شوگرملوں کے ذریعے کسانوں زمینداروں کا خون چوسنے والے مافیا کو اپنے لیے خادم اعلیٰ کہلانا زیب نہیں دیتا ،اربوں کا بجٹ لاہور کی ایک سڑک پر خرچ کرکے پنجاب کے دس کروڑ عوام کو تبدیلی کی نوید سناکر بے وقوف نہیں بنایا جاسکتا صدر زرداری کا ملک وقوم کو بحران سے نکالنے کی بجائے لاہور میں500کروڑ روپے کا محل بنانا قوم کیلئے کونسا عندیہ ہے ، شریف برادران اقتدارکے حصول کیلئے نوجوانوں کو لیپ ٹاپ اور دوسرے لالچ دے کر عوام کو بیوقوف بنانے کی کوشش کررہے ہیں، پاکستان تحریک انصاف کے سربراہ عمران خان کاپیر محل میں جلسہ عام سے خطاب
ہفتہ 16 فروری 2013 22:36
(جاری ہے)
انہوں نے کہا ملک کے نوجوان آج ہاتھوں میں ڈگریاں لئے مارے مارے پھر رہے ہیں انہیں روزگار دینے کی بجائے پیلی ٹیکسیوں کے ذریعے ڈرائیور بناکر ملک میں خوشحالی کے نعرے لگائے جارہے ہیں پاکستان مسلم لیگ ن نے پنجاب میں پانچ مرتبہ اقتدار حاصل کرکے پنجاب میں کوئی ترقی نہ دی اب آنے والے الیکشن میں کونسی تبدیلی کے نعرے لگائے جارہے ہیں انہوں نے نوجوانوں سے کہا کہ تبدیلی کے لیے اٹھ کھڑے ہوں کیونکہ نواز شریف اور زرداری دونوں اقتدار کی جنگ لڑ رہے ہیں انہیں ملک وقوم سے کوئی سروکار نہیں کیونکہ انہیں صرف اپنی جائیدادوں ملوں میں اضافہ چاہیے انہوں نے کہا آصف علی زرداری کونسا بزنس کررہے ہیں جو روزبروز ان کے اثاثے بڑھتے جارہے ہیں پاکستان سمیت دنیا بھر میں اپنے محلات تعمیر کررہے ہیں نواز شریف ،شہبازشریف اقتدارکے حصول کے لیے نوجوانوں کو لیپ ٹاپ اور دوسرے لالچ دے کر اگلے پانچ سال کے لیے بیوقوف بنانے کی کوشش کررہے ہیں اگر انہیں واقعی پاکستان اور پنجاب کے عوام کے ساتھ محبت تھی توانہوں نے پورے پنجاب میں سکولوں ، ہسپتالوں اور دیگر اداروں جو ان کے ماتحت تھے انہیں کیوں ٹھیک نہ کیا وفاق کے اداروں میں اپنی مداخلت کرکے انہیں بھی کام نہ کرنے دیا انہوں نے کہا یہ دونوں جماعتیں اقتدار کی جنگ لڑرہی ہے عوام کے سامنے یہ آپس میں دست گریبان اور اندرون خانہ بھائی بھائی ہے پاکستان کے نوجوان انہیں اب اقتدار سے محروم کرکے چھوڑیں گے انہوں نے کہا میں نے پاکستان کو ورلڈ کپ میں کامیابی دلائی انشاء اللہ اب سیاسی میدان میں بھی پاکستان کوموجودہ بحرانوں سے نکال کر ترقی کی راہ پر گامزن کریں گے اس موقع پر صوبائی راہنما ممتا زاحمد دولتانہ ، خالد خان کھرل ، میجر احمد نواز ، محمد صدیق پیارا سابق تحصیل نائب ناظم کمالیہ ، محمد عالمگیر مجاہد ، عابد حسین ایڈوکیٹ ، چوہدری محمد اشفاق سابق ضلع ناظم سمیت ہزاروں افراد نے جلسہ عام میں شرکت کی عمران خان ریلی کی شکل میں جلسہ گاہ پہنچے جہاں پر ان کا پرتپاک استقبال کیا گیا
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.