ایشیا کپ ، ٹی ٹونٹی کپ کیلئے قومی کرکٹ ٹیم کا اعلان ، قیادت برقرار

جمعہ 14 فروری 2014 19:31

ایشیا کپ ، ٹی ٹونٹی کپ کیلئے قومی کرکٹ ٹیم کا اعلان ، قیادت برقرار

راولپنڈی (اُردو پوائنٹ اخبار تازہ ترین۔14فروری۔2014ء) ایشیا کپ اور ٹی ٹوئنٹی ورلڈ کپ کے لئے قومی کرکٹ ٹیم کا اعلان کردیا ہے جس کے مطابق ایشیا کپ میں مصباح الحق جبکہ ورلڈ ٹی 20 میں محمد حفیظ ٹیم کی قیادت کریں گے۔ایکسپریس نیوز کے مطابق ایشیا کپ میں مصباح الحق کپتانی کے فرائض انجام دیں گے جبکہ دیگر کھلاڑیوں میں محمد حفیظ، شرجیل خان، احمد شہزاد، صہیب مقصود، عمراکمل، شاہد آفریدی، سعید اجمل، عبدالرحمان، جنید خان، عمر گل، انور علی، فواد عالم، محمد طلحہ اور بلاول بھٹی کو شامل کیا گیا ہے۔

(جاری ہے)

مارچ میں ہونے والے ٹی ٹوئنٹی ورلڈ کپ کے لئے بھی قومی ٹیم کا اعلان کردیا گیا ہے جس کے مطابق محمظ حفیظ ٹیم کے کپتان ہوں گے جبکہ دیگر کھلاڑیوں میں شرجیل خان، صہیب مقصود، احمد شہزاد، عمر اکمل، شاہد آفریدی، شعیب ملک، محمد طلحہٰ، جنید خان، بلاول بھٹی، سہیل تنویر، عمر گل، سہیل تنویر، سعید اجمل اور ذوالفقار بابر کو اسکواڈ میں شامل کیا گیا ہے، ورلڈ کپ کے لئے وکٹ کیپر بیٹسمین کامران اکمل بھی کئی سیریز بعد ٹیم میں جگہ بنانے میں کامیاب ہوئے ہیں جبکہ سری لنکا کے خلاف بیٹنگ میں عمدہ کارکردگی دکھانے والے سرفراز احمد دونوں اسکواڈ میں جگہ نہیں بناسکے۔

متعلقہ عنوان :