وزیراعظم نے کمیٹی کو کھلا مینڈیٹ دیا ہے طالبان جہاں چاہیں مذاکرات کیلئے تیار ہیں،عرفان صدیقی
جمعہ 31 جنوری 2014 16:46
اسلام آ باد(اُردو پوائنٹ تازہ ترین اخبار۔ 31جنوری 2014ء) طالبان سے مذاکرات کے لئے قائم کردہ کمیٹی کے کوآرڈینیٹر عرفان صدیقی نے کہا ہے کہ وزیراعظم نواز شریف نے کمیٹی کو کھلا مینڈیٹ دیا ہے اور طالبان جہاں بھی مذاکرات کرنا چاہیں ہم اس کے لئے تیار ہیں۔اسلام آباد میں پریس کانفرنس کرتے ہوئےعرفان صدیقی کا کہنا تھا کہ حکومت اور طالبان دونوں مذاکرات کے حامی ہیں اس لئے مذاکراتی کمیٹی چاہتی ہے کہ وقت ضائع کئے بغیر مذاکرات کے عمل تیزی سےآگے بڑھایا جائے، طالبان سے کہا گیا ہے کہ وہ اپنے شوری کے اجلاس کے بعد مذاکرات کے لئے قائم کمیٹی کے نام جلد از جلد واضح کردیں تاکہ مذاکرات کا میکینزم طے کیا جا سکے۔
ان کا کہنا تھا کہ طالبان جہاں مذاکرات کرنا چاہیں گے ان کے لئے مناسب جگہ کا انتظام کیا جائے گا۔(جاری ہے)
عرفان صدیقی کا کہنا تھا کہ وزیراعظم نواز شریف نے کمیٹی کو کھلا مینڈیٹ دیا ہے اور کمیٹی جب اور جہاں چاہے اپنا اجلاس منعقد کر سکتی ہے، کمیٹی بغیر کسی بیرونی دباؤ کے اپنا کام کرے گی، کمیٹی اگر کسی بھی مرحلے پر محسوس کرتی ہے کہ کسی فرد کی خدمات مذاکراتی مشن کی تکمیل میں معاون ہو سکتی ہیں تو کمیٹی اس شخص سے رابطہ کر کے اس کی خدمات حاصل کر سکتی ہے۔
ان کا کہنا تھا کہ حکومت کی تشکیل کردہ کمیٹی پر پاکستان تحریک انصاف کے سربراہ عمران خان سمیت تمام سیاسی جماعتوں نے اعتماد کا اظہار کیا ہے اورمذاکرات کے حوالے سے خیبر پختون خوا حکومت مکمل آن بورڈ ہے۔مذاکراتی کمیٹی کے کوآرڈینٹرکا کہنا تھا کہ طالبان اور حکومت دونوں سے کہا ہے کہ مذاکرات کے عمل کے دوران اشتعال انگیز بیانات سے گریز کیا جائے تاکہ مذاکرات کے عمل کو نقصان نہ پہنچے۔ ان کا مزید کہنا تھا کہ کمیٹی نے فیصلہ کیا ہے کہ مذاکرات کے تمام عمل سے میڈیا کو با خبر رکھا جائے گا اور اگر کوئی انتہائی حساس نوعیت کا معاملہ ہے تو اسے کمیٹی باہمی مشورے کے بعد خفیہ رکھے گی۔متعلقہ عنوان :
مزید اہم خبریں
-
صدر آصف علی زرداری نے ترک چیف آف جنرل سٹاف جنرل متین گورک کو نشان امتیاز ملٹری سے نوازا
-
وزیراعظم کو افغان ٹرانزٹ ٹریڈ کے حوالہ سے قائم کمیٹی کی رپورٹ پیش، شہبازشریف کی چینی سمیت دیگر سمگلنگ کے خاتمہ کی ملک گیر مہم تیز کرنے کی ہدایت
-
پاکستان سے لوٹا ہوا پیسہ واپس لایا جائے تو ڈالر 50 روپے کا ہو جائیگا، شعیب شاہین
-
عمران خان، بشریٰ بی بی کا نجی ہسپتال سے میڈیکل چیک اپ کرانے کا حکم
-
مشرق وسطیٰ میں کشیدگی، تیل کی قیمتوں میں اضافہ
-
پاکستان میں مریضوں کے لیے ویزا فری انٹری، افغان باشندے خوش
-
لانڈھی میں غیر ملکیوں کی گاڑی پر خودکش حملے میں استعمال ہونے والی موٹرسائیکل کی تفصیلات سامنے آگئیں
-
خودکش حملے میں دہشت گرد کو مارنے والے پولیس اہلکار کا بیان سامنے آگیا
-
عالمی ٹیکنالوجی کمپنی ”میٹا “ پاکستان اور بھارت سمیت متعدد ممالک میں واٹس ایپ پر اے آئی چیٹ بوٹس متعارف کروادیا
-
سپریم کورٹ حسان نیازی اورعباد فاروق کی جبری گمشدگی کا فوری نوٹس لے
-
عالمی رہنماؤں کا اسرائیل اور ایران سے تحمل کا مطالبہ
-
قدرتی طور پر خطے کی صورت حال پر تشویش ہے‘ایرانی صدر کے استقبال کے منتظرہیں. پاکستان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.