا اظہار
-
وزیرِمملکت شزہ فاطمہ سے آذربائیجان کے سفیر کی ملاقات، باہمی دلچسپی کے امورپر تبادلہ خیال
-
پرویز الہٰی کو مزید چند دن ہسپتال میں رکھا جاسکتا ہے، ہسپتال ذرائع
-
ملک سے سیاسی تقسیم اور افراتفری کا خاتمہ چاہتے ہیں، وزیر اعظم
-
اسلام آباد ہائی کورٹ نے عمران خان کی وکلا سے جیل میں ملاقات کی درخواست نمٹا دی
-
ریاست کی رٹ چیلنج کرنے والوں کے ساتھ سختی سے پیش آئیں گے،سرفراز بگٹی
-
سرکاری تقریبات میں پروٹوکول کیلئے سرخ قالین بچھانے پر پابندی عائد
-
علی امین گنڈا پور نے صوبے میں مستحق افراد کو 1 ارب سے زائد عید پیکیج دینے کی منظوری دیدی
-
تحریک انصاف کی کور کمیٹی نے عمران خان کے وکلاءکی کارکردگی پر سوالات اٹھا دئیے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.