سعودیہ سمیت مختلف خلیجی ریاستوں میں آج عید الفطر منائی جا رہی ہے

اتوار 20 ستمبر 2009 11:41

ریاض (اُردو پوائنٹ اخبار تازہ ترین۔20ستمبر۔2009ء) سعودی عرب سمیت مختلف خلیجی ریاستوں میں آج عید الفطر منائی جارہی ہے . گذشتہ روز شوال کا چاند نظر آنے کے بعد سعودی عرب، متحدہ عرب امارات،فلسطین اور دیگر خلیجی ریاستوں میں آج عیدالفطر منائی جارہی ہے ۔

(جاری ہے)

ان ممالک میں عید کے بڑے بڑے روح پرور اجتماعات ہوئے ۔ نماز عید کے دوران علمائے کرام نے مسلم امہ کے اتحاد، کشمیر اور فلسطین کے مظلوم مسلمانوں کے لیے خصوصی دعائیں کیں ۔ دوسری جانب برطانیہ ،فرانس ،جرمنی اور دیگر یورپی ممالک میں بھی مسلمان عید الفطر منارہے ہیں۔