کراچی میں بدامنی کا تسلسل جاری، حکومت نے آئی جی سندھ کی تبدیلی کا فیصلہ کرلیا ، فیاض لغاری کو نئے آئی جی سندھ بنانے کا فیصلہ

اتوار 19 جنوری 2014 20:55

کراچی (اُردو پوائنٹ اخبار تازہ ترین۔19 جنوری ۔2014ء) کراچی میں بدامنی کا تسلسل جاری، حکومت نے آئی جی سندھ کی تبدیلی کا فیصلہ کرلیا ہے ۔ ذرائع کے مطابق حکومت نے آئی جی سندھ شاہد ندیم بلوچ کی جگہ فیاض لغاری کو نیا آئی جی سندھ تعینات کرنے کا فیصلہ کیا ہے۔ ذرائع کے مطابق آئی جی سندھ شاہد ندیم بلوچ مارچ میں ریٹائرڈ ہوجائیں گے۔

(جاری ہے)

حکومت نے ریٹائرمنٹ سے قبل ہی آئی جی سندھ کو عارضی رخصت پر بھیجنے کا فیصلہ کیا ہے۔ ذرائع نے بتایا کہ شاہد ندیم بلوچ کی جگہ فیاض لغاری کو نیا آئی جی سندھ تعینات کیا جائے گا۔ واضح رہے کہ فیاض لغاری اس سے قبل دو دفعہ آئی جی سندھ رہ چکے ہیں۔ سپریم کورٹ آف پاکستان کے فیصلے کے بعد فیاض لغاری کو آئی جی سندھ کے عہدے سے ہٹادیا گیا تھا۔

متعلقہ عنوان :