لاپتہ افراد کیس،پنجاب پولیس نے رپورٹ سپریم کورٹ میں جمع کرا دی
جمعہ 31 جنوری 2014 17:54
اسلام آباد(اُردو پوائنٹ تازہ ترین اخبار۔ 31جنوری 2014ء) پنجاب پولیس نے لاپتہ افراد کیس میں رپورٹ سپریم کورٹ میں جمع کرا دی۔ جسٹس جواد ایس خواجہ نے کہا ہے کہ معاملہ پہلی مرتبہ عدالت نہیں آیا۔ عدالتوں میں آ کرایسا کرنا ہے تو یہی کہوں گا کہ پولیس اپنی ڈیوٹی درست انجام نہیں دے رہی۔ جسٹس جواد ایس خواجہ کی سربراہی میں تین رکنی بنچ نے لاپتہ افراد سے متعلق کیس کی سماعت کی۔پنجاب پولیس نے لاپتہ افراد کیس میں رپورٹ عدالت میں جمع کرائی۔انسپکٹر اطہر اسماعیل کا کہنا تھا کہ کل چھ کیٹیگریز کے لوگوں کے نام ہمارے پاس ہیں جن میں جنید، نثار، فرخ، عامر اور خاور محمود شامل ہیں۔ان افراد کا ماضی میں دہشتگرد تنظیموں سے تعلق رہا ہے ۔عامر لشکر طیبہ سے منسلک رہا ہے۔
(جاری ہے)
جسٹس جواد نے ریمارکس دیئے کہ یہ سب باتیں نہ بتائیں، ہمیں سب معلوم ہے یہ معاملہ ہمارے پاس پہلی مرتبہ نہیں آیا۔
ہمیں لاپتہ شخص خاور محمود کا بتائیں۔عدالتوں میں آ کر ایسا کرنا ہے تو معافی سے کہتا ہوں آپ اپنی ڈیوٹی درست انجام نہیں دے رہے۔ان کا کہنا تھا کہ تحریری طور پر بتائیں کہ خاور محمود کی موجودگی کا پتہ کیوں نہیں چلایا جا سکا یہ بھی لکھ کر دیں کہ آپ کس سے خوفزدہ ہیں۔انسپکٹر اطہر اسماعیل نے جواب دیا کہ ہم کسی سے خوفزدہ نہیں۔جسٹس جواد نے کہا کہ یہ مت بتائیں جو کہنا ہے تحریری شکل میں جمع کرائیں۔پولیس نے لاپتہ خاور محمود کی موجودگی سے متعلق رپورٹ جمع کرا دی جس پر سماعت بارہ فروری تک ملتوی کر دی گئی۔پنجاب پولیس نے ظہیر مظفر کیانی کی گمشدگی سے متعلق خفیہ رپورٹ بھی عدالت میں جمع کرائی۔پولیس نے عدالت عظمٰی سے رپورٹ خفیہ رکھنے کی استدعا بھی کی۔ظہیر مظفر کی گمشدگی سے متعلق کیس کی مزید سماعت دو ہفتوں کیلئے ملتوی کر دی گئی ہے۔متعلقہ عنوان :
مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.