ترکی نے شام جانے والے پاکستانی مال بردار طیارے کو شک کی بنیاد پر اتار لیا ، تلاشی کے بعد اجازت مل گئی

اتوار 12 جنوری 2014 15:48

انقرہ(اُردو پوائنٹ اخبار تازہ ترین۔12 جنوری ۔2014ء) ترکی نے شام جانے والے پاکستانی مال بردار طیارے کو شک کی بنیاد پر اتار لیا تاہم تلاشی کے بعد طیارے کو دوبارہ اڑان بھرنے کی اجازت مل گئی۔

(جاری ہے)

غیر ملکی میڈیا کے مطابق پاکستان کی ایک نجی کمپنی کی ملکیت مال بردار طیارہ کرغزستان کے شہر بشکیک سے شام میں خانہ جنگی کے باعث پناہ گزین کیمپوں میں رہنے والے افراد کے لئے امدادی سامان لے جارہا تھا، طیارہ ترکی کی فضائی حدود میں داخل ہوا تو ترک حکام نے طیارے کو انقرہ ایئرپورٹ پر اتار لیا تاہم تلاشی کے بعد طیارے کو دوبارہ شام کے لئے اڑان بھرنے کی اجازت دے دی گئی۔

واضح رہے کہ ترکی شام کا پڑوسی ملک ہے تاہم وہاں جاری خانہ جنگی کے باعث ترک شام جانے والی فضائی آمدو رفت کا مسلسل جائزیہ لیتا رہتا ہے۔