پی ایچ اے کاتحریک انصاف سے مینا رپاکستان جلسے کے موقع پر تنصیبات کو نقصان پہنچانے پر ہرجانہ وصول کرنیکا فیصلہ

بدھ 27 مارچ 2013 20:51

{#EVENT_IMAGE_1#} لاہور(اُردو پوائنٹ اخبار تازہ ترین۔آئی این پی۔27مارچ۔2013ء) پی ایچ اے نے تحریک انصاف سے 23مارچ کومینا رپاکستان کے جلسے کے موقع پر جنگلوں‘ پودوں او رپھولوں کونقصان پہنچانے پر ہرجانے کے طو رپر 4لاکھ روپے وصول کرنے کا فیصلہ کیاہے ۔ بتایاگیا ہے کہ پی ایچ اے نے تحریک انصاف کے منتظمین سے 23مار چ کو مینار پاکستان کی گراؤنڈ پر ہونیوالے جلسے میں کسی بھی نقصان کے پیش نظر پانچ لاکھ روپے بطور سکیورٹی وصول کئے تھے ۔

(جاری ہے)

پی ایچ اے کی انتظامیہ نے شرکاء کی طرف سے جنگلوں‘ پودوں اور پھولوں کو پہنچانے جانیوالے نقصان کی تصاویر اورڈی جی پی ایچ اے کی طرف سے منظوری کے بعد نوٹس تحریک انصاف کے منتظمین کو بھجوا دیا ہے ۔یاد رہے کہ پاکستان عوامی تحریک کے مینار پاکستان کی گراؤنڈ پر جلسے کی وجہ سے پودوں‘ پھولوں ں اور جنگلوں کو نقصان پہنچانے کی مد میں پانچ لاکھ روپے کی ادائیگی کا نوٹس جاری کیا گیاتھا لیکن منتظمین نے اسکی ادائیگی نہیں کی تھی جس کے بعد پی ایچ اے انتظامیہ نے تحریک انصاف سے پیشگی پانچ لاکھ روپے وصول کر لئے تھے۔