فیصل آباد،رانا ثناء اللہ کے جلسہ میں آنے والے ریلی کے شرکاء کی ہوائی فائرنگ پر ‘ 3ملزمان گرفتار ، اسلحہ برآمد
ہفتہ 22 دسمبر 2012 15:06
(جاری ہے)
تفصیلات کے مطابق گزشتہ رات علامہ اقبال کالونی میں صوبائی وزیر قانون کے جلسے میں شرکت کیلئے آنے والی ریلی کے شرکاء شیخ خالد ، محمد بلال اور فیصل کی طرف سے اندھادھند ہوائی فائرنگ کرنے کے خلاف صوبائی وزیرقانون نے سخت کارروائی کرتے ہوئے اپنی مدعیت میں تھانہ ڈی ٹائپ کالونی میں مقدمہ نمبر 885 زیر دفعہ 13/20/65 ، 337/H2 درج کرکے تینوں ملزمان کو گرفتار کرکے پسٹلز برآمد کرلئے ، کل بروز سوموار ملزمان کو عدالت میں پیش کیا جائے گا ، اس موقع پر صوبائی وزیرقانون رانا ثناء اللہ خان نے اپنے موقف میں کہا کہ قانون سب کیلئے برابر ہے اس پر کوئی سمجھوتہ نہیں کریں گے اس طرح کی حرکتیں کرنے والے افراد کا تعلق کسی بھی پارٹی سے ہو قانون کے مطابق کارروائی کی جائے گی ، انہوں نے کہا کہ خوش رہنے کیلئے اور بھی بہت سے طریقے ہیں ضروری نہیں کہ ہوائی فائرنگ کرکے ہی خوشی کا اظہار کیا جائے ، ہوائی فائرنگ کسی بھی وقت خطرناک ہوسکتی ہے قیمتی جان جاسکتی ہے ، اس لئے حکومت کسی کو بھی ایسا کرنے کی اجازت نہیں دیتی اور جلسے میں ہوائی فائرنگ کرنے والوں کے ساتھ قانون کے مطابق ہی سلوک ہوگا ، تھانے میں بھی ان کے ساتھ ملزموں جیسا ہی برتاؤ کیا جائے گا ، پولیس انہیں سرکاری مہمان نہیں بنائے گی ، انہوں نے کہا کہ سرگودھا میں ہونے والی فائرنگ اور اس کے نتیجے میں جاں بحق ہونے والے حافظ قرآن کے ورثاء سے کہا کہ ملزمان کو کٹہرے میں لائیں گے اور قانون کے مطابق سزا ہوگی ، انہوں نے ورثاء سے ہمدردی کا اظہار کرتے ہوئے کہا کہ ہم ان کے ساتھ اور ہر طرح سے ان کی امداد کریں گے۔
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.