وزیراعلیٰ پرویز خٹک کا شہید طالب علم اعتزاز حسین کو خراج تحسین ، وفاقی حکومت سے ستارہ جرات دینے کا مطالبہ،سیکیورٹی حکام مجھ سمیت کسی بھی وزیر کو ایسا پروٹوکول نہ دیں جس سے سڑکیں بلاک اور عوام کو اس سے اذیت پہنچے ،پرویزخٹک
پیر 13 جنوری 2014 22:47
پشاور(اُردو پوائنٹ اخبار تازہ ترین۔13 جنوری ۔2014ء) وزیراعلیٰ خیبر پختونخوا پرویز خٹک نے ہنگو میں دہشت گردی کی خوفناک واردات ناکام بنا کر جام شہادت نوش کرنے والے اعتزاز حسین کو زبردست الفاظ میں خراج تحسین پیش کرتے ہوئے ہنگو کے متعلقہ سکول کو شہید طالب علم کے نام کرنے ، اس کی مالی امداد کرنے اور ہنگو میں شہید طالب علم کے نام پر پلے گراؤنڈ تعمیر کرانے کا اعلان کیا ہے ۔
یہ اعلان انہوں نے پیر کے روز ڈپٹی سپیکر امتیاز شاہد کی زیر صدارت ہونے والے اسمبلی کے اجلاس میں نکتہ اعتراض پر کیا ۔ وزیراعلیٰ نے کہاکہ اعتزاز حسین جیسے بہادر سپوتوں کی جرات کو سلام پیش کیا جانا چاہئے ۔ انہوں نے کہا کہ وہ وفاق سے سفارش کرتے ہیں کہ وہ شہید طالب علم اعتزاز حسین کو ستارہ جرات سے نوازے ۔(جاری ہے)
قبل ازیں اپوزیشن کے اراکین کے پروٹوکول کلچر سے متعلق سوالات کے جوابات دیتے ہوئے وزیراعلیٰ خیبر پختونخوا پرویز خٹک نے واضح کیا کہ انہوں نے واضح ہدایات حکام کودے رکھی ہیں کہ وہ ان سمیت کسی بھی وزیر کو ایسا پروٹوکول نہ دیں جس سے سڑکیں بلاک ہوں اور صوبے کے عوام کو اس سے اذیت پہنچے جب میں خود پروٹوکول نہیں لیتا تو کسی کو بھی یہ حق نہیں کہ سرکاری پروٹوکول لے اور اس کی وجہ سے سڑکیں بند ہوں اور عوام کو مشکلات لاحق ہوں ۔
وزیراعلیٰ نے اسمبلی فلور پر واضح کیا کہ وہ ابھی سے دوبارہ سرکاری حکام کو ہدایات دیتے ہیں کہ وہ میرے لئے آمدورفت کے دوران سڑکیں بند نہ کریں ، نہ ہی کسی وزیر کے لئے ایسا کریں ، اگر کوئی وفاقی وزیر بھی آئے تو اسے بھی ایسا پروٹوکول نہ دیا جائے جس سے سڑکیں بلاک ہوں اور عوام کو مشکلات پیش ہوں ۔ وزیراعلیٰ نے کہاکہ تحریک انصاف کی حکومت نے حقیقی معنوں میں پروٹوکول کلچر کا خاتمہ کر رکھا ہے جس پر سختی سے عملدرآمد کیا جائے گا۔مزید اہم خبریں
-
انوارالحق کاکڑ اور حنیف عباسی کی تکرار درحقیقت قومی خزانے کی چوری میں ملوث کرداروں کا اعتراف جرم ہے
-
پی ٹی اے نے ٹیکس ریٹرن فائل نہ کرنے والوں کی موبائل سمز بلاک کرنے کی تجویزمستردکردی
-
ایک اور آٹو کمپنی کا گاڑی کی قیمت میں لاکھوں روپے کی کمی کا اعلان
-
گرمیوں کے آغاز پر عوام پر نیا "بجلی بم" گرانے پر غور
-
چیف جسٹس کی مدت ملازمت میں توسیع شرم ناک عمل ہو گا
-
صنعت کار انڈسٹری لگائیں ، منافع کمانا آپ کا حق ہے‘بجٹ میں صنعتی پالیسی لا رہے ہیں.رانا تنویر حسین
-
ملک کو درپیش چیلنجز سے نمٹنے کے لیے مل کر کام کرنا ہوگا، 27سو ارب کے محصولات کی ریکوری کیلئے قانون بن چکا ہے ، ملک موجودہ محصولات سے تین گنا زیادہ محصولات اکٹھا کرنے کی صلاحیت رکھتا ہے،محمد شہبا ز ..
-
سعودی عرب زراعت ، معدنیات، آئی ٹی،آئل ریفائنری ، سولر، پاورڈسٹری بیوشن اورپاور پروڈکشن میں سرمایہ کاری کرنے میں دلچسپی رکھتا ہے.وفاقی وزیرپیٹرولیم
-
ریونیوکلیکشن سب سے بڑا چیلنج ہے، سالانہ وصولیوں کا ہدف تین سے چار گنا کرپشن ،فراڈ اور لالچ کی نظر ہورہا ہے. شہبازشریف
-
بلاول بھٹو نے وزیراعظم سے ملاقات میں کابینہ میں شامل ہونے کیلئے مثبت جواب دیا
-
چیف جسٹس کی مدت کا فکس ہونا عدالت کے وسیع تر مفاد میں ہے
-
حافظ نعیم الرحمن سے محمود اچکزئی، اسد قیصر کی ملاقات، احتجاجی تحریک میں شمولیت کی دعوت قبول کر لی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.