موجودہ حکومت تعلیمی شعبے کیلئے مزیدوسائل مختص کرنے کیلئے پرعزم ہے ، صدر ممنون حسین ، پاکستان اور برطانیہ کو تعلیمی شعبے میں تعاون کو مزید بڑھانے کی ضرورت ہے برطانوی ادارے کے سربراہ سے گفتگو ،برطانہ کی بچوں کو تعلیم کی فراہمی اور تعلیمی شعبے کی بہتری کیلئے برطانیہ کی حکومت کی ہر ممکنہ حمایت اورمعاونت کی یقین دہانی
بدھ 22 جنوری 2014 21:59
اسلام آباد(اُردو پوائنٹ اخبار تازہ ترین۔22 جنوری ۔2014ء) صدر ممنون حسین نے کہا ہے کہ موجودہ حکومت تعلیمی شعبے کیلئے مزیدوسائل مختص کرنے کیلئے پرعزم ہے ، پاکستان اور برطانیہ کو تعلیمی شعبے میں تعاون کو مزید بڑھانے کی ضرورت ہے ،برطانیہ کی نئی حکومت کے پاکستان کیلئے آپریشنل پلان 2011-15ء کے مطابق ہمارا ملک دنیا میں برطانوی امداد کا سب سے بڑا وصول کنندہ ہے وہ بدھ کو برطانوی ادارہ برائے بین الاقوامی ترقی( ڈی ایف آئی ڈی) کے کنٹری ہیڈ رچرڈ منٹگمری سے گفتگو کررہے تھے ملاقات میں مختلف شعبوں میں پاکستان کیلئے برطانیہ کی معاونت اور ملک میں ڈی ایف آئی ڈی کی مدد سے شروع کئے گئے مختلف اقدامات اورمنصوبوں پر تبادلہ خیال ہوا۔
رچرڈ منٹگمری نے صدر کوادارے ، اس کے کردار اور مختلف شعبوں بالخصوص تعلیم و صحت کے میدان میں ڈی ایف آئی ڈی کے ذریعہ پاکستان کو فراہم کی جانے والی معاونت کے بارے میں آگاہ کیا۔(جاری ہے)
صدر نے پاک برطانیہ دو طرفہ تعلقات کا ذکرکرتے ہوئے مختلف شعبوں بالخصوص تعلیم اور صحت کے شعبے میں 2008ء سے پاکستان کو برطانیہ کی فراہم کردہ 1.174 ارب پاؤنڈ کی ترقیاتی معاونت کو سراہتے ہوئے ملک کی بڑھتی ہوئی توانائی ضروریات پوری کرنے کیلئے برطانیہ کے تعاون اورمعاونت کی ضرورت پر زور دیا۔
صدر ممنون حسین نے مختلف اقدامات کے ذریعہ تعلیمی شعبے میں ڈی ایف آئی ڈی کے کردار کو سراہتے ہوئے کہا کہ پاکستان اور برطانیہ کو تعلیمی شعبے میں تعاون کو مزید بڑھانے کی ضرورت ہے کیونکہ یہ شعبہ خصوصی توجہ کا متقاضی ہے۔ ڈی ایف آئی ڈی کی طرف سے پاکستان کی حکومت کی سہولت کیلئے مہیا کی جانے والی معاونت کی تعریف کرتے ہوئے صدر مملکت نے اس امر پر مسرت کا اظہارکیا کہ برطانیہ کی نئی حکومت کے پاکستان کیلئے آپریشنل پلان 2011-15ء کے مطابق ہمارا ملک دنیا میں برطانوی امداد کا سب سے بڑا وصول کنندہ ہے ۔ یہاں یہ امر قابل ذکر ہے کہ برطانیہ نے اس منصوبے کے تحت 1392ملین پاؤنڈ کا وعدہ کیا ہے ۔ اس موقع پر صدر نے ڈی ایف آئی ڈی کے کنٹری ہیڈ کو یقین دلایا کہ انہیں اور ڈی ایف آئی ڈی کی ٹیم کو پاکستان کی سماجی و اقتصادی ترقی کیلئے ذمہ داریوں کی مستعدی سے ادائیگی میں ہر ممکنہ سہولت فراہم کی جائے گی۔ رچرڈ منٹگمری نے ملاقات پر صدر کا شکریہ ادا کرتے ہوئے تعلیمی شعبے پر زیادہ وسائل صرف کرنے کے حکومت کے عزم کو سراہا۔ انہوں نے پاکستان میں بچوں کو تعلیم کی فراہمی اور تعلیمی شعبے کی بہتری کیلئے برطانیہ کی حکومت کی ہر ممکنہ حمایت اورمعاونت کی یقین دہانی کرائی ۔متعلقہ عنوان :
مزید اہم خبریں
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ،سردار مسعود خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
-
وزیر صحت خواجہ سلمان رفیق سے کنگ ایڈورڈ میڈیکل یونیورسٹی میں برطانیہ کی معروف جامعات کے وفد کی ملاقات
-
بینک دولتِ پاکستان کی زری پالیسی کمیٹی کا اجلاس 29 اپریل کو ہوگا
-
پاکستانی کمپنی کو یو اے ای کی کمپنی سے بڑا آرڈر مل گیا
-
جوڈیشل عدالت نے محمود خان اچکزئی کے ناقابل ضمانت وارنٹ گرفتاری جاری کر دئیے
-
غزہ پالیسی: امریکی محکمہ خارجہ کی ایک ترجمان مستعفٰی
-
نادرا کی جانب سے 3 کروڑ اسمارٹ کارڈز کی خریداری میں بے ضابطگیوں کا انکشاف
-
اسٹیٹ بینک کی مارکیٹ سے ریکارڈ 4.2 ارب ڈالر کی خریداری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.