ملک کو بحرانوں سے نجات دلانے کیلئے پی پی کی کاوشوں کے باعث پی پی مخالفین کی نیندیں اڑ چکی ہیں،ا ب مخالفین پی پی کے خلاف مختلف پروپیگنڈا کر کے عوام کو گمرا کرنے کی ناکام کوشش میں لگے ہوئے ہیں جو پی پی ہمدرد کسی صورت میں کامیاب نہیں ہونے دینگے،ریلوئے کے پارلیمانی سیکریٹری نعمان اسلام شیخ کی بات چیت

اتوار 9 دسمبر 2012 20:50

سکھر (اُردو پوائنٹ اخبار تازہ ترین۔آئی این پی۔9دسمبر۔ 2012ء)ریلوئے کے پارلیمانی سیکریٹری نعمان اسلام شیخ نے کہا ہے کہ ملک کو بحرانوں سے نجات دلانے کیلئے پی پی کی کاوشوں کے باعث پی پی مخالفین کی نیندیں اڑ چکی ہیں ا ب مخالفین پی پی کے خلاف مختلف پروپیگنڈا کر کے عوام کو گمرا کرنے کی ناکام کوشش میں لگے ہوئے ہیں جو پی پی ہمدرد کسی صورت میں کامیاب نہیں ہونے دینگے ان خیالات کا اظہار انہوں نے سماء ابڑو ویلفیئر ایسوسی ایشن ریتی لائن واری تڑ روڈ سکھر کی جانب سے دیئے گئے اعزازئیہ کے موقع پر منعقد تقریب کے دوران معززین سے بات چیت کرتے ہوئے کیا تقریب میں ابڑو برادری کے معززین دوست علی سمون ، امداد علی ابڑو ، مختیاراحمد سموں ، عنایت اللہ سموں ، ویلفیئر کے صدر محمدسلیم ابڑو ، و دیگر بھی موجود تھے ویلفیئر اور معززین نے نعمان اسلام شیخ کو یاداشت نامہ پیش کرتے ہوئے بتایا کہ پاکستان پیپلز پارٹی نے برادری کے نوجوانوں کیساتھ کئے گئے وعدے وفا نہیں کئے ہیں جس کے باعث برادری کے نوجوانوں میں سخت مایوسی پائی جاتی ہے اور اپنے دور اقتدار کے ساڑھے چار سال گذرنے کے بعد بھی برادری کے تعلیم یافتہ نوجوانوں کو مسلسل نظر انداز کیا گیا ہے ابڑو برادری نے ہمیشہ پیپلز پارٹی کے لئے کام کئے ہیں اور مرتے دم تک پی پی کیساتھ رہینگے نعمان اسلام شیخ نے معززین سے بات چیت کرتے ہوئے کہا کہ نوجوان نسل کی درست رہنمائی پاکستان کی ترقی میں اہم کردار ادا کرسکتی ہے ،نوان نسل ملک کا سرمایہ ہیں اپنے بچوں کو تعلیم کے زیور سے آراستہ کر کے معاشرے کا پر امن شہری بنائے پی پی نے اپنے جانثاروں ، ہمدردوں اور کارکنان کو کبھی فراموش نہیں کیا سکھر ہاؤس کے دروازے ہمیشہ اپنے جیالوں کیلئے کھلے ہیں ۔