چیف جسٹس نے ہزارہ کمیونٹی کے قتل عام کا نوٹس لے لیا، سماعت کل ہوگی

پیر 18 فروری 2013 20:19

چیف جسٹس نے ہزارہ کمیونٹی کے قتل عام کا نوٹس لے لیا، سماعت کل ہوگی
{#EVENT_IMAGE_1#}اسلام آباد (اُردو پوائنٹ اخبار تازہ ترین۔18فروری۔2013ء) چیف جسٹس پاکستان جسٹس افتخار محمد چوہدری نے کوئٹہ میں ہزارہ کمیونٹی کے قتل عام کا نوٹس لے لیا، اٹارنی جنرل پاکستان اور ایڈووکیٹ جنرل بلوچستان کو کل سپریم کورٹ میں طلب کرلیا گیا۔

(جاری ہے)

چیف جسٹس پاکستان جسٹس افتخار محمد چوہدری نے کوئٹہ میں علمدار روڈ اور کیرانی روڈ واقعات میں ہزارہ کمیونٹی کے قتل عام کا نوٹس لے لیا، سپریم کورٹ ذرائع کے مطابق از خود نوٹس کیس کی سماعت کل اوپن کورٹ میں ہوگی۔

چیف جسٹس پاکستان نے اٹارنی جنرل پاکستان اور ایڈووکیٹ جنرل بلوچستان کل سپریم کورٹ میں طلب کرلیا ہے۔ رجسٹرار سپریم کورٹ کے نوٹ کے مطابق کوئٹہ میں ہزارہ برادری کا دھرنا جاری ہے جبکہ پورے ملک میں شیعہ برادری احتجاج کررہی ہے۔ واضح رہے کہ علمدار روڈ اور کیرانی روڈ پر خود کش حملوں میں ہزارہ برادری کے 160 سے زائد افراد جاں بحق اور 300 سے زائد زخمی ہوئے۔