اسلام آباد میں قائم غیرملکی ہوٹل میں پاکستانیوں کا ہی داخلہ بند، پولیس نے ہوٹل بند کرادیا
منگل 7 جنوری 2014 20:01
اسلام آباد(اُردو پوائنٹ اخبار تازہ ترین۔7جنوری۔2014ء) وفاقی دارالحکومت کے پوش علاقے میں پاکستانیوں کے لئے ممنوع اور صرف غیرملکیوں کو سروس فراہم کرنے والے فرانسیسی ہوٹل کو پولیس نے چھاپہ مار کر بند کرادیا۔رپورٹس کے مطابق سماجی رابطوں کی ویب سائٹس پر شدید احتجاج کے بعد اسلام آباد کے علاقے ایف سیون میں قائم “لامیزون” نامی ریستوران پر پولیس نے چھاپہ مار کر غیرقانونی شراب کی بھاری مقدار قبضے میں لے کر ہوٹل بھی بند کرادیا، ریستوران میں صرف پاکستان میں بسنے والی غیرملکی افراد ہی داخل ہو سکتے تھے۔
ہوٹل کے غیرملکی مالک کا کہنا تھا کہ ریستوران میں فرانسیسی کھانے فراہم کیے جاتے ہیں جو نہ تو حلال ہوتے ہیں بلکہ ان ميں شراب کا بھی استعمال کیا جاتا ہے، اسلامی اور پاکستانی روایات کے احترام کی وجہ سے ہوٹل میں پاکستانیوں کا داخلہ بند کیا گیا تھا تاہم دہری شہریت کے حامل پاکستانی ہوٹل میں کھانا کھا سکتے تھے۔(جاری ہے)
دوسری جانب اسسٹنٹ کمشنر اسلام آباد محمد علی نے برطانوی نشریاتی ادارے سے بات کرتے ہوئے کہا کہ پولیس کو اطلاع ملی تھی کہ اس ریستوران میں پاکستانیوں کا داخلہ بند ہے۔
ان کا کہنا تھا کہ پولیس اکثر چھاپہ مارنے سے پہلے وارننگ جاری کرتی ہے لیکن یہ تو ایک انوکھا ہی کیس تھا جہاں پاکستانیوں کا ہی داخلہ بند تھا۔واضح رہے کہ اسلام آباد میں اس طرح کا واقعہ پہلی بار سامنے نہیں آیا،2010 میں بھی ایک چینی ریستوران میں پاکستانیوں کا داخلہ بند تھا جسے بعد ازاں بند کرادیا گیا،اسی طرح 2009 میں اسلام آباد کے ڈپلومیٹک انکلیو میں’’ کورڈوں روج نامی ریستوران‘‘ میں رمضان المبارک کے دوران صرف غیر ملکیوں کے لیے کھانے کا اہتمام کا سائن بورڈ لگایا گیا تھا۔متعلقہ عنوان :
مزید اہم خبریں
-
ہم سب کو کسی سے سیاسی انتقام نہ لینے کا عزم کرنا چاہیے، متحد ہوکرملک کو درپیش بھنور سے نکالا جا سکتا ہے، سینیٹراسحٰق ڈار
-
سپیکر قومی اسمبلی سردارایازصادق کی زیر صدارت قومی اسمبلی کی قائمہ کمیٹیوں کی تشکیل کے حوالے سے اجلاس
-
بانی پی ٹی آئی ، پرویزالٰہی ، علی نوازاعوان و دیگرکے خلاف جوڈیشل کمپلیکس توڑپھوڑ کیس کی سماعت
-
مہنگائی کے بوجھ تلے دب جانے والی عوام پر گرمیوں کے آغاز میں ایک اور بجلی بم گرانے کی تیاریاں
-
صدرمملکت سے پاکستان میں آسٹریلیا کے ہائی کمشنرنیل ہاکنز کی ملاقات
-
حکومت کسانوں سے کتنی گندم خریدے گی ابھی اعدادوشمار نہیں بتا سکتا
-
کیا یورپی یونین جاسوسی کے مسئلے سے نمٹنے کے لیے تیار ہے؟
-
سڈنی چرچ واقعہ، پانچ نوجوان دہشت گردی کے الزام میں گرفتار
-
وفاقی وزیر برائے منصوبہ بندی ترقی و خصوصی اقدامات احسن اقبال کی زیرصدارت اجلاس
-
ملک میں ایک بار پھر جان بچانے والی دواؤں کی قلت،مختلف امراض میں مبتلا مریضوں کو مشکلات کا سامنا
-
وزیر اعلی سندھ نے غیر اعلانیہ لوڈشیڈنگ کا معاملہ وفاقی وزیر توانائی کے سامنے اٹھا دیا
-
تجوری ہائٹس معاوضہ ادائیگی کیس، سپریم کورٹ کی نظر ثانی کی درخواست پر نمبر درج کرنے کی ہدایت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.