مسئلہ جموں کشمیر زندہ و جاوید حقیقت ہے،یاسین ملک
بدھ 25 دسمبر 2013 15:51
سرینگر (اُردو پوائنٹ تازہ ترین اخبار۔ 25دسمبر 2013ء) لبریشن فرنٹ کے سربراہ یاسین ملک نے بھارتی وزیر خارجہ اور وزیر داخلہ کے بیانات پر تبصرہ کرتے ہوئے کہا کہ مسئلہ جموں کشمیر زندہ و جاوید حقیقت ہے ۔ لبریشن فرنٹ کے زون جموں و کشمیر کے انتخا بات کے موقعہ پر خطاب کرتے ہوئے یاسین ملک نے کہا کہ یہ بھی ایک ناقابل تردیدسچائی ہے کہ یہی مسئلہ بھارت و پاکستان کے درمیان جاری مخاصمت اور جموں وکشمیر کے کروڑوں لوگوں کی زندگیوں کیلئے عدم استحکام کی واحد اور بنیادی وجہ ہے اور اسے کشمیریوں کی عملی شرکت اورمرضی کے مطابق حل کرنے میں ہی برصغیر کی بھلائی کا راز مضمر ہے۔
یاسین ملک نے کہا کہ یہ بھی ایک کھلی حقیقت ہے کہ پچھلے 65 برس میں بھارت و پاکستان بھارت اور کشمیری یا کشمیری و پاکستانی باہمی طور پر بات چیت کے ذریعے اس کا حل نکالنے میں ناکام ہوئے ہیں جس کا تقاضا ہے کہ اسے حل کرنے کیلئے عالمی برادری کی مدد بھی لی جائے۔(جاری ہے)
یاسین ملک نے بھارت کے ان دونوں وزراسے سوال کیا کہ اگر بھارت کو بیرونی مداخلت سے اتنا ہی پرہیز ہے تو کیا وہ بتاسکتے ہیں کہ کانگریس کے بانی قائد اور ہندوستان کے پہلے وزیراعظم جواہر لال نہرو نے اسے اقوام متحدہ کے حوالے کیوں کیا تھا، 1992میں جب لبریشن فرنٹ کے سرپرست اعلی امان اللہ خان صاحب نے خونی سرخ لکیرروندھنے کا اعلان کیا تو کیونکربھارتی حکومت امریکہ و برطانیہ سمیت اقوام متحدہ کی سیکورٹی کونسل کے دوسرے اراکین کی مداخلت کی طالب ہوئی، اسی طرح پوچھا جاسکتا ہے کہ اگر تیسرے فریق یا بیرونی مداخلت سے بھارت اتنا کتراتا ہے تو کرگل جنگ میں امریکی مداخلت کیوں قبول کی گئی۔
یاسین ملک نے توقع کا اظہار کیا کہ عالمی سطح پر بھی اس حوالے سے مثبت سوچ اختیار کی جائے گی اور مسئلہ کشمیر کو ترجیحی بنیادوں پر حل کرنے کی راہیں استوار کی جائیں گی۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.