میرٹھ کی یونیورسٹی کا بے دخل 67 کشمیری طلباء کو واپس لینے پر اتفاق
اتوار 9 مارچ 2014 22:37
کراچی(اُردو پوائنٹ اخبار تازہ ترین۔9مارچ۔2014ء)بھارتی اخبار”ہندوستان ٹائمز“ لکھتا ہے کہ میرٹھ کی سوامی ویویکانند سوبھارتی یونیورسٹی نے بیدخل 67 کشمیری طلباء کو واپس لینے پر اتفاق کرلیا۔ میرٹھ پولیس نے یقین دہانی کرادی کہ یونی ورسٹی سے بے دخل 67 کشمیری طلباء کے خلاف کسی بھی الزام کی قانونی چارہ جوئی نہیں کی جائے گی اور نہ انہیں ہراساں کیا جائے گا، وہ واپس کیمپس میں آسکتے ہیں۔
ریاستی حکومت نے اتر پردیش انتظامیہ کی اس تجویز کو مسترد کردیا تھاکہ نکالے گئے طلباء کو ایک نئی یونیورسٹی منتقل کر دیا جائے۔بھارتی حکومت کشمیری طالب علموں کے لئے ملک بھر میں ہیلپ لائن قائم کرنے کا منصوبہ بنا رہی ہے ۔
(جاری ہے)
اخبار کے مطابق میرٹھ پولیس نے مقبوضہ جموں کشمیر حکومت کو یقین دہانی کرائی ہے کہ اتر پردیش یونی ورسٹی سے نکالے گئے 67کشمیری طلباء واپس کیمپس میں آسکتے ہیں۔
ان کے خلاف کیسز کا تعاقب نہیں کیا جائے گا۔وزیر اعلی عمر عبداللہ نے ا پنے نمائندے جنید عظیم مٹو کو ذمہ داری سونپی کہ میرٹھ کی سوامی ویویکانند سوبھارتی یونیورسٹی کے کیمپس کا دورہ کرکے طلباء کے مسئلے کو حل کیا جائے ،انہوں نے اخبار کو بتایا کہ طلباء کا مسئلہ حل ہو گیا ہے۔یونیورسٹی نے طلباء کو واپس لینے پر اتفاق کر لیا ہے۔ان کے خلاف بغاوت کے الزام میں مقدمہ درج ہونے کے بعد کلاسز سے غیر حاضری میں جو تعلیم کا نقصان ہوا اس کو پورا کرنے کے لئے علیحدہ کلاسز کا انعقاد کیا جائے گا۔انہوں نے کہا کہ ڈویژنل کمشنر میرٹھ منجیت سنگھ اور اعلیٰ مقامی پولیس حکام نے یقین دہانی کرائی ہے کہ ان طلباء کے خلاف کسی بھی قسم کی قانونی چارہ جوئی نہیں کی جائے گی اورنہ ان کے خلاف الزامات کا پیچھا کیاجائے گا۔پولیس نے اس بات کا اعتراف کیا کہ طلباء پر بغاوت کے الزامات عائد کرنا پروسیجر خامی تھی ۔ کسی بھی الزام کے تحت پولیس ان طلبا کوہراساں نہیں کرے گی،وزیراعلیٰ کے نمائندے مٹو کا کہنا تھا کہ طلباء کو واپس بھیجا جائے گا۔
مزید اہم خبریں
-
پی ٹی آئی رہنماءعامر ڈوگر کو عمرے پر جانے کی اجازت مل گئی
-
گوجرانوالہ،سفاک چچا اور چچی کامبینہ طورپربچے پرڈنڈوں سے تشدد،7سالہ بچہ جاں بحق
-
شہبازشریف نے پی پی 164میں ضمنی انتخاب کیلئے رانا راشد منہاس کو پارٹی ٹکٹ جاری کر دیا
-
پی آئی اے پرواز کی خاتون فضائی میزبان کو ٹورنٹوائیرپورٹ پر حراست میں لے لیاگیا
-
بھارت: سیاسی رہنما مختار انصاری کی موت فطری یا 'قتل'؟
-
وزیرِ اعظم شہباز شریف نے مشترکہ مفادات کونسل کی تشکیلِ نو کر دی
-
شانگلہ حملے کے اصل ملزمان کو قانون کے کٹہرے میں لائیں گے، وفاقی وزیرداخلہ کی چینی سفارت خانے کے دورے کے موقع پر گفتگو
-
آئی ایم ایف کے ساتھ نئے پروگرام کیلئے اسٹاف لیول معاہدہ جون تک کرنا چاہتے ہیں، وفاقی وزیر خزانہ
-
اپریل کو سندھ بھر میں عام تعطیل کا اعلان
-
فرانس: بالوں سے متعلق امتیازی سلوک ختم کرنے کا نیا قانون
-
امریکی سفیرکی اڈیالہ جیل میں بانی پی ٹی آئی سے ملاقات پروضاحت
-
اینٹی کرپشن عدالت نے پرویزالٰہی اورمحمد خان بھٹی کو فرد جرم عائد کرنے کیلئے 4اپریل کو طلب کرلیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.